ಪುಲ್ವಾಮಾ ದಾಳಿಯಲ್ಲಿ ಹುತಾತ್ಮನಾದ ಯೋಧನ ಪತ್ನಿಗೆ ಸೈಟ್ ನಿರಾಕರಿಸಿದ್ದ ಮುಡಾ!
50:50 ಹಂಚಿಕೆ ಯೋಜನೆಯಡಿಯಲ್ಲಿ ಮುಡಾ ಅಕ್ರಮವಾಗಿ ಕೋಟ್ಯಂತರ ರೂಪಾಯಿ ಮೌಲ್ಯದ ಸೈಟ್‌ಗಳನ್ನು ಮಂಜೂರು ಮಾಡುವಲ್ಲಿ ನಿರತರಾಗಿದ್ದರೆ, ಅರ್ಹವಾಗಿ ತಮಗೆ ಬರಬೇಕಾಗಿದ್ದ ಪುಟ್ಟ ಸೈಟ್‌ಗಾಗಿ ಪುಲ್ವಾಮಾ ದಾಳಿಯ ಹುತಾತ್ಮನ ಪತ್ನಿ ಮುಡಾದ ಗಲ್ಲಿ ಗಲ್ಲಿಗಳಲ್ಲಿ ಓಡಾಡಿದ್ದರು.
 )
Followಮೈಸೂರು (ಆ.6): ಒಂದೆಡೆ ಸಿಎಂ ಸಿದ್ಧರಾಮಯ್ಯ ಮೈಸೂರಿನ ಪ್ರತಿಷ್ಠಿತ ಬಡಾವಣೆಯಲ್ಲಿ ಅಕ್ರಮವಾಗಿ ಮುಡಾ ಸೈಟ್ ಪಡೆದಿದ್ದಾರೆ ಎಂದು ವಿಪಕ್ಷಗಳು ಆರೋಪ ಮಾಡಿ ಪಾದಯಾತ್ರೆ ನಡೆಸುತ್ತಿರುವ ನಡುವೆ ಮುಡಾದ ಕರ್ಮಕಾಂಡಗಳು ಒಂದೊಂದೇ ಬಯಲಾಗುತ್ತಿವೆ. ಮೈಸೂರು ನಗರ ಅಭಿವೃದ್ಧಿ ಪ್ರಾಧಿಕಾರ (ಮುಡಾ) ಅಧಿಕಾರಿಗಳು 50:50 ಹಂಚಿಕೆ ಯೋಜನೆಯಡಿಯಲ್ಲಿ ಅಕ್ರಮವಾಗಿ ಕೋಟ್ಯಂತರ ರೂಪಾಯಿ ಮೌಲ್ಯದ ಸೈಟ್‌ಗಳನ್ನು ಮಂಜೂರು ಮಾಡುವಲ್ಲಿ ನಿರತರಾಗಿದ್ದರೆ, ಅಚ್ಚರಿಯ ಬೆಳವಣಿಗೆಯಲ್ಲಿ ಅರ್ಹವಾಗಿ ತಮಗೆ ಬರಬೇಕಾಗಿದ್ದ ಪುಟ್ಟ ಸೈಟ್‌ಗಾಗಿ ಪುಲ್ವಾಮಾ ದಾಳಿಯ ಹುತಾತ್ಮನ ಪತ್ನಿ ಮುಡಾದ ಗಲ್ಲಿ ಗಲ್ಲಿಗಳಲ್ಲಿ ಓಡಾಡುತ್ತಿರುವ ವಿಚಾರ ಬಹಿರಂಗವಾಗಿದೆ. ಅವರ ಸೈಟ್ ಬೇಡಿಕೆಯನ್ನು ಮುಂದಿನ ಹಂಚಿಕೆ ಸುತ್ತಿನಲ್ಲಿ ಮಾತ್ರ ಪರಿಗಣಿಸಲಾಗುವುದು ಎಂದು ಸೂಚಿಸುವ ಟಿಪ್ಪಣಿಯನ್ನು ಅವರ ಪತ್ನಿಗೆ ನೀಡಲಾಗಿದ್ದು, ಇದು ವ್ಯಾಪಕ ಆಕ್ರೋಶಕ್ಕೆ ಗುರಿಯಾಗಿದೆ. ದೇಶದ ಗಡಿಕಾಯುವ ಸಮಯದಲ್ಲಿ ವೀರ ಮರಣ ಕಂಡ ಸೈನಿಕನ ಪತ್ನಿಗೆ ಮುಡಾ ಅಧಿಕಾರಿಗಳ ನಿರ್ದಯ ವರ್ತನೆ ಜನರ ಆಕ್ರೋಶಕ್ಕೆ ಕಾರಣವಾಗಿದೆ. ಮುಂದಿನ ಹಂಚಿಕೆ ಸುತ್ತು ಎಂದು ಮುಡಾ ಹೇಳಿ ಈಗಾಗಲೇ ಐದು ವರ್ಷ ಕಳೆದಿವೆ ಎನ್ನುವುದು ಅಚ್ಚರಿಯ ಸಂಗತಿ.
ಕಾಶ್ಮೀರದ ಪುಲ್ವಾಮಾದ ಲೇಥ್‌ಪುರದಲ್ಲಿ ಭಯೋತ್ಪಾದಕರು ನಡೆಸಿದ ಐಇಡಿ (ಸುಧಾರಿತ ಸ್ಫೋಟಕ ಸಾಧನ) ಸ್ಫೋಟದಲ್ಲಿ 2019ರ ಫೆ.14 ರಂದು ಕೇಂದ್ರೀಯ ಮೀಸಲು ಪೊಲೀಸ್ ಪಡೆ (ಸಿಆರ್‌ಪಿಎಫ್) 82 ಬೆಟಾಲಿಯನ್ ಯೋಧ ಎಚ್. ಗುರು (ಸಂಖ್ಯೆ 115050445) ಹುತಾತ್ಮರಾಗಿದ್ದರು. ಅವರ ತ್ಯಾಗವನ್ನು ಗುರುತಿಸಿ, ಬೆಂಗಳೂರಿನ ಕೇಂದ್ರೀಯ ಸೈನಿಕ ಮಂಡಳಿ, ಮಾಜಿ ಸೈನಿಕರ ಕಲ್ಯಾಣ ಮತ್ತು ಪುನರ್ವಸತಿ ಇಲಾಖೆ, ಮಂಡ್ಯದ ಮದ್ದೂರು ತಾಲ್ಲೂಕಿನ ನಿವಾಸಿ ಎಸ್.ಕಲಾವತಿ ಅವರ ಪತ್ನಿಗೆ ಮನೆ ನಿರ್ಮಿಸಲು ಉಚಿತ ನಿವೇಶನವನ್ನು ಶಿಫಾರಸು ಮಾಡಿತ್ತು. ಕಲಾವತಿಯವರು ಕನಕಪುರ ಸಮೀಪದ ಗ್ರಾಮದವರು.
ಅಧಿಕಾರಿಗಳಿಂದ ಮನವಿ ನಿರ್ಲಕ್ಷ್ಯ: ಮಂಡಳಿಯ ಲಿಖಿತ ಶಿಫಾರಸಿನ ನಂತರ, ಕಲಾವತಿ ಅವರು ನಿರ್ದೇಶನದಂತೆ ಮುಡಾ ಸೈಟ್‌ಗೆ ಅರ್ಜಿ ಸಲ್ಲಿಸಿದರು. ಮುಡಾ ಕಚೇರಿ ಮತ್ತು ಸಭೆಗಳಿಗೆ ಆಕೆ ಪದೇ ಪದೇ ಭೇಟಿ ನೀಡಿದರೂ ಅಧಿಕಾರಿಗಳು ಆಕೆಯ ಮನವಿಗೆ ಸ್ಪಂದಿಸಲಿಲ್ಲ. ಪರ್ಯಾಯ ಮಾರ್ಗವಿಲ್ಲದೆ, ಅವರು 2021ರ ಅಕ್ಟೋಬರ್ 11 ಹಾಗೂ 2022ರ ಜೂನ್‌ 6 ರಂದು ಮುಡಾ ಆಯುಕ್ತರಿಗೆ ಪತ್ರ ಬರೆದಿದ್ದರ. ಎಲ್ಲಾ ಅಗತ್ಯ ದಾಖಲೆಗಳನ್ನು ಲಗತ್ತಿಸಿ ಮತ್ತು ತ್ವರಿತ ಪರಿಹಾರಕ್ಕಾಗಿ ಒತ್ತಾಯಿಸಿದ್ದರು. ಆದರೆ, ಇದಕ್ಕೂ ಯಾವುದೇ ಪ್ರತಿಕ್ರಿಯೆ ಬಂದಿರಲಿಲ್ಲ. 2022ರ ಜೂನ್‌ 29 ರಂದು ಮತ್ತೊಮ್ಮೆ ಸೈಟ್ ಕೋರಿ ಅವರು ಪತ್ರ ಬರೆದಿದ್ದರು.
ಆಕೆಯ ಕೋರಿಕೆಯನ್ನು ನಿರ್ಲಕ್ಷಿಸುವ ಮೂಲಕ, ಮುಡಾ ಅಧಿಕಾರಿಗಳು 2000 ರಿಂದ ರಾಜ್ಯಾದ್ಯಂತ ನಗರಾಭಿವೃದ್ಧಿ ಪ್ರಾಧಿಕಾರಗಳು ರಾಷ್ಟ್ರಕ್ಕಾಗಿ ಪ್ರಾಣ ತ್ಯಾಗ ಮಾಡುವ ಸೈನಿಕರು ಮತ್ತು ಅಧಿಕಾರಿಗಳ ಅವಲಂಬಿತರಿಗೆ ಉಚಿತ ಸೈಟ್‌ಗಳನ್ನು ಮಂಜೂರು ಮಾಡಬೇಕೆಂಬ ಸರ್ಕಾರದ ಆದೇಶವನ್ನು ನಿರ್ಲಕ್ಷ್ಯ ಮಾಡಿದಂತಾಗಿದೆ. ಆದೇಶದ ಪ್ರಕಾರ, ಯುದ್ಧದಲ್ಲಿ ಅಥವಾ ಅಂತಹುದೇ ಸಂದರ್ಭಗಳಲ್ಲಿ ಸಾವನ್ನಪ್ಪುವ ನಿಯೋಜಿತ ಅಧಿಕಾರಿಗಳ ಅವಲಂಬಿತರು 40×60 ಸೈಟ್‌ಗೆ ಅರ್ಹರಾಗಿರುತ್ತಾರೆ, ಆದರೆ ನಿಯೋಜಿಸದ ಅಧಿಕಾರಿಗಳು 30×40 ಸೈಟ್ ಅನ್ನು ಪಡೆಯುತ್ತಾರೆ. 1971ರಲ್ಲಿ ಕೇಂದ್ರ ಸರ್ಕಾರವೂ ಇದೇ ರೀತಿಯ ಆದೇಶ ಹೊರಡಿಸಿತ್ತು.
ಕಲಾವತಿ ಅವರ ಮನವಿಯನ್ನು ಆಧರಿಸಿ, 2020r ಜ. 29ರಂದು, ಮಾಜಿ ಸೈನಿಕರ ಕಲ್ಯಾಣ ಮತ್ತು ಪುನರ್ವಸತಿ ಇಲಾಖೆ, ಬೆಂಗಳೂರು ಕೇಂದ್ರೀಯ ಸೈನಿಕ ಮಂಡಳಿಯ ನಿರ್ದೇಶಕ ಬ್ರಿಗೇಡಿಯರ್ (ನಿವೃತ್ತ) ರವಿ ಮುನಿಸ್ವಾಮಿ ಅವರು ಮುಡಾ ಆಯುಕ್ತರಿಗೆ ಪತ್ರವೊಂದನ್ನು ಕಳುಹಿಸಿದ್ದಾರೆ. ಎಸ್.ಕಲಾವತಿ ಅವರ ಅರ್ಹತೆ ನೀಡಿ ಉಚಿತ ನಿವೇಶನ ನೀಡುವಂತೆ ಅವರೂ ಕೂಡ ಮನವಿ ಮಾಡಿದ್ದರು.ನಿರ್ದೇಶಕರು ಪತ್ರದ ಮೇಲೆ ತೆಗೆದುಕೊಂಡ ಕ್ರಮದ ವಿವರವಾದ ಪ್ರತಿಕ್ರಿಯೆಯನ್ನು ಕೋರಿದರು. ಈ ಅಧಿಕೃತ ಪತ್ರವ್ಯವಹಾರದ ಹೊರತಾಗಿಯೂ, ಕಲಾವತಿಯವರ ವಿನಂತಿಯು ಇತ್ಯರ್ಥವಾಗಲಿಲ್ಲ.
ಸಿದ್ದು ತಪ್ಪು ಮಾಡದಿದ್ರೆ ದೆಹಲಿ ನಾಯಕರ ಸಪೋರ್ಟ್ ಏಕೆ ಬೇಕು?. ಹಣ ಕೊಟ್ಟು ಅವರನ್ನು ಏಕೆ ಕರೆಸಿದ್ದೀರಿ?: ಅಶೋಕ್
ಹಲವಾರು ಫಾಲೋಅಪ್‌ಗಳ ನಂತರ, 2022ರ ಜುಲೈ 13ರಂದು, ವಲಯ 4 ರ ವಿಶೇಷ ತಹಶೀಲ್ದಾರ್ ಅವರು ಎಸ್. ಕಲಾವತಿ ಅವರಿಗೆ ಪತ್ರವನ್ನು ಕಳುಹಿಸಿದ್ದರು. ದಿವಂಗತ ಗುರು ಅವರ ಪಿಂಚಣಿ ದಾಖಲೆಗಳು, ಅವರ ಪಿಂಚಣಿ ಅರ್ಹತೆ, ಸೇವಾ ದಾಖಲೆ, ಮರಣ ಪ್ರಮಾಣ ಪತ್ರ, ಬದುಕುಳಿದವರ ವಿವರಗಳು ಸೇರಿದಂತೆ ಸಮಗ್ರ ದಾಖಲೆಗಳನ್ನು ಕೋರಿದರು. ಕುಟುಂಬ ಸದಸ್ಯರು, ವಸತಿ ಪುರಾವೆ, ಅವರು ಬೇರೆ ಯಾವುದೇ ಸೈಟ್, ಗುರುತಿನ ದಾಖಲೆಗಳು ಮತ್ತು ಆಧಾರ್ ಕಾರ್ಡ್ ಹೊಂದಿಲ್ಲ ಎಂದು ದೃಢೀಕರಿಸುವ ಅಫಿಡವಿಟ್ ಅನ್ನೂ ಕೇಳಿದ್ದರು. ಕಲಾವತಿ ಅವರು ಅಗತ್ಯವಿರುವ ಎಲ್ಲಾ ದಾಖಲೆಗಳನ್ನು ಒದಗಿಸಿದ್ದರು. 2022ರ ಅಕ್ಟೋಬರ್ 31ರಂದು ಮುಡಾ ವಲಯ 4 ವಿಶೇಷ ತಹಶೀಲ್ದಾರ್ ಅವರು ಕಲಾವತಿ ಅವರ ಉಚಿತ ಸೈಟ್‌ಗಾಗಿ ಅರ್ಜಿಯನ್ನು ಮುಂದಿನ ನಿವೇಶನ ಹಂಚಿಕೆಯಲ್ಲಿ ಆದ್ಯತೆ ನೀಡಲಾಗುವುದು ಎಂದೂ ಕಡತದಲ್ಲಿ ತಿಳಿಸಿದ್ದರು. ಆದರೆ, ಸೈಟ್ ಮಾತ್ರ ಮಂಜೂರಾಗಲೇ ಇಲ್ಲ.
ಮುಡಾ ಪ್ರಕರಣದಲ್ಲಿ ಬಿಜೆಪಿ ಮಾಡುತ್ತಿರುವ ಆರೋಪಕ್ಕೆ ಹೋರಾಟ ಮಾಡಲು ಸಿದ್ದ: ಸಿಎಂ ಸಿದ್ದರಾಮಯ್ಯ
ಈ ಭರವಸೆಯ ಹೊರತಾಗಿಯೂ, ಮುಡಾ ಅಧಿಕಾರಿಗಳು 50:50 ಅನುಪಾತದ ಅಡಿಯಲ್ಲಿ ಸಾವಿರಾರು ನಿವೇಶನಗಳನ್ನು ಮಂಜೂರು ಮಾಡುವುದನ್ನು ಮುಂದುವರೆಸಿದ್ದರೂ ಸಹ, ಕಲಾವತಿಗೆ ಇನ್ನೂ ಮುಡಾ ಸೈಟ್ ಸಿಕ್ಕಿಲ್ಲ.
