ಮಾಸ್ಕೋ(ಅ.02): ಐದು ಬಾರಿ ವಿಶ್ವ ಚಾಂಪಿಯನ್‌ ಚೆಸ್‌ ಆಟಗಾರ ಭಾರತದ ವಿಶ್ವನಾಥನ್‌ ಆನಂದ್, 10ನೇ ತಾಲ್‌ ಸ್ಮರಣಾರ್ಥ ಚೆಸ್‌ ಚಾಂಪಿಯನ್‌ಶಿಪ್‌ ಟೂರ್ನಿಯ 5ನೇ ಸುತ್ತಿನಲ್ಲಿ ಇಸ್ರೇಲ್‌ನ ಬೋರಿಸ್‌ ಗೆಲ್‌ಫಾಂಡ್‌ ವಿರುದ್ಧ ಗೆಲುವು ಸಾಧಿಸಿದ್ದಾರೆ.
ಇಲ್ಲಿನ ಚೆಸ್‌ ಕೋರ್ಟ್‌ನಲ್ಲಿ ನಡೆದ ಸ್ಪರ್ಧೆಯಲ್ಲಿ ಬಿಳಿ ಕಾಯಿಗಳೊಂದಿಗೆ ಆಡಿದ ವಿಶ್ವನಾಥನ್‌, ಎದುರಾಳಿ ಆಟಗಾರನ ಎದುರು ಉತ್ತಮ ನಡೆಗಳ ಮೂಲಕ ಹಿಡಿತ ಸಾಧಿಸಿದರು.
ಈ ಪಂದ್ಯದಲ್ಲಿನ ಜಯದೊಂದಿಗೆ ವಿಶ್ವನಾಥನ್‌ ಮತ್ತು ಚೀನಾದ ಲೀ ಚಾವೊ ಅವರೊಂದಿಗೆ 3ನೇ ಸ್ಥಾನವನ್ನು ಹಂಚಿಕೊಂಡಿದ್ದಾರೆ. ಶನಿವಾರ ನಡೆದಿದ್ದ 4ನೇ ಸುತ್ತಿನ ಪಂದ್ಯದಲ್ಲಿ ವಿಶ್ವನಾಥನ್‌ ಸೋಲುಂಡು, ಕೆಲ ಆಟಗಾರರೊಂದಿಗೆ ನಾಲ್ಕನೇ ಸ್ಥಾನ ಪಡೆದಿದ್ದರು.
