ಈ ಪ್ರಶಸ್ತಿ ಗೆಲ್ಲುವ ಮೂಲಕ ಲಿಯಾಂಡರ್ ಪೇಸ್ ಪ್ರಸಕ್ತ ಋತುವಿನಲ್ಲಿ ಮೂರನೇ ಪ್ರಶಸ್ತಿ ಜಯಿಸಿದಂತಾಗಿದೆ.
ಇಲ್ಕ್ಲೇ(ಜೂ.25): ಭಾರತದ ಅನುಭವಿ ಟೆನಿಸ್ ಆಟಗಾರ ಲಿಯಾಂಡರ್ ಪೇಸ್ ಮತ್ತು ಕೆನಡಾದ ಆದಿಲ್ ಶಂಸದ್ದೀನ್ ಜೋಡಿ ಏಗೋನ್ ಇಲ್'ಕ್ಲೇ ಚಾಲೆಂಜರ್ ಟ್ರೋಫಿಯ ಪುರುಷರ ಡಬಲ್ಸ್ ವಿಭಾಗದಲ್ಲಿ ಚಾಂಪಿಯನ್ ಆಗಿ ಹೊರಹೊಮ್ಮಿದ್ದಾರೆ.
ಸಮಗ್ರ ಸುದ್ದಿ ಮೂಲವನ್ನಾಗಿ asianet suvarna news ಅನ್ನು ಆಯ್ಕೆ ಮಾಡಿಕೊಳ್ಳಿ
ಶನಿವಾರ ನಡೆದ ಫೈನಲ್ ಹಣಾಹಣಿಯಲ್ಲಿ ಪೇಸ್ ಜೋಡಿ 2-6, 6-2, 10-8 ಸೆಟ್'ಗಳಿಂದ ಸ್ಥಳೀಯ ಆಟಗಾರರಾದ ಬ್ರೇಡನ್ ಕ್ಲೆನ್ ಮತ್ತು ಜೋ ಸಲೀಸ್ಬರಿ ಜೋಡಿ ಎದುರು ಗೆಲುವು ಸಾಧಿಸಿದ್ದಾರೆ.
ಮೊದಲ ಸೆಟ್'ನಲ್ಲಿ 2 ಪಾಯಿಂಟ್ಸ್'ಗಳ ಹಿನ್ನಡೆ ಅನುಭವಿಸಿದ್ದ ಪೇಸ್ ಜೋಡಿ, ಎರಡನೇ ಸೆಟ್'ನಲ್ಲಿ 4 ಪಾಯಿಂಟ್'ಗಳಿಂದ ಮುನ್ನಡೆಯಿತು. 3ನೇ ಸೆಟ್'ನಲ್ಲಿ ಸ್ಥಳೀಯ ಜೋಡಿ ತೀವ್ರ ಪೈಪೋಟಿ ನೀಡಿದರೂ ಅಂತಿಮವಾಗಿ ಪೇಸ್ ಜೋಡಿ ಪಂದ್ಯ ಜಯಿಸಿತು.
ಈ ಪ್ರಶಸ್ತಿ ಗೆಲ್ಲುವ ಮೂಲಕ ಲಿಯಾಂಡರ್ ಪೇಸ್ ಪ್ರಸಕ್ತ ಋತುವಿನಲ್ಲಿ ಮೂರನೇ ಪ್ರಶಸ್ತಿ ಜಯಿಸಿದಂತಾಗಿದೆ.
