Cyber Fraud: ವಿದ್ಯುತ್ ಬಿಲ್ ಬಾಕಿ ಹೆಸರಲ್ಲಿ ಸೈಬರ್ ವಂಚನೆ: ಲಿಂಕ್ ಕ್ಲಿಕ್ ಮಾಡುವ ಮುನ್ ಎಚ್ಚರ!
ಈ ಬೆನ್ನಲ್ಲೇ ಹರ್ಯಾಣ ಪೊಲೀಸರು ಎಚ್ಚರಿಕೆ ನೀಡಿದ್ದು, ಈ ಹೊಸ ವಂಚನೆ ಮೂಲಕ ವಂಚಕರು ನಿಮ್ಮ ವೈಯಕ್ತಿಕ ಅಥವಾ ಬ್ಯಾಂಕಿಂಗ್ ವಿವರಗಳನ್ನು ಕದಿಯುವ ಸಾಧ್ಯತೆಗಳಿವೆ ಎಂದು ಹೇಳಿದ್ದಾರೆ
ಬೆಂಗಳೂರು (ಮೇ. 13): ಸೈಬರ್ ದರೋಡೆಕೋರರು (Cyber Frauds) ಮೋಸ ಮಾಡಲು ಹೊಸ ಮಾರ್ಗವನ್ನು ಕಂಡುಹಿಡಿದಿದ್ದಾರೆ. ಮೊಬೈಲಿನಲ್ಲಿ ವಿದ್ಯುತ್ ಬಿಲ್ ಬಾಕಿ ಇದೆ ಎಂದು ಆನ್ಲೈನಿನಲ್ಲಿ ಸಂದೇಶ ರವಾನಿಸಿ ದುಷ್ಕರ್ಮಿಗಳು ಜನರನ್ನು ವಂಚಿಸುತ್ತಿದ್ದಾರೆ. ವಂಚಕರು ವಿದ್ಯುತ್ ನಿಗಮದ ಹೆಸರಿನಲ್ಲಿ ಸಂದೇಶವನ್ನು ಕಳುಹಿಸುವ ಮೂಲಕ ಅವರಿಗೆ ಕರೆ ಮಾಡುವಂತೆ ಸೂಚಿಸುತ್ತಿದ್ದಾರೆ, ಇಲ್ಲದಿದ್ದಲ್ಲಿ ಸಂಪರ್ಕ ಕಡಿತಗೊಳಿಸುವಂತೆ ಎಚ್ಚರಿಸಿದ್ದಾರೆ. ಇತ್ತೀಚೆಗೆ ಭಾರತದಲ್ಲಿ ಈ ಬಗ್ಗೆ ಸಾಕಷ್ಟು ಪ್ರಕರಣಗಳು ದಾಖಲಾಗಿವೆ.
ಈ ಬೆನ್ನಲ್ಲೇ ಹರ್ಯಾಣ ಪೊಲೀಸರು ಎಚ್ಚರಿಕೆ ನೀಡಿದ್ದು, ಈ ಹೊಸ ವಂಚನೆ ಮೂಲಕ ವಂಚಕರು ನಿಮ್ಮ ವೈಯಕ್ತಿಕ ಅಥವಾ ಬ್ಯಾಂಕಿಂಗ್ ವಿವರಗಳನ್ನು ಕದಿಯುವ ಸಾಧ್ಯತೆಗಳಿವೆ ಎಂದು ಹೇಳಿದ್ದಾರೆ. ಸಾರ್ವಜನಿಕರು ಅಂತಹ ಸಂದೇಶಗಳಿಗೆ ಉತ್ತರಿಸಬಾರದು ಅಥವಾ ಸಂದೇಶದಲ್ಲಿ ನೀಡಲಾದ ಸಂಖ್ಯೆಗೆ ಕರೆ ಮಾಡಬಾರದು ಎಂದು ಪೊಲೀಸರು ಎಚ್ಚರಿಸಿದ್ದಾರೆ.
ಯಾರಾದರೂ ಅಂತಹ ಸಂದೇಶವನ್ನು ಸ್ವೀಕರಿಸಿದರೆ ನಿಮ್ಮ ಹತ್ತಿರದ ವಿದ್ಯುತ್ ನಿಗಮದ ಕಚೇರಿಯನ್ನು ಸಂಪರ್ಕಿಸಿ. ಕರ್ನಾಟಕದಲ್ಲಿ ಯಾರಾದರೂ ಸೈಬರ್ ವಂಚನೆಗೆ ಒಳಗಾಗಿದ್ದರೆ ತಕ್ಷಣ 112 ಗೆ ಕರೆ ಮಾಡುವ ಮೂಲಕ ಸಹಾಯ ಕೂಡ ಪಡೆಯಬಹುದು.
ಈ ಸಂಬಂಧ ಪೊಲೀಸರು ಸೂಚನೆ ನೀಡಿದ್ದಾರೆ. ಇದರಲ್ಲಿ ವಂಚಕರು ಎಲ್ಲಿಂದಲೋ ವಿದ್ಯುತ್ ಗ್ರಾಹಕರ ಮೊಬೈಲ್ ನಂಬರ್ ಪಡೆದು ಆಂಗ್ಲ ಭಾಷೆಯಲ್ಲಿ ಸಂದೇಶ ಕಳುಹಿಸುತ್ತಾರೆ. ಅದರಲ್ಲಿ ಆತ್ಮೀಯ ಗ್ರಾಹಕರೇ, ಪಾಲಿಕೆಯಿಂದ ನಿಮ್ಮ ವಿದ್ಯುತ್ ಸಂಪರ್ಕ ಕಡಿತಗೊಳ್ಳಲಿದೆ ಎಂದು ಬರೆಯಲಾಗಿರುತ್ತದೆ. ಏಕೆಂದರೆ ನಿಮ್ಮ ಕಳೆದ ತಿಂಗಳ ವಿದ್ಯುತ್ ಬಿಲ್ ನವೀಕರಿಸಲಾಗಿಲ್ಲ. ದಯವಿಟ್ಟು ನೀಡಿರುವ ಸಂಖ್ಯೆಗೆ ಸಂಪರ್ಕಿಸಿ ಎಂದು ಹೇಳಲಾಗಿರುತ್ತದೆ ಅಥವಾ ಬಿಲ್ ಪಾವತಿಸಿ ಎಂಬ ಲಿಂಕ್ ನೀಡಲಾಗಿರುತ್ತದೆ.
ಇದನ್ನೂ ಓದಿ: Cyber Crime: ನಿಮ್ಹಾನ್ಸ್ ಸಂಸ್ಥೆಯ ಕಂಪ್ಯೂಟರ್ ಹ್ಯಾಕ್: ಬಿಟ್ಕಾಯಿನ್ಗೆ ಬೇಡಿಕೆ
ಈ ಸಂದೇಶವನ್ನು ಓದಿದ ನಂತರ ಗ್ರಾಹಕರು ಆತಂಕಕ್ಕೊಳಗಾಗುತ್ತಾರೆ ಮತ್ತು ನಿರ್ದಿಷ್ಟ ಸಂಖ್ಯೆಯ ಮೊಬೈಲ್ನೊಂದಿಗೆ ಫೋನ್ ಸಂಪರ್ಕಿಸುತ್ತಾರೆ ಅಥವಾ ಲಿಂಕ್ ಕ್ಲಿಕ್ ಮಾಡುತ್ತಾರೆ. ಈ ಮೂಲಕ ವಂಚಕರು ಗ್ರಾಹಕರನ್ನು ಮೋಸ ಮಾಡುತ್ತಾರೆ ಮತ್ತು ವೈಯಕ್ತಿಕ ಮಾಹಿತಿಯನ್ನು ಕಡಿಯುತ್ತಾರೆ.
ವೈಯಕ್ತಿಕ ಮಾಹಿತಿ ಲೀಕ್: ಈ ರೀತಿಯ ವಂಚನೆ ತುಂಬಾ ಅಪಾಯಕಾರಿ. ಇದರಲ್ಲಿ, ವಂಚಕ ಗ್ರಾಹಕರ ಮೊಬೈಲ್ಗೆ ಸಂಪೂರ್ಣ ಪ್ರವೇಶವನ್ನು ಪಡೆಯುತ್ತಾನೆ ಮತ್ತು ಅವನು ಎಲ್ಲಾ ಸ್ಟೋರ್ ಫೋಟೋಗಳು, ಸಂಪರ್ಕಗಳು, ವಾಟ್ಸಾಪ್ ಚಾಟ್ಗಳು, ಇಮೇಲ್, ಫೇಸ್ಬುಕ್, ಇನ್ಸ್ಟಾಗ್ರಾಮ್ ಇತ್ಯಾದಿಗಳನ್ನು ಬಳಸಬಹುದು. ಯಾವುದೇ ಅಪರಾಧ ಚಟುವಟಿಕೆಗಳನ್ನು ನಡೆಸಲು ಸಂಪರ್ಕಗಳು, ವೈಯಕ್ತಿಕ ಮಾಹಿತಿ ಇತ್ಯಾದಿಗಳನ್ನು ಬಳಸಬಹುದು.
ಏನು ಮಾಡಬಾರದು?: ಅಂತಹ ಯಾವುದೇ ಇಲಾಖೆ ಅಥವಾ ನಿಗಮದಿಂದ ನಿಮಗೆ ಸಂದೇಶ ಬಂದರೆ, ಆ ಸಂದೇಶದಲ್ಲಿ ಯಾವುದೇ ಕಂಪನಿಯ ಹೆಸರು ಇದೆಯೇ ಎಂದು ಯೋಚಿಸಿ. ಸಂಬಂಧಪಟ್ಟ ಸ್ಥಳೀಯ ಕಛೇರಿಯನ್ನು ಸಂಪರ್ಕಿಸುವ ಮೂಲಕ ಮೇಲಿನ ಮಾಹಿತಿಯನ್ನು ನೀವು ದೃಢೀಕರಿಸಬಹುದು, ಏಕೆಂದರೆ ಒಂದೇ ದಿನದ ಕಿರು ಸೂಚನೆಯಲ್ಲಿ ಸಂದೇಶ ಕಳುಹಿಸುವ ಅಥವಾ ಕರೆ ಮಾಡುವ ಮೂಲಕ ನಿಮ್ಮ ವಿದ್ಯುತ್ ಸಂಪರ್ಕವನ್ನು ಯಾರೂ ಕಡಿತಗೊಳಿಸಲಾಗುವುದಿಲ್ಲ. ಆದ್ದರಿಂದ, ಅಪರಿಚಿತ ಸಂಖ್ಯೆಗಳಿಗೆ ಕರೆ ಮಾಡಬೇಡಿ ಅಥವಾ ನಿಮ್ಮ ಮೊಬೈಲ್ನಲ್ಲಿ ಯಾವುದೇ ಅಪರಿಚಿತ ಅಪ್ಲಿಕೇಶನ್ ಸ್ಥಾಪಿಸಬೇಡಿ, ಯಾವುದೇ ಅಪರಿಚಿತ ಲಿಂಕ್ ಸಹ ಕ್ಲಿಕ್ ಮಾಡಬೇಡಿ.
ಇದನ್ನೂ ಓದಿ: Cryptocurrency Fraud: ಕ್ರಿಪ್ಟೋ ಕರೆನ್ಸಿ ಹೆಸರಲ್ಲಿ ಕೋಟಿ ಕೋಟಿ ಧೋಖಾ