ಕರಾಚಿ(ಸೆ.29): ಭಾರತ- ಪಾಕಿಸ್ತಾನ ನಡುವಣ 2007ರಿಂದೀಚೆಗೆ ಕ್ರಿಕೆಟ್ ಸರಣಿಯು ಸ್ಥಗಿತಗೊಂಡಿರುವುದರಿಂದ ತನಗೆ ಸುಮಾರು ರೂ. 668 ಕೋಟಿ ನಷ್ಟಉಂಟಾಗಿದ್ದು ದ್ವಿಪಕ್ಷೀಯ ಸರಣಿ ಸಂಬಂಧ ಅಂತಾರಾಷ್ಟ್ರೀಯ ಕ್ರಿಕೆಟ್ ಸಮಿತಿ (ಐಸಿಸಿ) ಮಧ್ಯಸ್ಥಿಕೆ ವಹಿಸಬೇಕೆಂದು ಪಾಕಿಸ್ತಾನ ಕ್ರಿಕೆಟ್ ಮಂಡಳಿ (ಪಿಸಿಬಿ) ಕೋರಿದೆ.
ಇನ್ನು ಭದ್ರತೆ ಕಾರಣಕ್ಕೆ ಬೇರೆ ರಾಷ್ಟ್ರಗಳು ತನ್ನ ನೆಲದಲ್ಲಿ ಕ್ರಿಕೆಟ್ ಆಡದ ಹಿನ್ನೆಲೆಯಲ್ಲಿ ಆದ ನಷ್ಟವನ್ನು ಭರಿಸಬೇಕೆಂದು ಐಸಿಸಿಯನ್ನು ಕೋರಿಲ್ಲ ಎಂದು ಕೂಡ ಪಿಸಿಬಿ ಸ್ಪಷ್ಟಪಡಿಸಿದೆ.
ಅಂದಹಾಗೆ ಪಿಸಿಬಿ ಅಧ್ಯಕ್ಷ ಶಹರ್ಯಾರ್ ಖಾನ್, ಕೋಲ್ಕತಾಕ್ಕೆ ಆಗಮಿಸಿ ಅಂದಿನ ಬಿಸಿಸಿಐ ಅಧ್ಯಕ್ಷ ಜಗಮೋಹನ್ ದಾಲ್ಮಿಯಾ, ಉಪಾಧ್ಯಕ್ಷ ಅರುಣ್ ಜೇಟ್ಲಿಯವರನ್ನು ಭೇಟಿಯಾಗಿ ಮನವೊಲಿಸಲು ಯತ್ನಿಸಿದ್ದರಾದರೂ, ಆ ಯತ್ನಕ್ಕೆ ಯಾವುದೇ ಫಲ ಸಿಕ್ಕಿರಲಿಲ್ಲ.
