ಟೀಂ ಇಂಡಿಯಾ ಕ್ರಿಕೆಟಿಗರಿಗಿದು ಗುಡ್ ನ್ಯೂಸ್..!
ಇತ್ತೀಚಿನ ದಿನಗಳಲ್ಲಿ ವಿದೇಶಿ ನೆಲದಲ್ಲೂ ಭರ್ಜರಿ ಪ್ರದರ್ಶನ ನೀಡುತ್ತಿರುವ ಟೀಂ ಇಂಡಿಯಾ ಕ್ರಿಕೆಟಿಗರಿಗೆ ಬಿಸಿಸಿಐ ಸಿಹಿ ಸುದ್ದಿಯೊಂದನ್ನು ನೀಡಿದೆ. ಇತ್ತೀಚೆಗಷ್ಟೇ ವಿಂಡೀಸ್ ಸರಣಿಯಲ್ಲಿ ಒಂದು ಸೋಲು ಕಾಣದೇ ತವರಿಗೆ ಮರಳಿದ್ದ ವಿರಾಟ್ ಪಡೆಗೆ ಭರ್ಜರಿ ಗಿಫ್ಟ್ ಸಿಕ್ಕಿದೆ. ಅಷ್ಟಕ್ಕೂ ಏನಿದು ಸ್ಟೋರಿ..? ಇಲ್ಲಿದೆ ನೋಡಿ ಕಂಪ್ಲೀಟ್ ಡೀಟೈಲ್ಸ್...
ನವದೆಹಲಿ[ಸೆ.23]: ವಿದೇಶಿ ಪ್ರವಾಸದಲ್ಲಿ ಭರ್ಜರಿ ಪ್ರದರ್ಶನ ತೋರಿದ ವಿರಾಟ್ ಕೊಹ್ಲಿ ನೇತೃತ್ವದ ಟೀಂ ಇಂಡಿಯಾ ಆಟಗಾರರಿಗೆ ಹಾಗೂ ಸಹಾಯಕ ಸಿಬ್ಬಂದಿಗಳಿಗೆ ಸಿಹಿ ಸುದ್ದಿಯೊಂದನ್ನು ಕ್ರಿಕೆಟ್ ಆಡಳಿತ ಸಮಿತಿ[CoA] ನೀಡಿದ್ದು, ಭಾರತ ಕ್ರಿಕೆಟ್ ತಂಡದ ವಿದೇಶ ಪ್ರವಾಸಗಳ ವೇಳೆ ಆಟಗಾರರ ದಿನಭತ್ಯೆಯನ್ನು ಬಿಸಿಸಿಐ ಡಬಲ್ ಮಾಡಿದೆ.
ನವೆಂಬರ್ವರೆಗೆ ಧೋನಿಗೆ ವಿಶ್ರಾಂತಿ; ಬಾಂಗ್ಲಾ ಸರಣಿಗೂ ಅಲಭ್ಯ?
ಸದ್ಯ ಪ್ರತಿ ದಿನ 125 ಡಾಲರ್ (8,900 ರು.) ಪಡೆಯುತ್ತಿರುವ ಆಟಗಾರರು, ಮುಂದಿನ ವಿದೇಶಿ ಪ್ರವಾಸಗಳಿಂದ 250 ಡಾಲರ್ (17,800 ರು.) ಗಳಿಸಲಿದ್ದಾರೆ. ಆದರೆ ಭಾರತದಲ್ಲಿ ಪಡೆಯುತ್ತಿದ ದಿನಭತ್ಯೆಯಲ್ಲಿ ಯಾವುದೇ ಬದಲಾವಣೆ ಮಾಡಿಲ್ಲ.
ವಿಶ್ವ ಶ್ರೇಷ್ಠ ಬ್ಯಾಟ್ಸ್ಮನ್ ಪ್ರಕಟಿಸಿದ ಆಫ್ರಿದಿ; ನಾಲ್ವರಲ್ಲಿ ಒರ್ವ ಭಾರತೀಯನಿಗೆ ಸ್ಥಾನ !
ಭಾರತ ತಂಡವು ಕಳೆದ ವರ್ಷಾಂತ್ಯದ ವೇಳೆಗೆ ಆಸ್ಟ್ರೇಲಿಯಾ ನೆಲದಲ್ಲಿ ಚೊಚ್ಚಲ ಟೆಸ್ಟ್ ಸರಣಿ ಗೆದ್ದು ಬೀಗಿತ್ತು. ಇನ್ನು ಕಳೆದ ತಿಂಗಳು ನಡೆದ ವೆಸ್ಟ್ ಇಂಡೀಸ್ ವಿರುದ್ಧ ಟೆಸ್ಟ್ ಚಾಂಪಿಯನ್ ಶಿಪ್’ನಲ್ಲಿ 2-0 ಅಂತರದಲ್ಲಿ ಜಯಿಸಿತ್ತು. ಭಾರತ ತಂಡವು 2020ರ ವರ್ಷಾರಂಭದ ವೇಳೆಗೆ ನ್ಯೂಜಿಲೆಂಡ್ ಪ್ರವಾಸ್ ಕೈಗೊಳ್ಳಲಿದ್ದು, ಆಗ ನೂತನ ವಿದೇಶಿ ಭತ್ಯೆ ಪಡೆಯಲಿದ್ದಾರೆ.