ನ್ಯೂಜಿಲೆಂಡ್ ವಿರುದ್ಧದ ಮೂರು ಪಂದ್ಯಗಳ ಏಕದಿನ ಸರಣಿಯು ನಾಳೆಯಿಂದ(ಅ.21) ಆರಂಭವಾಗಲಿದೆ.
ಮುಂಬೈ(ಅ.21): ಭಾರತದ ಯುವ ಸ್ಪಿನ್ನರ್'ಗಳನ್ನು ಕೊಂಡಾಡಿರುವ ತಂಡದ ಉಪನಾಯಕ ರೋಹಿತ್ ಶರ್ಮಾ, ‘ಕುಲ್ದೀಪ್ ಯಾದವ್ ಹಾಗೂ ಯುಜುವೇಂದ್ರ ಚಾಹಲ್'ರನ್ನು ಎದುರಿಸುವುದು ನ್ಯೂಜಿಲೆಂಡ್'ಗೆ ದೊಡ್ಡ ಸವಾಲಾಗಲಿದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ.
Add Asianetnews Kannada as a Preferred Source
ಕಿವೀಸ್ ಬ್ಯಾಟ್ಸ್ಮನ್'ಗಳನ್ನು ಕಟ್ಟಿಹಾಕಲು ಇಬ್ಬರೂ ಕೆಲ ಬದಲಾವಣೆಗಳನ್ನು ಮಾಡಿಕೊಂಡು ಕಣಕ್ಕಿಳಿಯಲಿದ್ದಾರೆ. ಪ್ರಯೋಗಗಳನ್ನು ನಡೆಸಲು ಕುಲ್ದೀಪ್ ಹಾಗೂ ಚಾಹಲ್ ಹೆದರುವುದಿಲ್ಲ’ ಎಂದು ಹೇಳಿದ್ದಾರೆ. ಆಸ್ಟ್ರೇಲಿಯಾ ವಿರುದ್ಧದ ಏಕದಿನ ಸರಣಿಯಲ್ಲಿ 22 ವರ್ಷದ ಕುಲ್ದೀಪ್ 9 ವಿಕೆಟ್ ಕಬಳಿಸಿದ್ದರೆ, ಹರ್ಯಾಣ ಮೂಲದ ಯುಜುವೇಂದ್ರ ಚಾಹಲ್ 7 ವಿಕೆಟ್ ಪಡೆದು ಮಿಂಚಿದ್ದಾರೆ.
ಇದೇ ವೇಳೆ ನ್ಯೂಜಿಲೆಂಡ್ ವೇಗಿ ಟ್ರೆಂಟ್ ಬೌಲ್ಟ್ ಅವರನ್ನು ಎದುರಿಸಲು ಭಾರತೀಯ ಬ್ಯಾಟ್ಸ್ಮನ್'ಗಳು ಸಿದ್ದರಿದ್ದಾರೆ ಎಂದು ರೋಹಿತ್ ಹೇಳಿದ್ದಾರೆ. ನ್ಯೂಜಿಲೆಂಡ್ ವಿರುದ್ಧದ ಮೂರು ಪಂದ್ಯಗಳ ಏಕದಿನ ಸರಣಿಯು ನಾಳೆಯಿಂದ(ಅ.21) ಆರಂಭವಾಗಲಿದೆ.
