ಐತಿಹಾಸಿಕ #500Test ಪಂದ್ಯದಲ್ಲೊಂದು ವಿವಾದ.... ಔಟ್ ಆಗಿದ್ದ ಲಾಥಮ್, ನಾಟೌಟ್ ಆಗಿದ್ದು ಏಕೆ ?
 )
Followಕಾನ್ಪುರ(ಸೆ.24): ಐತಿಹಾಸಿಕ ಟೆಸ್ಟ್ನ 2ನೇ ದಿನದಾಟದಲ್ಲಿ ವಿವಾದವೊಂದು ತಲೆದೂರಿತ್ತು. ಅರ್ಧಶತಕದ ಹೊಸ್ತಿಲಲ್ಲಿದ್ದ ಟಾಮ್ ಲಾಥಮ್ ಜಡೇಜಾ ಬೌಲಿಂಗ್ನಲ್ಲಿ ಔಟಾಗಿದ್ದರು. ಆದರೆ 3ನೇ ಅಂಪೈರ್ ಇದನ್ನು ನಾಟೌಟ್ ಅಂತ ಘೋಷಣೆ ಮಾಡಿದರು.
ಮೊದಲ ಇನ್ನಿಂಗ್ಸ್ ಆರಂಭಿಸಿದ್ದ ಕಿವೀಸ್ ಆಟಗಾರರು ಭಾರತೀಯ ಬೌಲರ್ಗಳಿಗೆ ದಿಟ್ಟ ಉತ್ತರ ನೀಡುತ್ತಿದ್ದರು. ಟಾಮ್ ಲಾಥಮ್ ಹಾಗೂ ಕೇನ್ ವಿಲಿಯಮ್ಸನ್ ಜೋಡಿಗೆ ಬ್ರೇಕ್ ಹಾಕಲೇ ಬೇಕಾದ ಒತ್ತಡದಲ್ಲಿದ್ದ ಸಂದರ್ಭದಲ್ಲಿ ರವೀಂದ್ರ ಜಡೇಜಾ ಮ್ಯಾಜಿಕ್ ಬಾಲ್'ಗೆ ವಿಕೆಟ್ ಬಿದ್ದೇ ಬಿಡ್ತು ಅಂತ ಟೀಮ್ ಇಂಡಿಯಾ ಆಟಗಾರರು ಸಂಭ್ರಮಿಸಿದರು.
ಆದರೆ ಅಂಪೈರ್ ತೀರ್ಮಾನ ನೀಡದೆ ಮತ್ತೋರ್ವ ಅಂಪೈರ್ ಜೊತೆಗೆ ಚರ್ಚೆಗೆ ಇಳಿದರು. ಇಬ್ಬರು ಆಂಪೈರ್ಗಳು ಲಾಥಮ್ ಬಾಲ್ ನೆಲಕ್ಕೆ ತಗಲಿದ ಬಳಿಕ ಕ್ಯಾಚ್ ಹಿಡಿದಿರಬಹುದು ಅನ್ನೋ ಗೊಂದಲದಲ್ಲಿ 3ನೇ ಅಂಪೈರ್ ತೀರ್ಮಾನಕ್ಕೆ ಬಿಡಲಾಗಿತ್ತು.
ಆದರೆ, ಅಲ್ಲಿ ಆಗಿದ್ದೇ ಬೇರೆ. ರಿ ವ್ಯೂನಲ್ಲಿ ನೋ ಬಾಲ್ ಆಗಿರಲಿಲ್ಲ. ಹಾಗೆಯೇ ಕ್ಯಾಚ್ ಹಿಡಿಯೋಕೆ ಮುಂಚೆ ಕೂಡ ಬಾಲ್ ನೆಲಕ್ಕೆ ತಾಗಿರಲಿಲ್ಲ. ಇಷ್ಟಾಗಿಯೂ 3ನೇ ಅಂಪೈರ್ ನಾಟೌಟ್ ಘೋಷಣೆ ಮಾಡಿದ್ದು ಮಾತ್ರ ಗೊಂದಲಕ್ಕೆ ಕಾರಣವಾಯ್ತು.
ರಾಹುಲ್ ಹಿಡಿದ ಕ್ಯಾಚ್ ನಿಯಮ ಬಾಹಿರವಾಗಿತ್ತಾ ?
ಅಸಲಿಯತ್ತು ಬೇರೆಯೇ ಇತ್ತು. ಸಿಲ್ಲಿ ಪಾಯಿಂಟ್ನಲ್ಲಿ ರಾಹುಲ್ ಪಡೆದಿದ್ದ ಕ್ಯಾಚ್ ನಿಯಮ ಬಾಹಿರವಾಗಿತ್ತಾ ಅನ್ನೋದು. ರಿವ್ಯೂನಲ್ಲಿ ಇದನ್ನೇ ಗಮನಿಸಿದ 3ನೇ ಅಂಪೈರ್ ತೀರ್ಪನ್ನು ಕಿವೀಸ್ ಪರವಾಗಿ ನೀಡಿದರು.
ಆಟದ ನಿಯಮ 32ರ ಪ್ರಕಾರ ಥರ್ಡ್ ಅಂಪೈರ್ ನೀಡಿದ ತೀರ್ಪು ಸರಿಯಾಗಿಯೇ ಇದೆ. ಹೀಗಾಗಿ ಇದೊಂದು ವಿವಾದಾತ್ಮಕ ತೀರ್ಪು ಅನ್ನೋದು ತಪ್ಪು ಕಲ್ಪನೆ ಅಷ್ಟೆ. ಸಿಲ್ಲಿ ಪಾಯಿಂಟ್ನಲ್ಲಿದ್ದ ರಾಹುಲ್ ಸ್ವತಃ ಕ್ಯಾಚ್ ಪಡ್ಕೊಂಡಿರಲಿಲ್ಲ. ಕೈ ತಪ್ಪಿದ್ದ ಬಾಲ್ ಅನ್ನು ಹೆಲ್ಮೇಟ್ ಸಹಾಯದಿಂದ ರಾಹುಲ್ ಹಿಡ್ಕೊಂಡಿದ್ದರು.
ಐಸಿಸಿ 32ನೇ ನಿಯಮದ ಪ್ರಕಾರ ಕ್ಯಾಚ್ ಹಿಡಿಯುವವರು ದೇಹದ ಭಾಗಗಳನ್ನು ಹೊರತು ಪಡಿಸಿ ಬೇರೆ ಯಾವ ಸಹಾಯವನ್ನು ಪಡೆದುಕೊಂಡಿರಬಾರದು. ಉದಾಹರಣೆಗೆ ಈ ಕ್ಯಾಚ್ನಲ್ಲಿ ರಾಹುಲ್ ಹೆಲ್ಮೆಟ್ನ ಗ್ರಿಲ್ ಸಹಾಯ ಪಡ್ಕೊಂಡಿದ್ದರು. ಹಾಗಾಗಿ ಇದನ್ನು ನಾಟೌಟ್ ಎಂದು ಘೋಷಣೆ ಮಾಡಲಾಯಿತು. \
