ಇಂದಿನಿಂದ ಭಾರತ-ಆಸ್ಟ್ರೇಲಿಯಾ ಟಿ20 ಸಿರೀಸ್ ಸ್ಟಾರ್ಟ್​ ಆಗ್ತಿದೆ. ಟೀಂ ಇಂಡಿಯಾಗೆ ಮಿಷನ್ 1-1-1 ಮೇಲೆ ಕಣ್ಣು. ಅದರಲ್ಲಿ ಸಕ್ಸಸ್ ಆದರೆ ವಿರಾಟ್ ಕೊಹ್ಲಿ ವಿಶ್ವ ಗೆದ್ದ ನಾಯಕನಾಗಲಿದ್ದಾರೆ. ಹಾಗಾದ್ರೆ ಮಿಷನ್ 1-1-1 ಅಂದ್ರೆ ಏನು. ಅದಕ್ಕಾಗಿ ಕೊಹ್ಲಿ ಏನು ಮಾಡ್ಬೇಕು ಎನ್ನುವುದರ ವಿವರ ಇಲ್ಲಿದೆ

ವಿರಾಟ್ ಕೊಹ್ಲಿ ಮುಟ್ಟಿದೆಲ್ಲಾ ಚಿನ್ನವಾಗ್ತಿದೆ. ಅವ್ರು ಕ್ಯಾಪ್ಟನ್ಸಿ ವಹಿಸಿಕೊಂಡ್ಮೇಲೆ ಟೀಂ ಇಂಡಿಯಾ ಸಕ್ಸಸ್ ಮೇಲೆ ಸಕ್ಸಸ್ ಕಾಣ್ತಿದೆ. ಇಂದಿನಿಂದ ಭಾರತ-ಆಸ್ಟ್ರೇಲಿಯಾ ಟಿ20 ಸಿರೀಸ್ ಸ್ಟಾರ್ಟ್​ ಆಗ್ತಿದೆ. ಭಾರತೀಯರ ಮುಂದೆ ಮಿಷನ್​ 1-1-1- ಇದೆ. ಅದಕ್ಕಾಗಿ ಕೊಹ್ಲಿ ಬಾಯ್ಸ್​ ಮಾಡಬೇಕಿರೋದು ಏನ್ ಗೊತ್ತಾ...? ಜಸ್ಟ್​ 9 ಗೆಲುವು ಸಾಧಿಸೋದು. ಅಲ್ಲಿಗೆ ಟೀಂ ಇಂಡಿಯಾದ ಮಿಷನ್ 1-1-1 ಸಕ್ಸಸ್ ಆಗುತ್ತೆ.

ಟಿ20ಯಲ್ಲೂ ಆಗ್ತಾರಾ ನಂಬರ್ 1..?

ವಿಶ್ವ ಕ್ರಿಕೆಟ್ ಕಣ್ಣು ಈಗ ಟೀಂ ಇಂಡಿಯಾ ಮೇಲೆ ಬಿದ್ದಿದೆ. ಒಂದು ಕಾಲದಲ್ಲಿ ಆಸ್ಟ್ರೇಲಿಯಾ ಎಲ್ಲ 3 ಮಾದರಿಯಲ್ಲೂ ನಂಬರ್ ವನ್ ಸ್ಥಾನದಲ್ಲಿ ರಾರಾಜಿಸುತ್ತಿತ್ತು. ಆದ್ರೆ ಈಗ ಕಾಂಗರೂಗಳು ಗುಹೆಯಲ್ಲಿ ಸೇರಿಕೊಂಡಿವೆ. ಈಗ ಏನಿದ್ದರು ಕೊಹ್ಲಿ ಬಾಯ್ಸ್ ಹವಾ. ಅದು ಯಾವ ಮಟ್ಟಕ್ಕೆ ಅಂದ್ರೆ ಸೋಲು ಅನ್ನೋದು ಭಾರತಕ್ಕೆ ಅಪರೂಪವಾಗ್ತಿದೆ. ಟೆಸ್ಟ್ ಮತ್ತು ಏಕದಿನ ಕ್ರಿಕೆಟ್​ನಲ್ಲಿ ಭಾರತ ನಂಬರ್ ವನ್ ತಂಡ. ಈಗ ನಮ್ಮವರ ಕಣ್ಣು ಟ್ವೆಂಟಿ-20 ಕ್ರಿಕೆಟ್​ ಮೇಲೆ ಬಿದ್ದಿದೆ. ಏನಾದ್ರೂ ಮಾಡಿ ಮಿಷನ್ 1-1-1ರಲ್ಲಿ ಸಕ್ಸಸ್ ಆಗ್ಬೇಕು. ಅದಕ್ಕಾಗಿ ಶತಾಯಗತಾಯ ಹೋರಾಟ ನಡೆಸಲಿದ್ದಾರೆ.

ಆಸೀಸ್ ಸೋಲಿಸಿಯೇ ಭಾರತ 1-1-1

ಎರಡು ಮಾದರಿಯಲ್ಲಿ ಆಸ್ಟ್ರೇಲಿಯಾ ಸೋಲಿಸಿಯೇ ಟೀಂ ಇಂಡಿಯಾ ನಂಬರ್ ವನ್ ಆಗಿರೋದು. ಇದೇ ಜನವರಿಯಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಬಾರ್ಡರ್​-ಗವಾಸ್ಕರ್ ಸರಣಿ ಗೆದ್ದು ಟೆಸ್ಟ್​​ನಲ್ಲಿ ನಂಬರ್​ ವನ್ ಆಗಿತ್ತು. ಇನ್ನು ಕಳೆದ ವಾರವಷ್ಟೇ ಏಕದಿನ ಸರಣಿ ಗೆದ್ದು ಒಂಡೇ ಕ್ರಿಕೆಟ್​ನಲ್ಲಿ ನಂಬರ್ ವನ್ ಆಗಿತ್ತು. ಈಗ ಇದೇ ಆಸೀಸ್ ವಿರುದ್ಧ ಟಿ20 ಸರಣಿ ಗೆದ್ರೆ ಭಾರತ ನಂಬರ್ ವನ್ ಸಮೀಪ ಬರಲಿದೆ. ಕಾಂಗರೂ ವಿರುದ್ಧ ಮೂರು ಟಿ20 ಪಂದ್ಯಗಳ ಸರಣಿಯನ್ನ ವೈಟ್​ವಾಶ್ ಮಾಡಿದ್ರೆ ಮಿಷನ್ 1-1-1 ಹತ್ತಿರ ಭಾರತೀಯರು ಬಂದು ನಿಲ್ಲಲಿದ್ದಾರೆ. ಱಂಕಿಂಗ್​ನಲ್ಲಿ 2ನೇ ಸ್ಥಾನಕ್ಕೇರಲಿದ್ದಾರೆ.

3 ತಿಂಗಳಲ್ಲಿ ಭಾರತ ಆಡಲಿದೆ 9 ಟಿ20 ಮ್ಯಾಚ್

ಸದ್ಯ ಟಿ20 ಱಂಕಿಂಗ್​ನಲ್ಲಿ 5ನೇ ಸ್ಥಾನದಲ್ಲಿರುವ ಟೀಂ ಇಂಡಿಯಾ, ಇನ್ನು ಮೂರು ತಿಂಗಳಲ್ಲಿ ಬರೋಬ್ಬರಿ 9 ಟಿ20 ಮ್ಯಾಚ್​ಗಳನ್ನಾಡಲಿದೆ. ಆಸ್ಟ್ರೇಲಿಯಾ, ನ್ಯೂಜಿಲೆಂಡ್ ಮತ್ತು ಶ್ರೀಲಂಕಾ ವಿರುದ್ಧ ತಲಾ ಮೂರು ಪಂದ್ಯಗಳನ್ನಾಡಲಿದೆ. ಆಸೀಸ್-ಕಿವೀಸ್​​​​​ ಸರಣಿ ವೈಟ್​ವಾಶ್ ಮಾಡಿದ್ರೆ ಭಾರತ ನಂಬರ್ ವನ್ ಸ್ಥಾನಕ್ಕೇರಲಿದೆ. ಆಗ ಮೂರು ಮಾದರಿ ಕ್ರಿಕೆಟ್​ನಲ್ಲಿ ಟೀಂ ಇಂಡಿಯಾ ಅಗ್ರಸ್ಥಾನದಲ್ಲಿರಲಿದೆ.

ಕ್ಯಾಪ್ಟನ್ಸಿಯಲ್ಲೂ ಕಿಂಗ್ ಆಗ್ತಾರಾ ಕೊಹ್ಲಿ..!

ಮಹೇಂದ್ರ ಸಿಂಗ್ ಧೋನಿ ಕ್ಯಾಪ್ಟನ್ಸಿಯಲ್ಲಿ ಟೀಂ ಇಂಡಿಯಾ ಎಲ್ಲ ಮೂರು ಮಾದರಿ ಕ್ರಿಕೆಟ್​ನಲ್ಲಿ ನಂಬರ್ ಸ್ಥಾನಕ್ಕೇರಿತ್ತು. ಈಗ ಆ ಅವಕಾಶ ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ತಂಡಕ್ಕಿದೆ. ಒಂದೇ ಸಮಯದಲ್ಲಿ ಮೂರು ಮಾದರಿಯಲ್ಲೂ ಅಗ್ರಸ್ಥಾನದಲ್ಲಿರೋದು ದೊಡ್ಡ ಸಾಧನೆಯೇ ಸರಿ. ಈ ಸಾಧನೆ ಮಾಡಿದ್ರೆ ರನ್ ಗಳಿಕೆಯಲ್ಲಿ ಕಿಂಗ್ ಆಗಿರೋ ಕೊಹ್ಲಿ, ಕ್ಯಾಪ್ಟನ್ಸಿಯಲ್ಲೂ ಕಿಂಗ್ ಆಗಲಿದ್ದಾರೆ. ಈ ಸಮಯಕ್ಕಾಗಿ ವಿರಾಟ್ ಕಾಯುತ್ತಿದ್ದಾರೆ. ಬೆಸ್ಟ್ ಆಫ್​ ಕೊಹ್ಲಿ ಬಾಯ್ಸ್.