ಬೌಲ್ಟ್ ದಾಳಿಗೆ ತತ್ತರಿಸಿದ ಪಾಕ್; ಕಿವೀಸ್'ಗೆ ಸರಣಿ ಜಯ

sports | Saturday, January 13th, 2018
Suvarna Web Desk
Highlights

ಪಾಕಿಸ್ತಾನ ಒಂದು ಹಂತದಲ್ಲಿ 32 ರನ್'ಗಳಿಗೆ 8 ವಿಕೆಟ್ ಕಳೆದುಕೊಂಡು ಹೀನಾಯ ಸ್ಥಿತಿ ತಲುಪಿತ್ತು. ಈ ವೇಳೆ ಬಾಲಂಗೋಚಿಗಳಾದ ಮೊಹಮ್ಮದ್ ಅಮಿರ್ (14) ಹಾಗೂ ರುಮಾನ್ ರಯೀಸ್(16) ಜತೆಯಾಟವಾಡುವ ಮೂಲಕ ತಂಡದ ಮೊತ್ತವನ್ನು 50ರ ಗಡಿ ದಾಟಿಸುವಲ್ಲಿ ಯಶಸ್ವಿಯಾದರು.

ಡುನೆಡಿನ್(ಜ.13): ಕಿವೀಸ್ ಎಡಗೈ ವೇಗಿ ಟ್ರೆಂಟ್ ಬೌಲ್ಟ್ ಮಾರಕ ದಾಳಿಗೆ ತತ್ತರಿಸಿದ ಪಾಕಿಸ್ತಾನ 183 ರನ್'ಗಳ ಹೀನಾಯ ಸೋಲು ಕಂಡಿದೆ. ಇದರೊಂದಿಗೆ ನ್ಯೂಜಿಲೆಂಡ್ 5 ಪಂದ್ಯಗಳ ಏಕದಿನ ಸರಣಿಯಲ್ಲಿ ಇನ್ನೆರಡು ಪಂದ್ಯ ಬಾಕಿ ಇರುವಾಗಲೇ 3-0 ಅಂತರದಲ್ಲಿ ಸರಣಿ ತನ್ನದಾಗಿಸಿಕೊಂಡಿದೆ.

ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ನ್ಯೂಜಿಲೆಂಡ್, ನಾಯಕ ಕೇನ್ ವಿಲಿಯಮ್ಸನ್ (73 ರನ್) ಹಾಗೂ ರಾಸ್ ಟೇಲರ್ (52 ರನ್)ರ ಅರ್ಧಶತಕದ ನೆರವಿನಿಂದ ನಿಗದಿತ 50 ಓವರ್‌'ಗಳಲ್ಲಿ 257 ರನ್ ಗಳಿಸಿತು.

ಈ ಸವಾಲಿನ ಗುರಿ ಬೆನ್ನತ್ತಿದ ಪಾಕಿಸ್ತಾನಕ್ಕೆ ಬೌಲ್ಟ್ ಮಾರಕವಾಗಿ ಪರಿಣಮಿಸಿದರು. ಬೌಲ್ಟ್ ಎಸೆದ ಮೊದಲ ಓವರ್'ನ ಕೊನೆಯ ಎಸೆತದಲ್ಲೇ ಅಜರ್ ಅಲಿಗೆ ಪೆವಿಲಿಯನ್ ಹಾದಿ ತೋರಿಸುವ ಮೂಲಕ ಬೌಲ್ಟ್ ಪಾಕ್'ಗೆ ಆಘಾತ ನೀಡಿದರು. ಪಾಕಿಸ್ತಾನ ಒಂದು ಹಂತದಲ್ಲಿ 32 ರನ್'ಗಳಿಗೆ 8 ವಿಕೆಟ್ ಕಳೆದುಕೊಂಡು ಹೀನಾಯ ಸ್ಥಿತಿ ತಲುಪಿತ್ತು. ಈ ವೇಳೆ ಬಾಲಂಗೋಚಿಗಳಾದ ಮೊಹಮ್ಮದ್ ಅಮಿರ್ (14) ಹಾಗೂ ರುಮಾನ್ ರಯೀಸ್(16) ಜತೆಯಾಟವಾಡುವ ಮೂಲಕ ತಂಡದ ಮೊತ್ತವನ್ನು 50ರ ಗಡಿ ದಾಟಿಸುವಲ್ಲಿ ಯಶಸ್ವಿಯಾದರು.

ನ್ಯೂಜಿಲೆಂಡ್ ಪರ ಕೇವಲ 17 ರನ್ ನೀಡಿ 5 ವಿಕೆಟ್ ಪಡೆದ ಟ್ರೆಂಟ್ ಬೋಲ್ಟ್ ಗೆಲುವಿನ ರುವಾರಿಯೆನಿಸಿದರು. ಇವರಿಗೆ ಕಾಲಿನ್ ಮನ್ರೋ ಹಾಗೂ ಲೂಕಿ ಫರ್ಗ್ಯುಸನ್ ತಲಾ 2 ವಿಕೆಟ್ ಪಡೆದು ಬೌಲ್ಟ್'ಗೆ ತಕ್ಕ ಸಾಥ್ ನೀಡಿದರು.

ಸಂಕ್ಷಿಪ್ತ ಸ್ಕೋರ್:

ನ್ಯೂಜಿಲೆಂಡ್: 257/10

ವಿಲಿಯಮ್ಸನ್ 73,

ಹಸನ್ ಅಲಿ 59/3

ಪಾಕಿಸ್ತಾನ: 74/10

ಮೊಹಮ್ಮದ್ ಅಮೀರ್ 14

ಬೌಲ್ಟ್ 17/5

ಫಲಿತಾಂಶ: ನ್ಯೂಜಿಲೆಂಡ್'ಗೆ 183 ರನ್'ಗಳ ಜಯ; ಸರಣಿ ಕೈವಶ

Comments 0
Add Comment

    Related Posts

    Sudeep Shivanna Cricket pratice

    video | Saturday, April 7th, 2018

    Election War Modi Vs Siddu

    video | Thursday, March 15th, 2018

    Diplomatic Crisis Between India and Pak

    video | Thursday, March 15th, 2018

    BSY Vs Siddaramaiah

    video | Tuesday, February 27th, 2018

    Sudeep Shivanna Cricket pratice

    video | Saturday, April 7th, 2018
    Suvarna Web Desk