ವಿಶ್ವ ಬ್ಯಾಡ್ಮಿಂಟನ್ ಚಾಂಪಿಯನ್‌ಶಿಪ್‌: ಲಿನ್ ಡಾನ್‌ಗೆ ಆಘಾತ ನೀಡಿದ ಪ್ರಣಯ್!
ಭಾರತದ ತಾರಾ ಶಟ್ಲರ್ ಎಚ್.ಎಸ್ ಪ್ರಣಯ್ ಐದು ಬಾರಿ ವಿಶ್ವ ಚಾಂಪಿಯನ್‌, ಒಲಂಪಿಕ್ ಪದಕ ವಿಜೇತ ಚೀನಾದ ಲಿನ್ ಡಾನ್‌ಗೆ ಆಘಾತ ನೀಡುವಲ್ಲಿ ಯಶಸ್ವಿಯಾಗಿದ್ದಾರೆ. ಇನ್ನು ಮತ್ತೋರ್ವ ಶಟ್ಲರ್ ಸಾಯಿ ಪ್ರಣೀತ್ ಕೂಡಾ ಮುಂದಿನ ಸುತ್ತು ಪ್ರವೇಶಿಸಿದ್ದಾರೆ. ಈ ಕುರಿತಾದ ವರದಿ ಇಲ್ಲಿದೆ ನೋಡಿ..
ಸ್ವಿಜರ್‌ಲೆಂಡ್‌(ಆ.21): ಭಾರತದ ತಾರಾ ಶಟ್ಲರ್‌ಗಳಾದ ಎಚ್.ಎಸ್ ಪ್ರಣಯ್ ಹಾಗೂ ಬಿ.ಸಾಯಿ ಪ್ರಣೀತ್ ವಿಶ್ವ ಬ್ಯಾಡ್ಮಿಂಟನ್ ಚಾಂಪಿಯನ್‌ಶಿಪ್‌ ಪ್ರಿ ಕ್ವಾರ್ಟರ್‌ ಫೈನಲ್‌ ಪ್ರವೇಶಿಸಿದ್ದಾರೆ.
ಪ್ರತಿಭೆಗೆ ದೇಶದಲ್ಲಿ ಬೆಲೆಯಿಲ್ಲ: ಶಟ್ಲರ್ ಪ್ರಣಯ್ ಆಕ್ರೋಶ
ಲಂಡನ್‌ ಒಲಿಂಪಿಕ್ಸ್‌ ಸ್ವರ್ಣ ಪದಕ ವಿಜೇತ ಹಾಗೂ ಐದು ಬಾರಿ ವಿಶ್ವ ಚಾಂಪಿಯನ್‌ ಚೀನಾದ ಲಿನ್ ಡಾನ್‌ರನ್ನು ದ್ವಿತೀಯ ಸುತ್ತಿನ ಪಂದ್ಯದಲ್ಲಿ ಮಣಿಸಿದ ಪ್ರಣಯ್ ಪ್ರಿ ಕ್ವಾರ್ಟರ್‌ ಪ್ರವೇಶಿಸಿದರು. 62 ನಿಮಿಷಗಳ ಸೆಣಸಾಟದಲ್ಲಿ 21-11, 13-21, 21-7 ಗೇಮ್‌ಗಳಿಂದ ಪ್ರಣಯ್ ಜಯಿಸಿದರು. ಪ್ರಿ ಕ್ವಾರ್ಟರ್‌ನಲ್ಲಿ ಜಪಾನ್‌ ತಾರೆ ಕೆಂಟೊ ಮೊಮೊಟರನ್ನು ಎದುರಿಸಲಿದ್ದಾರೆ.
ಗರಿಷ್ಠ ಸಂಭಾವನೆ: ಸಿಂಧು ಭಾರತದ ಶ್ರೀಮಂತ ಮಹಿಳಾ ಅಥ್ಲೀಟ್
ಕೊರಿಯಾದ ಡೊಂಗ್‌ ಕೆನ್‌ ಲೀ ಅವರನ್ನು 21-16, 21-15 ನೇರ ಗೇಮ್‌ಗಳಿಂದ ಸೋಲಿಸಿದ ಸಾಯಿ ಪ್ರಣೀತ್ ಪ್ರಿ ಕ್ವಾರ್ಟರ್‌ ಪ್ರವೇಶಿಸಿದ್ದು, ಮುಂದಿನ ಸುತ್ತಿನಲ್ಲಿ ಇಂಗ್ಲೆಂಡ್‌ ಅಥವಾ ಇಂಡೋನೇಷ್ಯಾ ಶಟ್ಲರ್ ವಿರುದ್ಧ ಆಡಲಿದ್ದಾರೆ.
