ಪೊಲೀಸ್ ಪತ್ರಿಕೆ ಅಷ್ಟೇ ಅಲ್ಲ, KPSC ಪ್ರಶ್ನೆ ಪತ್ರಿಕೆಯೂ ಲೀಕ್..!
ಪೊಲೀಸ್ ಕಾನ್ಸ್ ಟೇಬಲ್ ಪರೀಕ್ಷೆ ಪ್ರಶ್ನೆ ಪತ್ರಿಕೆ ಸೋರಿಕೆ ಪ್ರಕರಣದ ತನಿಖೆ ವೇಳೆ ಬಯಲಾಯ್ತು ಮತ್ತೊಂದು ಸ್ಫೋಟಕ ಸತ್ಯ. ಇಲಾಖೆಯ ಅನ್ನ ತಿಂದು, ಅಕ್ರಮದಲ್ಲಿ ಭಾಗಿಯಾದವ್ರ ಬಣ್ಣ ಬಯಲು. ಸಿಸಿಬಿ ಎದುರು ಕಿಂಗ್ ಪಿನ್ ಶಿವಕುಮಾರ್ ಬಾಯ್ಬಿಟ್ಟ ಆ ಸ್ಫೋಟಕ ಮಾಹಿತಿ ಇಲ್ಲಿದೆ.
ಬೆಂಗಳೂರು, [ನ.30]: ಪೊಲೀಸ್ ಕಾನ್ಸ್ ಟೇಬಲ್ ಪರೀಕ್ಷೆ ಪ್ರಶ್ನೆ ಪತ್ರಿಕೆ ಸೋರಿಕೆ ಪ್ರಕರಣಕ್ಕೆ ಇಂಬು ನೀಡುವಂತೆ, ಸ್ಫೋಟಕ ಮಾಹಿತಿವೊಂದು ಬಯಲಾಗಿದೆ.
ಪ್ರಶ್ನೆ ಪತ್ರಿಕೆ ಲೀಕ್ ಮಾಡಲು ನನಗೆ ನಿವೃತ್ತ ಐಪಿಎಸ್ ಅಧಿಕಾರಿ ಸಾಥ್ ನೀಡಿದ್ದಾರೆ ಎಂದು ಶಿವಕುಮಾರ್ ಸಿಸಿಬಿ ಎದುರು ಸತ್ಯ ಬಾಯ್ಬಿಟ್ಟಿದ್ದಾನೆ.
ಜೊತೆಗೆ ವೀರಪ್ಪನ್ ಕಾರ್ಯಾಚರಣೆಗೆ ರಚಿಸಿದ್ದ STF ತಂಡದಲ್ಲಿ ಅಧಿಕಾರಿ ಕೆಲಸ ಮಾಡಿದ್ದಾನೆ ಎಂದು ಶಿವಕುಮಾರ್ ಹೇಳಿದ್ದಾನೆ.
ಐಪಿಎಸ್ ಅಧಿಕಾರಿ KPSC ಪ್ರಶ್ನೆ ಪತ್ರಿಕೆಯ ಸೋರಿಕೆಯಲ್ಲೂ ಬಾಗಿಯಾಗಿದ್ದ ಎಂದು ಬಾಯಿ ಬಿಟ್ಟಿದ್ದು, ಅಕ್ರಮದಲ್ಲಿ ನಿವೃತ್ತ ಐಜಿಪಿ ಹೆಸರು ಕೇಳಿ ಬಂದಿದ್ರಿಂದ ಸಿಸಿಬಿ ಅಧಿಕಾರಿಗಳೇ ಅಚ್ಚರಿ ವ್ಯಕ್ತಪಡಿಸಿದ್ದಾರೆ.
ಕಲ್ಮಠದ ಶಾಲೆಯ ಟೇರೆಸ್ನಲ್ಲಿ ಪತ್ರಿಕೆ ಬಗ್ಗೆ 119 ವಿದ್ಯಾರ್ಥಿಗಳಿಗೆ ರಾಜಾರೋಷವಾಗಿ ಶಿವಕಮಾರ್ ಪ್ರಶ್ನೆ ಪತ್ರಿಕೆ ಬಗ್ಗೆ ಮಾಹಿತಿ ನೀಡುತ್ತಿದ್ದ. ಇನ್ನೂ ಈ ಪ್ರಕರಣವನ್ನು ಬೇದಿಸಲು ಸ್ವತಃ ಸಿಸಿಬಿ ಎಸಿಪಿ ವೇಣುಗೋಪಾಲ್, ಡಾಕ್ಟರ್ ವೇಷ ಧರಿಸಿ ಅಖಾಡಕ್ಕಿಳಿದ್ರು.
