Asianet Suvarna News Asianet Suvarna News

PKL 2019: ಬೆಂಗಳೂರು ಬುಲ್ಸ್ vs ದಿಲ್ಲಿ ಪಂದ್ಯ ರೋಚಕ ಟೈ!

ಪ್ರೊ ಕಬಡ್ಡಿ ಲೀಗ್ ಟೂರ್ನಿಯಲ್ಲಿ ಬೆಂಗಳೂರು ಬುಲ್ಸ್ ಹಾಗೂ ದಿಲ್ಲಿ ನಡುವಿನ ಪಂದ್ಯ ಟೈ ಆಗಿದೆ. ಭಾರೀ ಹಿನ್ನಡೆಯಲ್ಲಿದ್ದ ಬೆಂಗಳೂರು ಬುಲ್ಸ್ ಅಂತಿಮ ಹಂತದಲ್ಲಿ ಮಿಂಚಿನ ಪ್ರದರ್ಶನದ ಮೂಲಕ ಸೋಲಿನಿಂದ ಪಾರಾಯಿತು.

Pro kabaddi Bengalurur bulls vs dabang delhi Match Tied
Author
Bengaluru, First Published Sep 23, 2019, 10:11 PM IST

ಜೈಪುರ(ಸೆ.23): ಪ್ರೊ ಕಬಡ್ಡಿ ಲೀಗ್ ಪಂದ್ಯದಲ್ಲಿ ಬೆಂಗಳೂರು ಬುಲ್ಸ್ ಹಾಗೂ ದಬಾಂಗ್ ದಿಲ್ಲಿ ನಡುವಿನ ಪಂದ್ಯ ರೋಚಕ ಟೈನಲ್ಲಿ ಅಂತ್ಯವಾಗಿದೆ. ಜಿದ್ದಾಜಿದ್ದಿನ ಹೋರಾಟದಲ್ಲಿ ಬುಲ್ಸ್ ಹಾಗೂ ದಿಲ್ಲಿ 39-39 ಅಂಕಗಳಿಸಿ ಪಂದ್ಯವನ್ನು ಟೈ ಮಾಡಿಕೊಂಡಿತು.

ಇದನ್ನೂ ಓದಿ: ಪ್ರೊ ಕಬಡ್ಡಿ 2019: 7ನೇ ಆವೃತ್ತಿ ವೇಳಾಪಟ್ಟಿ ! 

ಪವನ್ ಶೆರವಾತ್ ಟ್ಯಾಕಲ್ ಹಾಗೂ ಅದ್ಭುತ ರೈಡ್ ಮೂಲಕ ಬೆಂಗಳೂರು ಬುಲ್ಸ್ ಪಂದ್ಯ ಆರಂಭಿಸಿತು.  ಮೊದಲ ನಿಮಿಷದಲ್ಲೇ ಬೆಂಗಳೂರು 3-1 ಅಂತರದ ಪಡೆಯಿತು. 6ನೇ ನಿಮಿಷದಲ್ಲಿ ದಿಲ್ಲಿ 7-7 ಅಂಕಗಳ ಮೂಲಕ ಸಮಬಲ ಮಾಡಿಕೊಂಡಿತು. 18ನೇ ನಿಮಿಷದಲ್ಲಿ ಬೆಂಗಳೂರು ಆಲೌಟ್‌ಗೆ ತುತ್ತಾಯಿತು. ಈ ಮೂಲಕ ದಿಲ್ಲಿ 21-17 ಅಂಕಗಳ ಮುನ್ನಡೆ ಪಡೆಯಿತು.

ಮೊದಲಾರ್ಧದಲ್ಲಿ 22-19 ಅಂಕಗಳ ಮುನ್ನಡೆ ಕಾಯ್ದುಕೊಂಡ ದಿಲ್ಲಿ, ದ್ವಿತಿಯಾರ್ಧದಲ್ಲಿ ಮಿಂಚಿನ ಆಟ ಪ್ರದರ್ಶಿಸಿತು. ಹೆಚ್ಚು ತಪ್ಪುಗಳಾಗದಂತೆ ನೋಡಿಕೊಂಡ ದಿಲ್ಲಿ ಮುನ್ನಡೆ ಅಂತರ ಕಾಪಾಡಿತು. ಸೆಕೆಂಡ್ ಹಾಫ್‌ನ 8ನೇ ನಿಮಿಷದಲ್ಲಿ ಮತ್ತೆ ಆಲೌಟ್ ಆದ ಬುಲ್ಸ್, 10 ಅಂಕಗಳ ಹಿನ್ನಡೆ ಅನುಭವಿಸಿತು. 

ಇದನ್ನೂ ಓದಿ: ಪ್ರೊ ಕಬಡ್ಡಿ 7ನೇ ಆವೃತ್ತಿ ಹಾಗೂ ವಿಶೇಷತೆ!

ಅಂತಿಮ ಹಂತದಲ್ಲಿ ಮಿಂಚಿನ ಆಟ ಪ್ರದರ್ಶಿಸಿದ ಬುಲ್ಸ್, ದಿಲ್ಲಿ ತಂಡವನ್ನು ಆಲೌಟ್ ಮಾಡಿತು. ಈ ಮೂಲಕ ಪಂದ್ಯದ ಅಂತ್ಯದ ವೇಳೆ 39-39 ಅಂಕ ಸಂಪಾದಿಸಿ ಸೋಲಿನಿಂದ ಪಾರಾಯಿತು. ರೋಚಕ ಟೈ ಮಾಡಿದ ಬುಲ್ಸ್ ನಿಟ್ಟುಸಿರುಬಿಟ್ಟಿತು.

ಪಾಟ್ನಾ ವಿರುದ್ಧ ಗೆದ್ದ ಹರ್ಯಾಣ;
ಬೆಂಗಳೂರು ಬುಲ್ಸ್ ಪಂದ್ಯಕ್ಕೂ ಮುನ್ನ ಪಾಟ್ನಾ ಪೈರೇಟ್ಸ್ ಹಾಗೂ ಹರ್ಯಾಣ ಸ್ಟೀಲರ್ಸ್ ಮುಖಾಮುಖಿಯಾಗಿತ್ತು. ಈ ಹೋರಾಟದಲ್ಲಿ 39-34 ಅಂತರಗಳಿಂದ ಹರ್ಯಾಣ ಸ್ಟೀಲರ್ಸ್, ಎದುರಾಳಿ ಪಾಟ್ನಾ ತಂಡವನ್ನು ಮಣಿಸಿತು. ಹರ್ಯಾಣದ ವಿಕಾಸ್ ಕಂಡೋಲ 13 ರೈಡ್ ಪಾಯಿಂಟ್ಸ್ ಗಳಿಸಿದರೆ, ರವಿ ಕುಮಾರ್ 3 ಟ್ಯಾಕಲ್ ಪಾಯಿಂಟ್ ಮೂಲಕ ಗಮನಸೆಳೆದರು. 

Follow Us:
Download App:
  • android
  • ios