ಸ್ಮಿತ್-ವಾರ್ನರ್'ಗೆ ಇನ್ನೊಂದು ವರ್ಷ ವನವಾಸ; ಆಸೀಸ್ ಮಂಡಳಿಯಿಂದ ಸ್ಮಿತ್-ವಾರ್ನರ್'ಗೆ ಬಿಗ್ ಶಾಕ್..!
ದಕ್ಷಿಣ ಆಫ್ರಿಕಾ ವಿರುದ್ಧ ಕೇಪ್'ಟೌನ್'ನಲ್ಲಿ ನಡೆದ ಮೂರನೇ ಟೆಸ್ಟ್ ಪಂದ್ಯದ ವೇಳೆ ಚೆಂಡು ವಿರೂಪ(ಬಾಲ್ ಟ್ಯಾಂಪರಿಂಗ್) ಮಾಡಿ ಸಿಕ್ಕಿಬಿದ್ದರು. ಇದಾದ ಬಳಿಕ ಆಸ್ಟ್ರೇಲಿಯಾ ಕ್ರಿಕೆಟ್ ಸಾಕಷ್ಟು ಟೀಕೆಗಳನ್ನು ಎದುರಿಸಿತ್ತು. ಈ ಬಳಿಕ ಆಸ್ಟ್ರೇಲಿಯಾ ಕ್ರಿಕೆಟ್ ಮಂಡಳಿಯ ಶಿಸ್ತು ಸಮಿತಿ ವಿಚಾರಣೆ ನಡೆಸಿ ಈ ಶಿಕ್ಷೆ ಪ್ರಕಟಿಸಿದೆ.
ಬೆಂಗಳೂರು(ಮಾ.28): ಚೆಂಡು ವಿರೂಪ ಮಾಡಿದ ತಪ್ಪಿಗಾಗಿ ಆಸ್ಟ್ರೇಲಿಯಾ ತಂಡದ ನಾಯಕ ಸ್ಟೀವ್ ಸ್ಮಿತ್, ಉಪನಾಯಕ ಡೇವಿಡ್ ವಾರ್ನರ್'ಗೆ ಕ್ರಿಕೆಟ್ ಆಸ್ಟ್ರೇಲಿಯಾ ಒಂದು ವರ್ಷ ನಿಷೇಧ ಹೇರಿದೆ, ಜತೆಗೆ ಸಹ ಆಟಗಾರ ಕ್ಯಾಮರೋನ್ ಬೆನ್'ಕ್ರಾಪ್ಟ್'ಗೆ 9 ತಿಂಗಳು ಕಾಲ ನಿಷೇಧ ಹೇರಿದೆ.
ದಕ್ಷಿಣ ಆಫ್ರಿಕಾ ವಿರುದ್ಧ ಕೇಪ್'ಟೌನ್'ನಲ್ಲಿ ನಡೆದ ಮೂರನೇ ಟೆಸ್ಟ್ ಪಂದ್ಯದ ವೇಳೆ ಚೆಂಡು ವಿರೂಪ(ಬಾಲ್ ಟ್ಯಾಂಪರಿಂಗ್) ಮಾಡಿ ಸಿಕ್ಕಿಬಿದ್ದರು. ಇದಾದ ಬಳಿಕ ಆಸ್ಟ್ರೇಲಿಯಾ ಕ್ರಿಕೆಟ್ ಸಾಕಷ್ಟು ಟೀಕೆಗಳನ್ನು ಎದುರಿಸಿತ್ತು. ಈ ಬಳಿಕ ಆಸ್ಟ್ರೇಲಿಯಾ ಕ್ರಿಕೆಟ್ ಮಂಡಳಿಯ ಶಿಸ್ತು ಸಮಿತಿ ವಿಚಾರಣೆ ನಡೆಸಿ ಈ ಶಿಕ್ಷೆ ಪ್ರಕಟಿಸಿದೆ.
ಇನ್ನು ಈ ಮೂರು ಆಟಗಾರರು ಆಸೀಸ್ ಕ್ರಿಕೆಟ್ ಮಂಡಳಿಯ ತೀರ್ಪಿನ ವಿರುದ್ಧ ಮೇಲ್ಮನವಿ ಸಲ್ಲಿಸಬಹುದಾಗಿದೆ.
ಇದೇ ವೇಳೆ ಐಪಿಎಲ್'ನಲ್ಲಿ ಈ ಆಟಗಾರರು ಪಾಲ್ಗೊಳ್ಳುವ ಕುರಿತಂತೆ ಇನ್ನಷ್ಟೇ ನಿರ್ಧಾರ ಹೊರಬೀಳಬೇಕಿದೆ.