IPL 2018 ಡೆಲ್ಲಿ ಎದುರು ಇತಿಹಾಸ ನಿರ್ಮಿಸಿದ ಧೋನಿ

MS Dhoni makes history during DD vs CSK game reaches 6000 runs in T20s
Highlights

ಡೆಲ್ಲಿ ಡೇರ್’ಡೆವಿಲ್ಸ್ ವಿರುದ್ಧದ ಪಂದ್ಯದಲ್ಲಿ ಧೋನಿ ಟಿ20 ಕ್ರಿಕೆಟ್’ನಲ್ಲಿ 6000 ರನ್ ಪೂರೈಸುವ ಮೂಲಕ, ಈ ಸಾಧನೆ ಮಾಡಿದ ಮೊದಲ ವಿಕೆಟ್ ಕೀಪರ್ ಎನ್ನುವ ದಾಖಲೆ ನಿರ್ಮಿಸಿದ್ದಾರೆ.

ನವದೆಹಲಿ[ಮೇ.19]: ವೃತ್ತಿ ಜೀವನದ ಸಂಧ್ಯಾಕಾಲದಲ್ಲಿರುವ ಮಹೇಂದ್ರ ಸಿಂಗ್ ಧೋನಿ ಡೆಲ್ಲಿ ಡೇರ್’ಡೆವಿಲ್ಸ್ ವಿರುದ್ಧದ ಪಂದ್ಯದಲ್ಲಿ ವಿನೂತನ ದಾಖಲೆ ಬರೆದಿದ್ದಾರೆ.

ಚೆನ್ನೈ ಸೂಪರ್’ಕಿಂಗ್ಸ್ ತಂಡವನ್ನು 2 ಬಾರಿ ಚಾಂಪಿಯನ್ ಪಟ್ಟಕ್ಕೇರಿಸಿದ್ದ ಧೋನಿ ಈ ಬಾರಿಯೂ ತಂಡವನ್ನು ಪ್ಲೇ ಆಫ್ ಹಂತಕ್ಕೇರಿಸಿದ್ದಾರೆ. ಡೆಲ್ಲಿ ಡೇರ್’ಡೆವಿಲ್ಸ್ ವಿರುದ್ಧದ ಪಂದ್ಯದಲ್ಲಿ ಧೋನಿ ಟಿ20 ಕ್ರಿಕೆಟ್’ನಲ್ಲಿ 6000 ರನ್ ಪೂರೈಸುವ ಮೂಲಕ, ಈ ಸಾಧನೆ ಮಾಡಿದ ಮೊದಲ ವಿಕೆಟ್ ಕೀಪರ್ ಎನ್ನುವ ದಾಖಲೆ ನಿರ್ಮಿಸಿದ್ದಾರೆ.

ಇದರ ಜೊತೆಗೆ ಟಿ20 ಕ್ರಿಕೆಟ್’ನಲ್ಲಿ 6000 ರನ್ ಪೂರೈಸಿದ ಭಾರತದ 5ನೇ ಬ್ಯಾಟ್ಸ್’ಮನ್ ಎನ್ನುವ ಗೌರವಕ್ಕೂ ಧೋನಿ ಪಾತ್ರರಾಗಿದ್ದಾರೆ. ಧೋನಿಗಿಂತ ಮೊದಲು ಸುರೇಶ್ ರೈನಾ[7708], ವಿರಾಟ್ ಕೊಹ್ಲಿ[7621], ರೋಹಿತ್ ಶರ್ಮಾ[7303] ಹಾಗೂ ಗೌತಮ್ ಗಂಭೀರ್[6402] ಈ ಸಾಧನೆ ಮಾಡಿದ್ದಾರೆ. ಧೋನಿ ಡೆಲ್ಲಿ ವಿರುದ್ಧ 10 ರನ್ ಗಳಿಸುತ್ತಿದ್ದಂತೆ 6000 ಸಾವಿರ ರನ್ ಗಡಿ ದಾಟಿದರು. 
 

loader