IPL 2018: ವ್ಯರ್ಥವಾದ ರಾಹುಲ್ ಏಕಾಂಗಿ ಹೋರಾಟ
ರಾಜಸ್ಥಾನ ನೀಡಿದ್ದ 159 ರನ್’ಗಳ ಸವಾಲಿನ ಗುರಿ ಬೆನ್ನತ್ತಿದ ಪಂಜಾಬ್ 143 ರನ್’ಗಳನ್ನಷ್ಟೇ ಶಕ್ತವಾಯಿತು. ರಾಹುಲ್ ಏಕಾಂಗಿಯಾಗಿ 95 ರನ್ ಸಿಡಿಸಿದರೆ, ಉಳಿದ 7 ಬ್ಯಾಟ್ಸ್’ಗಳು ಬಾರಿಸಿದ್ದು ಕೇವಲ 48 ರನ್’ಗಳು ಮಾತ್ರ.
ಜೈಪುರ[ಮೇ.08]: ಕೆ.ಎಲ್ ರಾಹುಲ್ ಅಜೇಯ 95 ರನ್ ಬ್ಯಾಟಿಂಗ್ ಹೊರತಾಗಿಯೂ ರಾಜಸ್ಥಾನ ರಾಯಲ್ಸ್ ತಂಡದ ಸಂಘಟಿತ ಬೌಲಿಂಗ್ ನೆರವಿನಿಂದ ಪಂಜಾಬ್ ವಿರುದ್ಧ ರಹಾನೆ ಪಡೆ 15 ರನ್’ಗಳ ಭರ್ಜರಿ ಜಯ ಸಾಧಿಸಿದೆ. ಈ ಗೆಲುವಿನೊಂದಿಗೆ ರಾಜಸ್ಥಾನ ರಾಯಲ್ಸ್ ಅಂಕಪಟ್ಟಿಯಲ್ಲಿ 6ನೇ ಸ್ಥಾನಕ್ಕೇರಿದ್ದು ಪ್ಲೇ ಆಫ್ ಕನಸು ಜೀವಂತವಾಗಿರಿಸಿಕೊಂಡಿದೆ.
ರಾಜಸ್ಥಾನ ನೀಡಿದ್ದ 159 ರನ್’ಗಳ ಸವಾಲಿನ ಗುರಿ ಬೆನ್ನತ್ತಿದ ಪಂಜಾಬ್ 143 ರನ್’ಗಳನ್ನಷ್ಟೇ ಶಕ್ತವಾಯಿತು. ರಾಹುಲ್ ಏಕಾಂಗಿಯಾಗಿ 95 ರನ್ ಸಿಡಿಸಿದರೆ, ಉಳಿದ 7 ಬ್ಯಾಟ್ಸ್’ಗಳು ಬಾರಿಸಿದ್ದು ಕೇವಲ 48 ರನ್’ಗಳು ಮಾತ್ರ. ರಾಹುಲ್ ಹಾಗೂ ಸ್ಟೋನಿಸ್[11] ಹೊರತುಪಡಿಸಿ ಮತ್ತೆ ಯಾವ ಬ್ಯಾಟ್ಸ್’ಮನ್’ಗಳು ಎರಡಂಕಿ ಮೊತ್ತ ಮುಟ್ಟಲಿಲ್ಲ. ಗೇಲ್, ಕರುಣ್ ನಾಯರ್, ಮನೋಜ್ ತಿವಾರಿ ಸಂಪೂರ್ಣ ವಿಫಲರಾದರು.
ರಾಜಸ್ಥಾನ ರಾಯಲ್ಸ್ ಪರ ಕೆ. ಗೌತಮ್ 2 ವಿಕೆಟ್ ಪಡೆದರೆ, ಅರ್ಚರ್,ಉನಾದ್ಕತ್, ಸ್ಟೋಕ್ಸ್ ಹಾಗೂ ಇಶ್ ಸೋದಿ ತಲಾ ಒಂದೊಂದು ವಿಕೆಟ್ ಪಡೆದರು.
ಇದಕ್ಕೂ ಮೊದಲು ಬ್ಯಾಟಿಂಗ್ ಮಾಡಿದ ರಾಜಸ್ಥಾನ ರಾಯಲ್ಸ್ ಜೋಸ್ ಬಟ್ಲರ್[82] ಅವರ ಆಕರ್ಷಕ ಅರ್ಧಶತಕದ ನೆರವಿನಿಂದ 158 ರನ್ ಬಾರಿಸಿತ್ತು.
ಸಂಕ್ಷಿಪ್ತ ಸ್ಕೋರ್
RR: 158/8
ಜೋಸ್ ಬಟ್ಲರ್: 82
ಟೈ: 34/4
KXIP: 143/7
