‘‘ಬದುಕಿನಲ್ಲಿ ಇಂಥದ್ದೆಲ್ಲಾ ಘಟಿಸುತ್ತಲೇ ಇರುತ್ತದೆ. ಪದಕ ಹಿಂದಿರುಗಿಸಬೇಕೆಂಬುದೇ ಆದಲ್ಲಿ ನಾನದಕ್ಕೆ ಸಿದ್ಧ’’ ಎಂದು ಬೋಲ್ಟ್ ಪ್ರತಿಕ್ರಿಯಿಸಿದ್ದಾರೆ.
ಕಿಂಗ್ಸ್ಟನ್(ಜ.25): ಬೀಜಿಂಗ್ ಒಲಿಂಪಿಕ್ಸ್ ಕೂಟದ ಪುರುಷರ 4/100 ಮೀ. ರಿಲೇ ತಂಡದಲ್ಲಿದ್ದ ಸಹ ಓಟಗಾರ ನೆಸ್ಟಾ ಕಾರ್ಟರ್ ನಿಷೇಧಿತ ಉದ್ದೀಪನಾ ಮದ್ದು ಸೇವಿಸಿರುವುದು ದೃಢಪಟ್ಟ ಹಿನ್ನೆಲೆಯಲ್ಲಿ ವಿಶ್ವ ಶರವೇಗಿ, ಜಮೈಕಾ ರನ್ನರ್ ಉಸೇನ್ ಬೋಲ್ಟ್ ಅವರಿಂದ ಪದಕ ಕೈತಪ್ಪಲಿದೆ.
Add Asianetnews Kannada as a Preferred Source
ಹೀಗಾಗಿ 2008ರಿಂದ 2016ರವರೆಗಿನ ಒಲಿಂಪಿಕ್ ಕೂಟದಲ್ಲಿ 100, 200 ಮತ್ತು 4/100 ಮೀ. ಓಟದಲ್ಲಿ ಸತತ ಚಿನ್ನ ಗೆದ್ದಿದ್ದ ಬೋಲ್ಟ್ ಅವರ 9 ಒಲಿಂಪಿಕ್ ಪದಕಗಳಲ್ಲಿ ಒಂದು ಅವರ ಕೈಬಿಟ್ಟು ಹೋಗಿದೆ. ಮಾತ್ರವಲ್ಲ, ‘ಟ್ರಿಪಲ್ ಟ್ರಿಪಲ್ ಚಾಂಪಿಯನ್’ ಎಂಬ ಬಿರುದಾಂಕಿತವೂ ಅವರಿಂದ ಜಾರಿಹೋಗಿದೆ.
‘‘ಬದುಕಿನಲ್ಲಿ ಇಂಥದ್ದೆಲ್ಲಾ ಘಟಿಸುತ್ತಲೇ ಇರುತ್ತದೆ. ಪದಕ ಹಿಂದಿರುಗಿಸಬೇಕೆಂಬುದೇ ಆದಲ್ಲಿ ನಾನದಕ್ಕೆ ಸಿದ್ಧ’’ ಎಂದು ಬೋಲ್ಟ್ ಪ್ರತಿಕ್ರಿಯಿಸಿದ್ದಾರೆ.
