ಐಸಿಸಿ ಟೆಸ್ಟ್ ಚಾಂಪಿಯನ್ಶಿಪ್ ವೇಳಾಪಟ್ಟಿ ಪ್ರಕಟ
2018-2023ರವರೆಗಿನ ಐಸಿಸಿ ವೇಳಾಪಟ್ಟಿಯನ್ನು ಕ್ರಿಕೆಟ್ ಆಡಳಿತ ಮಂಡಳಿ ಬಿಡುಗಡೆಗೊಳಿಸಿತು. ಐಸಿಸಿ ನಿಯಮದಂತೆ ಅಗ್ರ 9 ಶ್ರೇಯಾಂಕಿತ ತಂಡಗಳು ಚೊಚ್ಚಲ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಟೂರ್ನಿಯಲ್ಲಿ ಪಾಲ್ಗೊಳ್ಳಲಿವೆ. 2019ರ ಜುಲೈ 15ರಿಂದ 2021ರ ಏಪ್ರಿಲ್ 30ರ ವರೆಗೆ ಈ ಪಂದ್ಯಾವಳಿಗಳು ನಡೆಯಲಿವೆ.
ದುಬೈ(ಜೂ.20]: ಬಹುನಿರೀಕ್ಷಿತ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ವೇಳಾಪಟ್ಟಿ ಪ್ರಕಟಗೊಂಡಿದ್ದು 2019ರ ಜುಲೈನಲ್ಲಿ ಕೆರಿಬಿಯನ್’ನಲ್ಲಿ ಭಾರತ ತಂಡವು ವೆಸ್ಟ್’ಇಂಡಿಸ್ ತಂಡವನ್ನು ಎದುರಿಸಲಿದೆ.
2018-2023ರವರೆಗಿನ ಐಸಿಸಿ ವೇಳಾಪಟ್ಟಿಯನ್ನು ಕ್ರಿಕೆಟ್ ಆಡಳಿತ ಮಂಡಳಿ ಬಿಡುಗಡೆಗೊಳಿಸಿತು. ಐಸಿಸಿ ನಿಯಮದಂತೆ ಅಗ್ರ 9 ಶ್ರೇಯಾಂಕಿತ ತಂಡಗಳು ಚೊಚ್ಚಲ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಟೂರ್ನಿಯಲ್ಲಿ ಪಾಲ್ಗೊಳ್ಳಲಿವೆ. 2019ರ ಜುಲೈ 15ರಿಂದ 2021ರ ಏಪ್ರಿಲ್ 30ರ ವರೆಗೆ ಈ ಪಂದ್ಯಾವಳಿಗಳು ನಡೆಯಲಿವೆ.
ಪ್ರತಿ ತಂಡವು ಎರಡು ವರ್ಷಗಳ ಅವಧಿಯಲ್ಲಿ ಪ್ರತಿ ತಂಡವು 6 ತವರು ಹಾಗೂ ತವರಿನಾಚೆ ಸರಣಿಗಳನ್ನು ಆಡಲಿದೆ. ಜೂನ್ 2021ರ ವೇಳೆಗೆ ಅಗ್ರ 2 ಶ್ರೇಯಾಂಕ ಹೊಂದಿರುವ ತಂಡಗಳು ಪ್ರಶಸ್ತಿ ಸುತ್ತಿನಲ್ಲಿ ಸೆಣಸಲಿವೆ. ಇಂಗ್ಲೆಂಡ್ ನೆಲದಲ್ಲಿ ನಡೆಯುವ ಆ್ಯಷಸ್ ಸರಣಿ ಮೂಲಕ ಐತಿಹಾಸಿಕ ಟೂರ್ನಿ ಆರಂಭಗೊಳ್ಳಲಿದೆ.
ಇನ್ನು ಭಾರತ ತಂಡವು 2023ರಲ್ಲಿ ಐಸಿಸಿ ಏಕದಿನ ವಿಶ್ವಕಪ್ ಟೂರ್ನಿಗೆ ಆತಿಥ್ಯ ವಹಿಸಲಿದೆ.