ಆತ ಹರ್ಯಾಣ ಬೌಲರ್. ಆದ್ರೂ ಆತನಿಗೆ ಬೆಂಗಳೂರು 2ನೇ ತವರು. ಚಿನ್ನಸ್ವಾಮಿ ಸ್ಟೇಡಿಯಂನಲ್ಲೇ ಆತ 6 ವಿಕೆಟ್ ಪಡೆದು ಆಂಗ್ಲರ ಬೇಟೆಯಾಡಿದ್ದ. ನಾಳೆ ಕಾಂಗರೂ ಬೇಟೆಯಾಡಲು ರೆಡಿಯಾಗಿದ್ದಾನೆ. ಆತನೇ 4ನೇ ಪಂದ್ಯದ ಬೌಲಿಂಗ್ ಟ್ರಂಪ್ಕಾರ್ಡ್
ಯುಜವೇಂದ್ರ ಚಹಲ್ ಇತ್ತೀಚೆಗೆ ಟೀಂ ಇಂಡಿಯಾ ಬೌಲಿಂಗ್ ಟ್ರಂಪ್ಕಾರ್ಡ್ ಆಗ್ತಿದ್ದಾರೆ. ಆಡಿರೋದು ಕೇವಲ 17 ಇಂಟರ್ನ್ಯಾಷನಲ್ ಮ್ಯಾಚ್. ಆಗ್ಲೇ ಎದುರಾಳಿ ಬೌಲರ್ಗಳನ್ನ ಇನ್ನಿಲ್ಲದಂತೆ ಕಾಡ್ತಿದ್ದಾರೆ. ಪ್ರತಿ ಪಂದ್ಯದಲ್ಲೂ ವಿಕೆಟ್ ಪಡೆಯೋ ಮೂಲ್ಕ ಬ್ಯಾಟ್ಸ್ಮನ್ಗಳ ನಿದ್ದೆಗೆಡಿಸಿದ್ದಾರೆ. ಬೆಂಗಳೂರಿನಲ್ಲಿ ನಡೆಯುವ ಭಾರತ-ಆಸೀಸ್ 4ನೇ ಪಂದ್ಯದಲ್ಲಿ ಅವರೇ ಬೌಲಿಂಗ್ ಟ್ರಂಪ್ಕಾರ್ಡ್.
ಚಹಲ್ ಮ್ಯಾಜಿಕ್ಗೆ ಕಾಂಗರೂ ಉಡೀಸ್: ಯುಜವೇಂದ್ರಗೆ 3 ಪಂದ್ಯದಿಂದ 6 ವಿಕೆಟ್
ಆಸ್ಟ್ರೇಲಿಯಾ ವಿರುದ್ಧ ರಿಸ್ಟ್ ಸ್ಪಿನ್ನರ್ ಅದ್ಭುತ ಪ್ರದರ್ಶನ ನೀಡ್ತಿದ್ದಾರೆ. ಮೂರು ಮ್ಯಾಚ್ನಿಂದ 6 ವಿಕೆಟ್ ಪಡೆಯೋ ಮೂಲ್ಕ ಕಾಂಗರೂಗಳ ಬೇಟೆಯಾಡಿದ್ದಾರೆ. ಚೆನ್ನೈನಲ್ಲಿ 3 ವಿಕೆಟ್ ಕಬಳಿಸಿದ್ದ ಚಹಲ್, ಕೋಲ್ಕತ್ತಾದಲ್ಲಿ 2 ವಿಕೆಟ್ ಉರುಳಿಸಿದ್ದರು. ಇಂದೋರ್ನಲ್ಲಿ ಏಕೈಕ ವಿಕೆಟ್ ಪಡೆದಿದ್ದರು. ಎಲ್ಲ ಮೂರು ಪಂದ್ಯದಲ್ಲೂ ಗ್ಲೇನ್ ಮ್ಯಾಕ್ಸ್ವೆಲ್ ವಿಕೆಟ್ ಪಡೆದಿರೋದು ವಿಶೇಷ.
ಬೆಂಗಳೂರಿನಲ್ಲಿ ಆಂಗ್ಲರ ಬೇಟೆಯಾಡಿದ್ದ ಚಹಲ್: ಭಾರತದ ಪರ ಬೆಸ್ಟ್ ವಿಕೆಟ್ ಟೇಕರ್ ಆಗಿದ್ದು ಬೆಂಗಳೂರಿನಲ್ಲೇ
ಬೆಂಗಳೂರಿನಲ್ಲಿ ಇದೇ ವರ್ಷ ಫೆಬ್ರವರಿ 1ರಂದು ಭಾರತ-ಇಂಗ್ಲೆಂಡ್ ಟಿ20 ಪಂದ್ಯದಲ್ಲಿ ಮುಖಾಮುಖಿಯಾಗಿದ್ದವು. ಆ ಪಂದ್ಯದಲ್ಲಿ ಟೀಂ ಇಂಡಿಯಾ 202 ರನ್ ಬಾರಿಸಿತ್ತು. ಇಂಗ್ಲೆಂಡ್ ಸಹ ಉತ್ತಮವಾಗಿ ಚೇಸ್ ಮಾಡ್ತಿತ್ತು. ಆದ್ರೆ ಆಂಗ್ಲರ ಓಟಕ್ಕೆ ಬ್ರೇಕ್ ಹಾಕಿದ್ದು ಇದೇ ಯುಜವೇಂದ್ರ ಚಹಲ್. ಅಂದು 6 ವಿಕೆಟ್ ಪಡೆಯೋ ಮೂಲ್ಕ ಆಂಗ್ಲರ ಬೇಟೆಯಾಡಿಬಿಟ್ಟಿದ್ದರು. 4 ಓವರ್ನಲ್ಲಿ 25 ರನ್ ನೀಡಿ 6 ವಿಕೆಟ್ ಪಡೆದು, ಟೀಂ ಇಂಡಿಯಾ ಪರ ಬೆಸ್ಟ್ ಬೌಲರ್ ಎನಿಸಿಕೊಂಡಿದ್ದರು.
ಹರ್ಯಾಣ ಬೌಲರ್ಗೆ ಬೆಂಗಳೂರು 2ನೇ ತವರು. ಐಪಿಎಲ್ನಲ್ಲಿ ಆರ್ಸಿಬಿ ಪರ ಆಡುವ ಚಹಲ್, ಬೆಂಗಳೂರು ಪಿಚ್ನಲ್ಲಿ ಉತ್ತಮ ಪ್ರದರ್ಶನ ನೀಡ್ತಾರೆ. ಸದ್ಯ ಅದ್ಭುತ ಫಾರ್ಮ್ನಲ್ಲಿರುವ ಚಹಾಲ್, ಇಲ್ಲೂ ಕಾಂಗರೂ ಬೇಟೆಯಾಡಲು ಸಜ್ಜಾಗಿದ್ದಾರೆ. ಬೆಂಗಳೂರಿನಲ್ಲಿ ಚಹಲ್ ಫರ್ಫಾಮೆನ್ಸ್ ನೋಡಿ ಆಗ್ಲೇ ಆಸ್ಟ್ರೇಲಿಯನ್ನರು ಬೆಚ್ಚಿಬಿದ್ದಿದ್ದಾರೆ. ಈಗ ಏನಿದ್ದರೂ ಚಹಲ್ ಮ್ಯಾಜಿಕ್ ನೋಡೋದೊಂದೇ ಬಾಕಿ.
