ನೂತನ ದಾಖಲೆ ಸೃಷ್ಟಿಸಿದ ರಾಜ್ಯದ ಮಯಾಂಕ್
633 ರನ್ ಕಲೆಹಾಕುವ ಮೂಲಕ 2017-18ರಲ್ಲಿ ತಮಿಳುನಾಡಿನ ದಿನೇಶ್ ಕಾರ್ತಿಕ್ ಗಳಿಸಿದ್ದ 607 ರನ್‌ಗಳ ದಾಖಲೆ ಮುರಿದರು
ಈ ಋತುವಿನಲ್ಲಿ ಮಯಾಂಕ್ ಅಗರ್'ವಾಲ್ ದಾಖಲೆ ಮೇಲೆ ದಾಖಲೆ ಬರೆಯುತ್ತಿದ್ದಾರೆ. ಸೆಮೀಸ್‌ನಲ್ಲಿ 81 ರನ್ ಗಳಿಸುವ ಮೂಲಕ, ಮಯಾಂಕ್ ವಿಜಯ್ ಹಜಾರೆ ಋತುವೊಂದರಲ್ಲಿ ಗರಿಷ್ಠ ರನ್ ಕಲೆಹಾಕಿದ ದಾಖಲೆ ಬರೆದರು. 633 ರನ್ ಕಲೆಹಾಕುವ ಮೂಲಕ 2017-18ರಲ್ಲಿ ತಮಿಳುನಾಡಿನ ದಿನೇಶ್ ಕಾರ್ತಿಕ್ ಗಳಿಸಿದ್ದ 607 ರನ್‌ಗಳ ದಾಖಲೆ ಮುರಿದರು. ಇದೇ ವೇಳೆ ಈ ದೇಸಿ ಋತುವಿನಲ್ಲಿ 2000 ರನ್ ಪೂರೈಸಿದ ಮೊದಲಿಗ ಎನ್ನುವ ದಾಖಲೆಗೂ ಪಾತ್ರರಾದರು. ರಣಜಿಯಲ್ಲಿ 1160, ಮುಷ್ತಾಕ್ ಅಲಿ ಟಿ20ಯಲ್ಲಿ 258 ಹಾಗೂ ವಿಜಯ್ ಹಜಾರೆಯಲ್ಲಿ 633 ರನ್ ಗಳಿಸುವ ಮೂಲಕ ಈ ಸಾಧನೆ ಮಾಡಿದರು.
Last Updated Apr 11, 2018, 12:56 PM IST
