ಈಡನ್ನಲ್ಲಿ ವೇಗಿಗಳ ಕಮಾಲ್ ! ವೇಗಿಗಳಿಗೆ ಸಿಕ್ಕ ವಿಕೆಟ್ ಎಷ್ಟು..?
ಕೊಲ್ಕತ್ತಾ(ಅ.03): ಭಾರತ-ನ್ಯೂಜಿಲೆಂಡ್ 2ನೇ ಟೆಸ್ಟ್'ಗೆ ಸಾಕ್ಷಿಯಾಗಿರುವ ಈಡನ್ ಗಾರ್ಡನ್ಸ್ ಪಿಚ್ ಆರಂಭಕ್ಕೂ ಮುನ್ನ ಸಾಕಷ್ಟು ಕುತೂಹಲ ಮೂಡಿಸಿತ್ತು. ಯಾಕಂದರೆ ಕಾನ್ಪುರದ ಸ್ಪಿನ್ ಪಿಚ್ನಲ್ಲಿ ಟೀಮ್ ಇಂಡಿಯಾ ಪ್ರಭಾಲ್ಯ ಮೆರದಿತ್ತು. ಹೀಗಾಗಿ 2ನೇ ಟೆಸ್ಟ್ನಲ್ಲೂ ಸ್ಪಿನ್ ಕಮಾಲ್ ನಡೆಯಬಹುದು ಅನ್ನೋದು ಎಲ್ಲರ ನಿರೀಕ್ಷೆಯಾಗಿತ್ತು. ಆದರೆ ಅದು ಹುಸಿಯಾಗಿದೆ.
ಈಡನ್ನಲ್ಲಿ ವೇಗಿಗಳ ಕಮಾಲ್ ! ಮೊದಲ ಇನ್ನಿಂಗ್ಸ್ನಲ್ಲೇ 15 ವಿಕೆಟ್ !
ಕಾನ್ಪುರದಲ್ಲಿ ಭಾರತೀಯ ಸ್ಪಿನ್ನರ್ಸ್ಗಳು ಕಮಾಲ್ ಮಾಡಿದರು, ಇದೀಗ ಈಡನ್ ಗಾರ್ಡನ್ಸ್ನಲ್ಲಿ ವೇಗಿಗಳು ಕಮಾಲ್ ಮಾಡ್ತಿದ್ದಾರೆ. ಹೌದು, ಈಡನ್ನ ಈ ಹೊಸ ಪಿಚ್ ವೇಗಿಗಳಿಗೆ ಪೂರಕವಾಗಿದೆ. ಹೀಗಾಗಿ ಮೊದಲ ಇನ್ನಿಂಗ್ಸ್ನಲ್ಲಿಯೇ ವೇಗಿಗಳು ಬರೋಬ್ಬರಿ 15 ವಿಕೆಟ್ ಉರುಳಿಸುವ ಮೂಲಕ ಗಮನ ಸೆಳೆದಿದ್ದಾರೆ. ಉಳಿದ 5 ವಿಕೆಟ್ಗಳು ಮಾತ್ರವೇ ಸ್ಪಿನ್ನರ್ಸ್'ಗಳಿಗೆ ಸಿಕ್ಕಿದೆ.
ಭಾರತೀಯ ವೇಗಿಗಳಿಗೆ 8 ವಿಕೆಟ್
ಈಡನ್ಸ್ನಲ್ಲಿ ಎರಡೂ ತಂಡದ ವೇಗಿಗಳು ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಆದರೆ ತವರಿನ ಲಾಭ ಪಡೆದುಕೊಂಡಿರುವ ಭಾರತೀಯರು ಕೊಂಚ ಮೇಲುಗೈ ಸಾಧಿಸಿದ್ದಾರೆ. ಹೌದು, ಒಟ್ಟಾರೆ ವೇಗಿಗಳು ಪಡೆದುಕೊಂಡಿರುವ 15 ವಿಕೆಟ್ಗಳ ಪೈಕಿ ಭಾರತೀಯ ಫಾಸ್ಟ್ ಬೌಲರ್ಸ್ 8 ವಿಕೆಟ್ ಉರುಳಿಸಿದ್ದಾರೆ.
ಕಮಾಲ್ ಮಾಡಿದ ಭುವನೇಶ್ವರ್
ಟೀಮ್ ಇಂಡಿಯಾ ಕೇವಲ ಇಬ್ಬರು ವೇಗಿಗಳನ್ನು ಮಾತ್ರವೇ ಕಣಕ್ಕೆ ಇಳಿಸಿದೆ. ಇದ್ರಲ್ಲಿಯೇ 8 ವಿಕೆಟ್ ಪಡೆಯುವಲ್ಲಿ ಭುವಿ ಹಾಗೂ ಶಮಿ ಯಶಸ್ವಿಯಾಗಿದ್ದಾರೆ. ಅದ್ರಲ್ಲಿಯೂ ಭುವನೇಶ್ವರ್ ಬರೋಬ್ಬರಿ 5 ವಿಕೆಟ್ ಪಡೆಯುವ ಮೂಲಕ ಗಮನ ಸೆಳೆದರು. ಇನ್ನು ಭುವಿಗೆ ತವರಿನ ಪಿಚ್ನಲ್ಲಿ ಸಿಕ್ಕ ಮೊದಲ 5 ವಿಕೆಟ್ ಸಾಧನೆಯೂ ಇದಾಗಿದೆ. ಮತ್ತೋರ್ವ ವೇಗಿ ಶಮಿ ನಾನೇನೂ ಕಮ್ಮಿ ಇಲ್ಲ ಅಂತ 3 ವಿಕೆಟ್ ಗಳಿಸಿದ್ದಾರೆ.
ಭಾರತೀಯ ಫಾಸ್ಟ್ ಬೌಲರ್ಸ್ಗಳು 8 ವಿಕೆಟ್ ಉರುಳಿಸಿದರು, ಅದಕ್ಕೂ ಮುನ್ನ ಕಿವೀಸ್ ವೇಗಿಗಳು 7 ವಿಕೆಟ್ ಉರುಳಿಸಿದರು. ಇದರಿಂದ ಈಡನ್ ಪಿಚ್ ವೇಗಿಗಳಿಗೆ ಪೂರಕವಾಗಿದೆ ಅನ್ನೋದು ಸಾಕ್ಷಿಯಾಗಿದೆ.
ನ್ಯೂಜಿಲೆಂಡ್ ಮೂವರು ವೇಗಿಗಳನ್ನು ಕಣಕ್ಕೆ ಇಳಿಸಿದೆ. ಇದರಲ್ಲಿ ಮ್ಯಾಟ್ ಹೆನ್ರಿ 3 ವಿಕೆಟ್ ಪಡ್ಕೊಂಡರೆ, ಟ್ರೆಂಟ್ ಬೋಲ್ಟ್ ಹಾಗೂ ನೈಲ್ ವ್ಯಾಗನರ್ ತಲಾ ಎರಡೇರೆಡು ವಿಕೆಟ್ ಉರುಳಿಸಿದರು.
ಮೊದಲ ಇನ್ನಿಂಗ್ಸ್ನಲ್ಲಿ ಭಾರತೀಯ ವೇಗಿಗಳು ಮಿಂಚಿರೋ ರೀತಿಯಲ್ಲಿಯೇ 2ನೇ ಇನ್ನಿಂಗ್ಸ್ನಲ್ಲಿಯೂ ಕಮಾಲ್ ಮಾಡಿದ್ರೆ, ಟೀಮ್ ಇಂಡಿಯಾ ತನ್ನ ತವರಿನ 250ನೇ ಟೆಸ್ಟ್ ಗೆದ್ಕೊಳ್ಳುವುದರಲ್ಲಿ ಯಾವುದೇ ಡೌಟಿಲ್ಲ. ಅಲ್ಲದೆ ಸರಣಿಯೂ ಭಾರತದ ಪಾಲಾಗಲಿದೆ.