ಟೀಮ್ ಇಂಡಿಯಾಕ್ಕೆ ಕಮ್ ಬ್ಯಾಕ್ಸ್ ಮಾಡಿದ ಆಟಗಾರರ ಅನ್ ಟೊಲ್ಡ್ ಸ್ಟೋರಿ

ದೆಹಲಿ(ಸೆ.30): ಟೀಮ್​ ಇಂಡಿಯಾದಲ್ಲಿ ಮೂರು ವರ್ಷಗಳ ನಂತರ ಗೌತಮ್​ ಗಂಭಿರ್​ ಕಮ್​ಬ್ಯಾಕ್​ ಮಾಡುತ್ತಿದ್ದಾರೆ. ಆದರೆ ಇದಕ್ಕೂ ಮೊದಲು ಭಾರತ ಅನೇಕ ಸ್ಟಾರ್​ ಆಟಗಾರರು 3 ರಿಂದ 5 ವರ್ಷದ ನಂತರ ತಂಡಕ್ಕೆ ವಾಪಸ್ಸಾಗಿದ್ದಾರೆ. ಮಿಂಚಿ ಮರೆಯಾಗಿ ತಂಡಕ್ಕೆ ಮರಳಿದ ಟಾಪ್​ ಆಟಗಾರರ ವಿವರ ಇಲ್ಲಿದೆ ನೋಡಿ..

ಭಾರತ ತಂಡದಲ್ಲಿ ಮೊಳೆ ಹೊಡೆದುಕೊಂಡು ಕೂರುವುದು ತುಂಬಾ ಕಷ್ಟ. ಒಮ್ಮೆ ತಂಡದಿಂದ ಹೊರ ಬಿದ್ರೆ ಸಾಕು, ಮರಳಿ ಬರುವುದಕ್ಕೆ ತುಂಬಾ ವರ್ಷಗಳೇ ಬೇಕು. ಯಾಕಂದರೆ ಭಾರತ ತಂಡದಲ್ಲಿ ಮರಳಬೇಕಾದರೆ ತುಂಬಾ ಕಷ್ಟಪಡಬೇಕು. ಕೆಲ ಆಟಗಾರರು ಕಳಪೆ ಫಾರ್ಮ್​ನಿಂದ ಹೊರಬಿದವರು, ಕೆಲವರು ಗಾಯದ ಸಮಸ್ಯೆ, ಅನಾರೋಗ್ಯದಿಂದ ಹೊರಿಬಿದ್ದು ತಂಡಕ್ಕೆ ಮರಳಲು 3ರಿಂದ 5 ವರ್ಷ ತೆಗೆದುಕೊಂಡಿದ್ದಾರೆ. 

6 ವರ್ಷಗಳ ನಂತರ ಮರಳಿದ ನೆಹ್ರಾ
ಟೀಮ್ ಇಂಡಿಯಾ ಕಂಡ  ಅತ್ಯಂತ ಯಶಸ್ವಿ ಎಡಗೈ ವೇಗಿಯಲ್ಲೋರ್ವ ಆಶೀಶ್​​ ನೆಹ್ರಾ. ನೆಹ್ರಾ ತಮ್ಮ ಲೈನ್​ ಎಂಡ್​ ಲೆಂಗ್ತ್​ ಜೊತೆಗೆ ಸ್ವಿಂಗ್​ನಿಂದ ಗಮನ ಸೆಳೆದವರು. ಆದರೆ 2011ರಲ್ಲಿ ಗಾಯದ ಸಮಸ್ಯೆಯಿಂದ ಟೀಮ್​ ಇಂಡಿಯಾದಿಂದ ಹೊರಬಿದ್ದ ಅವರು, 2016ರಲ್ಲಿ ಆಸ್ಟ್ರೇಲಿಯಾ ನಡುವಿನ ಟಿ20 ಪಂದ್ಯಕ್ಕೆ ಆಯ್ಕೆಯಾದರು.

5 ವರ್ಷಗಳ ನಂತರ ಮಿಶ್ರಾ ಕಮ್​ಬ್ಯಾಕ್​
ಲೆಗ್​ ಸ್ಪಿನ್ನರ್​ ಅಮಿತ್​ ಮಿಶ್ರಾ ಕೂಡ ಭಾರತ ತಂಡಕ್ಕೆ ಮರಳಲು 5 ವರ್ಷ ತೆಗೆದುಕೊಂಡರು. ಐಪಿಎಲ್​ನಲ್ಲಿ ಸತತ ಯಶಸ್ಸು ಕಂಡರು ಮಿಶ್ರಾ ಕಮ್​​ಬ್ಯಾಕ್​ ಮಾಡಲು ಹರಸಾಹಸ ಪಡಬೇಕಾಯ್ತು. 2011ರಲ್ಲಿ ಹೊರಬಿದ್ದ  ಮಿಶ್ರಾ, 5 ವರ್ಷಗಳ ಕಾಲ ಭಾರತ ತಂಡಕ್ಕೆ ಕಮ್​ಬ್ಯಾಕ್​ ಮಾಡಲು ಶ್ರಮ ಪಡಬೇಕಾಯ್ತು. 2015ರಲ್ಲಿ ಬಾಂಗ್ಲಾದೇಶ ವಿರುದ್ಧದ ಟೆಸ್ಟ್​ನಲ್ಲಿ ಮಿಶ್ರಾ ಭಾರತ ತಂಡಕ್ಕೆ ಮರಳಿದರು.

ಟೀಮ್​ ಇಂಡಿಯಾ ಅತಿಥಿ ಯುವಿ
2011ರ ಏಕದಿನ ವಿಶ್ವಕಪ್​ ಗೆಲುವಿಗೆ ಕಾರಣರಾದ ಯುವರಾಜ್​ ಸಿಂಗ್​​ ಕ್ಯಾನ್ಸರ್​ನಿಂದಾಗಿ ಟೀಮ್​ ಇಂಡಿಯಾದಿಂದ ಹೊರಬಿದ್ದರು. ಆದರೆ ಯುವಿ​ ಗುಣಮುಖರಾಗಿ ವರ್ಷಗಳ ಅಂತರದಲ್ಲಿ ತಂಡಕ್ಕೆ ಮರಳಿದ್ರು. ಕಳಪೆ ಫಾರ್ಮ್​ನಿಂದಾಗಿ ತಂಡದ ಅತಿಥಿಯಾಗಿರುವ ಯುವಿ, ಮೂರು ಮಾದರಿಯಲ್ಲೂ ಖಾಯಂ ಸದಸ್ಯನಾಗುವ ಪಯತ್ನ ನಡೆಸಿದರೂ ಎಲ್ಲೂ ಅವರಿಗೆ ಖಾಯಂ ಸ್ಥಾನ ಸಿಗುತ್ತಿಲ್ಲ.

2 ವರ್ಷ ನಂತರ ಭಜ್ಜಿ ವಾಪಸ್​
ಒಂದು ಕಾಲದಲ್ಲಿ ಭಾರತ ತಂಡದ ಸ್ಪಿನ್​ ತಜ್ಙರಾಗಿದ್ದ ಹರ್ಭಜನ್​​ ಸಿಂಗ್​ ಕೂಡ ಭಾರತ ತಂಡಕ್ಕೆ ಮರಳಲು ಸಖತ್​ ಸರ್ಕಸ್​ ಮಾಡಿದ್ದಾರೆ. 2011ರಲ್ಲಿ ಕೊನೆ ಏಕದಿನ ಪಂದ್ಯವಾಡಿದ ಅವರು, 2015ಕ್ಕೆ ಮರಳಿದರು. ಟೆಸ್ಟ್​, ಟಿ20 ಕ್ರಿಕೆಟ್​​ನಲ್ಲೂ ಹರ್ಭಜನ್​ ವರ್ಷಕ್ಕೊಂದು ಪಂದ್ಯವಾಡುತ್ತಿದ್ರು. ಒಂದು ಪಂದ್ಯವಾಡಿದ್ರೆ ಒಂದು ವರ್ಷ ತಂಡದಿಂದ ಹೊರಗುಳಿಯುತ್ತಿದ್ದಾರೆ. ಕಳೆದ 6 ವರ್ಷದಿಂದ ಭಜ್ಜಿ  ಹಲವು ಸಲ ಕಮ್​ ಬ್ಯಾಕ್​ ಮಾಡಿದ್ದಾರೆ.

2 ವರ್ಷ ಹೊರಗುಳಿದಿದ್ದ ಜಹೀರ್​​ 
ಜಹೀರ್​ ಕಾನ್​ ಕೂಡ 2004ರಲ್ಲಿ ಟೀಮ್ ಇಂಡಿಯಾದಿಂದ ಹೊರಬಿದಿದ್ದರು. 2006ರಲ್ಲಿ ಭಾರತ-ಇಂಗ್ಲೆಂಡ್​ ಟೆಸ್ಟ್​ ಸರಣಿಗೆ ಜಹೀರ್​ ಮರಳಿದರು. ಭಾರತ ಕಂಡ ಯಶಸ್ವಿ ಬೌಲರ್​ ಆದ್ರೂ ಜಹೀರ್​​ ಕೂಡ ಕಳಪೆ ಫಾರ್ಮ್​ ಗಾಯದ ಸಮಸ್ಯೆಯಿಂದಾಗಿ ತಂಡಕ್ಕೆ ಮರಳಲು ಒದ್ದಾಡಿ ಕೊನೆಗೆ ನಿವೃತ್ತಿ ಘೊಷಿಸಿದರು.

ಕೇವಲ ಇವರಷ್ಟೇ ಅಲ್ಲ ಟೀಮ್​ ಇಂಡಿಯಾದ ಅನೇಕ ಭರವಸೆಯ ಬೌಲರ್​ಗಳು ಕೂಡ 2-3 ವರ್ಷಗಳ ಕಾಲ ಸೈಕಲ್​ ತುಳಿದ ನಂತರವೇ ತಂಡಕ್ಕೆ ಮರಳಿದ್ದಾರೆ. 2007ರಲ್ಲಿ ಮುನಾಫ್​ ಪಟೇಲ್​  ತಂಡಕ್ಕೆ ಮರಳಲು ಮೂರು ವರ್ಷ ತೆಗೆದುಕೊಂರು,  2010ರ ನಂತರ ಇಶಾಂತ್​ ಶರ್ಮಾ ಕೂಡ ಎರಡು ವರ್ಷ ತಂಡದಿಂದ ಹೊರಗುಳಿದಿದ್ದರು. ಹಾಗಾಗಿ ಎಂತಹ ದೊಡ್ಡ ಆಟಗಾರನಾಗಿರಲಿ. ಒಮ್ಮೆ ತಂಡದಿಂದ ಹೊರಗುಳಿದ್ರೆ ತಂಡಕ್ಕೆ ಮರಳುವುದು ಕಷ್ಟ ಎಂಬುವುದಂತು ಸತ್ಯ.