ಕೆಕೆಆರ್ ತಂಡದ ಬೌಲರ್ ಆ್ಯಂಡ್ರೆ ರಸೆಲ್ ಚೆಂಡು ಎಸೆಯುವ ಮೊದಲೇ ಅಗರ್’ವಾಲ್ ಕ್ರೀಸ್ ಬಿಡುತ್ತಿದ್ದರು. ಆದರೆ ರಸೆಲ್ ಮಂಕಡಿಂಗ್ ಮಾಡಲಿಲ್ಲ. ಈ ಕುರಿತಂತೆ ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆ ಆರಂಭವಾಗಿದೆ. ಅಲ್ಲದೆ ರಸೆಲ್ ಬಗ್ಗೆ ಮೆಚ್ಚುಗೆಯ ಮಾತುಗಳು ಕೇಳಿಬಂದಿವೆ.
ಬೆಂಗಳೂರು[ಮಾ.29]: IPLನಲ್ಲೀಗ ’ಮಂಕಡಿಂಗ್’ ರನೌಟ್ ಬಗ್ಗೆ ಭಾರೀ ಚರ್ಚೆಯಾಗುತ್ತಿದೆ. ಬುಧವಾರ ನಡೆದ ಪಂದ್ಯದಲ್ಲಿ ಕಿಂಗ್ಸ್ ಇಲೆವನ್ ಪಂಜಾಬ್ ತಂಡದ ಬ್ಯಾಟ್ಸ್’ಮನ್, ಕರ್ನಾಟಕದ ಮಯಾಂಕ್ ಅಗರ್’ವಾಲ್’ರನ್ನು ಮಂಕಡಿಂಗ್ ಮೂಲಕ ಔಟ್ ಮಾಡುವ ಅವಕಾಶವನ್ನು ಕೋಲ್ಕತಾ ನೈಟ್’ರೈಡರ್ಸ್ ತಂಡ ಕೈಚೆಲ್ಲಿದ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.
ಮಂಕಡ್ ರನೌಟ್ ಅಂದ್ರೇನು? ಇಲ್ಲಿದೆ ನೋಡಿ ಕಂಪ್ಲೀಟ್ ಡೀಟೈಲ್ಸ್
ಕೆಕೆಆರ್ ತಂಡದ ಬೌಲರ್ ಆ್ಯಂಡ್ರೆ ರಸೆಲ್ ಚೆಂಡು ಎಸೆಯುವ ಮೊದಲೇ ಅಗರ್’ವಾಲ್ ಕ್ರೀಸ್ ಬಿಡುತ್ತಿದ್ದರು. ಆದರೆ ರಸೆಲ್ ಮಂಕಡಿಂಗ್ ಮಾಡಲಿಲ್ಲ. ಈ ಕುರಿತಂತೆ ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆ ಆರಂಭವಾಗಿದೆ. ಅಲ್ಲದೆ ರಸೆಲ್ ಬಗ್ಗೆ ಮೆಚ್ಚುಗೆಯ ಮಾತುಗಳು ಕೇಳಿಬಂದಿವೆ.
ಆರ್ ಅಶ್ವಿನ್ ಮಂಕಡಿಂಗ್ ರನೌಟ್- ಟ್ವಿಟರ್ನಲ್ಲಿ ಶುರುವಾಯ್ತು ವಾರ್!
MCC ಯೂ ಟರ್ನ್: ಕ್ರಿಕೆಟ್ ನಿಯಮಗಳನ್ನು ಸಿದ್ದಪಡಿಸುವ ಮೆರಿಲ್ಬೋನ್ ಕ್ರಿಕೆಟ್ ಕ್ಲಬ್[MCC], ಅಶ್ವಿನ್ ಕ್ರೀಡಾಸ್ಫೂರ್ತಿಗೆ ವಿರುದ್ಧವಾಗಿ ನಡೆದುಕೊಂಡಿದ್ದಾರೆ ಎಂದು ಹೇಳುವ ಮೂಲಕ ಯೂ ಟರ್ನ್ ಹೊಡೆದಿದೆ. ಎರಡು ದಿನಗಳ ಹಿಂದಷ್ಟೇ ಎಂಸಿಸಿ ಅಶ್ವಿನ್ ಮಾಡಿದ್ದು ಸರಿ ಎಂದಿತ್ತು.
ರಾಜಸ್ಥಾನ ರಾಯಲ್ಸ್ ವಿರುದ್ಧದ ಪಂದ್ಯದಲ್ಲಿ ಜೋಸ್ ಬಟ್ಲರ್ ಅವರನ್ನು ಕಿಂಗ್ಸ್ ಇಲೆವನ್ ಪಂಜಾಬ್ ತಂಡದ ನಾಯಕ ರವಿಚಂದ್ರನ್ ಅಶ್ವಿನ್ ಮಂಕಡಿಂಗ್ ರನೌಟ್ ಮಾಡಿದ್ದರು. ಇದು ಸಾಕಷ್ಟು ಚರ್ಚೆಗಳನ್ನು ಹುಟ್ಟುಹಾಕಿದೆ.
