ಸಿದ್ದರಾಮಯ್ಯ ಆರೋಪ ಕಾಂಗ್ರೆಸ್‌ಗೇ ತಿರುಗುಬಾಣ..?
ಆರೋಗ್ಯ ಇಲಾಖೆಯ ಉಪಕರಣದಲ್ಲಿ ಕೋಟ್ಯಂತರ ರುಪಾಯಿ ಅವ್ಯವಹಾರ ನಡೆಸುತ್ತಿದೆ ಎಂದು ಸರ್ಕಾರದ ವಿರುದ್ಧ ಆರೋಪ ಮಾಡಿದ್ದ ಕಾಂಗ್ರೆಸ್ ನಾಯಕರಿಗೆ, ಅವರ ಆಪಾದನೆಯೇ ತಿರುಗುಬಾಣ ಆಗುವ ಸಾಧ್ಯತೆ ಗೋಚರಿಸುತ್ತಿದೆ. ಇದೀಗ ಅವರದ್ದೇ ಅವಧಿಯಲ್ಲಿ ಅಕ್ರಮ ನಡೆದಿತ್ತು ಎಂಬ ಪ್ರತಿ-ಆರೋಪ ಕೇಳಿಬಂದಿದೆ.
 )
Followಬೆಂಗಳೂರು(ಜು. 24): ಆರೋಗ್ಯ ಇಲಾಖೆಯ ಉಪಕರಣದಲ್ಲಿ ಕೋಟ್ಯಂತರ ರುಪಾಯಿ ಅವ್ಯವಹಾರ ನಡೆಸುತ್ತಿದೆ ಎಂದು ಸರ್ಕಾರದ ವಿರುದ್ಧ ಆರೋಪ ಮಾಡಿದ್ದ ಕಾಂಗ್ರೆಸ್ ನಾಯಕರಿಗೆ, ಅವರ ಆಪಾದನೆಯೇ ತಿರುಗುಬಾಣ ಆಗುವ ಸಾಧ್ಯತೆ ಗೋಚರಿಸುತ್ತಿದೆ. ಇದೀಗ ಅವರದ್ದೇ ಅವಧಿಯಲ್ಲಿ ಅಕ್ರಮ ನಡೆದಿತ್ತು ಎಂಬ ಪ್ರತಿ-ಆರೋಪ ಕೇಳಿಬಂದಿದೆ.
‘ಕೋಟ್ಯಂತರ ರುಪಾಯಿಗೆ ಬಿಜೆಪಿ ಸರ್ಕಾರ ವೆಂಟಿಲೇಟರ್‌ ಖರೀದಿ ಮಾಡಿದೆ’ ಎಂದು ಕಾಂಗ್ರೆಸ್ ನಾಯಕರು ಗುರುವಾರ ಬೆಳಗ್ಗೆ ಪತ್ರಿಕಾಗೋಷ್ಠಿ ನಡೆಸಿ ಆರೋಪ ಮಾಡಿದ್ದರು. ಆದರೆ ಮಧ್ಯಾಹ್ನದ ವೇಳೆ ಬಿಜೆಪಿ ಸಚಿವರು ಸುದ್ದಿಗೋಷ್ಠಿ ನಡೆಸಿ, ಅಂಕಿ-ಅಂಶ ಸಮೇತ ಹಿಂದಿನ ಕಾಂಗ್ರೆಸ್ ಮತ್ತು ಜೆಡಿಎಸ್‌ ಸರ್ಕಾರದ ಅವಧಿಯಲ್ಲಿ ಆರೋಗ್ಯ ಇಲಾಖೆಯಲ್ಲಿ ನಡೆದಿದೆ ಎನ್ನಲಾದ ಅಕ್ರಮವನ್ನು ಬಿಚ್ಚಿಡುವ ಮೂಲಕ ಕಾಂಗ್ರೆಸ್ ನಾಯಕರಿಗೆ ರಾಚುವಂತೆ ಮಾಡಿದ್ದಾರೆ.
ಗುರುವಾರ ರಾಜ್ಯದಲ್ಲಿ 5 ಸಾವಿರ ಕೇಸ್.. ಜಿಲ್ಲೆಗಳು ಡೇಂಜರ್..ಡೇಂಜರ್!
ಕಳೆದ 2019ರ ಜನವರಿ ತಿಂಗಳಲ್ಲಿ ಕಾಂಗ್ರೆಸ್-ಜೆಡಿಎಸ್‌ ಸಮ್ಮಿಶ್ರ ಸರ್ಕಾರ ಯಾವುದೇ ಆರೋಗ್ಯದ ಸಮಸ್ಯೆ, ಒತ್ತಡ ಇಲ್ಲದ ಸಂದರ್ಭದಲ್ಲಿ ಲಕ್ಷಾಂತರ ರುಪಾಯಿ ವ್ಯಯಿಸುವ ಮೂಲಕ ದೊಡ್ಡ ಭ್ರಷ್ಟಾಚಾರ ನಡೆಸಿದ್ದಾರೆ ಎಂದು ಬಿಜೆಪಿ ಸಚಿವರು ಗಂಭೀರ ಆಪಾದನೆ ಮಾಡಿದ್ದಾರೆ.
ಬಿಜೆಪಿ ಸಚಿವರ ಅರೋಪವೇನು?:
‘ಕಾಂಗ್ರೆಸ್-ಜೆಡಿಎಸ್‌ ಸರ್ಕಾರ ಇದ್ದಾಗ ಹೋಮ್‌ ಮೆಡಿಕ್ಸ್‌ ಎಂಬ ಕಂಪನಿಯಿಂದ ಒಂದು ವೆಂಟಿಲೇಟರ್‌ಗೆ . 21.73 ಲಕ್ಷದಂತೆ 9 ವೆಂಟಿಲೇಟರ್‌ಗಳನ್ನು ಖರೀದಿ ಮಾಡಲಾಗಿತ್ತು. 2019ರಲ್ಲೇ ಅಲೈಡ್‌ ಮೆಡಿಕಲ್‌ನಿಂದ ಒಂದು ವೆಂಟಿಲೇಟರ್‌ಗೆ . 15.12 ಲಕ್ಷದಂತೆ 28 ವೆಂಟಿಲೇಟರ್‌ ಖರೀದಿ ಮಾಡಲಾಗಿತ್ತು. ಟ್ರಾನ್ಸ್‌ ಹೆಲ್ತ್‌ ಕೇರ್‌ ಇಂಡಿಯಾ ಕಂಪನಿಯಿಂದ 2019ರಲ್ಲಿ ಒಂದು ವೆಂಟಿಲೇಟರ್‌ಗೆ . 14.51 ಲಕ್ಷದಂತೆ 9 ವೆಂಟಿಲೇಟರ್‌ಗಳನ್ನು ಖರೀದಿಸಲಾಗಿತ್ತು. ಇಷ್ಟುದೊಡ್ಡ ಮೊತ್ತದ ವೆಂಟಿಲೇಟರ್‌ನ್ನು ಏಕೆ ಖರೀದಿ ಮಾಡಲಾಗಿದೆ?’ ಎಂದು ಬಿಜೆಪಿ ಸಚಿವರು ಖಾರವಾಗಿ ಪ್ರಶ್ನಿಸಿದರು.
1000 ರೂ. ಕಡಿಮೆಗೆ ಸಿಗಲಿದೆ ಕೊರೋನಾ ಔಷಧ, ಕೊನೆಯ ಪ್ರಯೋಗವೊಂದೇ ಬಾಕಿ
ಆದರೆ, ತಮಿಳುನಾಡು ಪ್ರತಿ ವೆಂಟಿಲೇಟರ್‌ಗೆ . 4 ಲಕ್ಷ ಕೊಟ್ಟು ಖರೀದಿ ಮಾಡಿದೆ ಎಂದು ಕಾಂಗ್ರೆಸ್ಸಿಗರು ಹೇಳಿದ್ದಾರೆ. ಹಾಗಾದಲ್ಲಿ ಒಂದು ಸಾವಿರ ವೆಂಟಿಲೇಟರ್‌ಗೆ . 40 ಕೋಟಿ ಆಗಬೇಕಿತ್ತು. ಕರ್ನಾಟಕದಲ್ಲಿ ಇದರ ಖರೀದಿಗೆ . 120 ಕೋಟಿ ವ್ಯಯ ಮಾಡಿದ್ದಾರೆ ಎಂದು ಕಾಂಗ್ರೆಸ್ ಆರೋಪ ಮಾಡಿದೆ. ಪ್ರಸ್ತುತ ಬಿಜೆಪಿ ಸರ್ಕಾರ 80 ವೆಂಟಿಲೇಟರ್‌ಗಳನ್ನು . 5.80 ಲಕ್ಷದಂತೆ ಖರೀದಿ ಮಾಡಿದೆ. ವಿಶೇಷವಾಗಿ .7 ಲಕ್ಷಕ್ಕೆ 28 ವೆಂಟಿಲೇಟರ್‌ ಹಾಗೂ 18 ಲಕ್ಷಕ್ಕೆ ಒಂದು ವೆಂಟಿಲೇಟರ್‌ ಖರೀದಿ ಮಾಡಲಾಗಿದೆ. ಒಟ್ಟು 747 ವೆಂಟಿಲೇಟರ್‌ಗಳನ್ನು . 10.61 ಕೋಟಿ ಕೊಟ್ಟು ಖರೀದಿ ಮಾಡಲಾಗಿದೆ ಎಂದು ಉಪಮುಖ್ಯಮಂತ್ರಿ ಡಾ.ಸಿ.ಎನ್‌.ಅಶ್ವತ್‌್ಥನಾರಾಯಣ್‌ ಸ್ಪಷ್ಟಪಡಿಸಿದರು. ಈ ಮೂಲಕ ಜೆಡಿಎಸ್‌-ಕಾಂಗ್ರೆಸ್‌ಗಿಂತ ಕಡಿಮೆ ಬೆಲೆಯಲ್ಲಿ ಖರೀದಿ ಮಾಡಲಾಗಿದೆ ಎಂದು ಪ್ರತಿಪಾದಿಸಿದರು.
ಆರೋಗ್ಯ ಇಲಾಖೆಯಲ್ಲಿ .535 ಕೋಟಿ ಅವ್ಯಹಾರ:
ಇನ್ನು ಸಿದ್ದರಾಮಯ್ಯ ನೇತೃತ್ವದಲ್ಲಿ ಆರೋಗ್ಯ ಇಲಾಖೆಯಲ್ಲಿ ನಡೆದಿದ್ದ . 535 ಕೋಟಿ ಅವ್ಯವಹಾರ ನಡೆದಿತ್ತು. ಅಂದಿನ ಅವಧಿಯಲ್ಲಿ ಆರೋಗ್ಯ ಇಲಾಖೆಯಲ್ಲಿ ಮಾತ್ರೆ, ಆ್ಯಂಬುಲೆನ್ಸ್‌, ಔಷಧಿ, ವೆಂಟಿಲೇಟರ್‌ ಹಾಗೂ ಇತರ ಉಪಕರಣ ಖರೀದಿಯಲ್ಲಿ . 535 ಕೋಟಿ ಅವ್ಯಹಾರ ನಡೆದಿದೆ. ಅಂದಿನ ಆರೋಗ್ಯ ಸಚಿವರು ಯಾರು ಗೊತ್ತಾ? ಈ ಅವ್ಯವಹಾರವನ್ನು ಖುದ್ದು ಮಹಾಲೆಕ್ಕ ಪರಿಶೋಧಕ (ಸಿಎಜಿ) ಇಲಾಖೆ ಉಲ್ಲೇಖಿಸಿದೆ. ಈ ವೇಳೆ ಯಾರಿಗೆಲ್ಲಾ ಕಮಿಷನ್‌ ನೀಡಲಾಗಿದೆ ಎಂದು ವೈದ್ಯಕೀಯ ಶಿಕ್ಷಣ ಸಚಿವ ಡಾ.ಕೆ.ಸುಧಾಕರ್‌ ವಾಗ್ದಾಳಿ ನಡೆಸಿದರು.
ಈ ಅವ್ಯವಹಾರದ ಬಗ್ಗೆ ವಕೀಲ ಶಿವಾರೆಡ್ಡಿ ಎಂಬುವರು ಸಿಬಿಐ ತನಿಖೆಗೆ ನೀಡಬೇಕು ಎಂದು ಆಗ್ರಹಿಸಿದ್ದರು. ಬಳಿಕ ಲೋಕಾಯುಕ್ತಕ್ಕೆ ಈ ಬಗ್ಗೆ ದೂರು ನೀಡಿದ್ದರು ಎಂದು ತಿಳಿಸಿದರು.
