ಕ್ರಿಕೆಟ್'ಗೆ ನಿವೃತ್ತಿ ಹೇಳುವ ಮನಸ್ಸಿನಲ್ಲಿ ಡುಪ್ಲೇಸಿಸ್
ಫಾಫ್ ಡು ಪ್ಲೇಸಿಸ್ 40 ಟೆಸ್ಟ್'ಗಳಿಂದ 2426 ರನ್, 107 ಏಕದಿನ ಪಂದ್ಯಗಳಿಂದ 3943 ರನ್ ಮತ್ತು 36 ಟಿ20 ಪಂದ್ಯಗಳಿಂದ 1129 ರನ್'ಗಳಿಸಿದ್ದಾರೆ.
ಜೋಹಾನ್ಸ್ಬರ್ಗ್(ಮೇ.13): ದಕ್ಷಿಣ ಆಫ್ರಿಕಾದ ಟೆಸ್ಟ್ ಮತ್ತು ಟಿ20 ಕ್ರಿಕೆಟ್ ತಂಡದ ನಾಯಕ ಫಾಫ್ ಡು ಪ್ಲೇಸಿಸ್, 2019ರಲ್ಲಿ ಇಂಗ್ಲೆಂಡ್'ನಲ್ಲಿ ನಡೆಯಲಿರುವ ವಿಶ್ವಕಪ್ ಕ್ರಿಕೆಟ್ ಟೂರ್ನಿ ಬಳಿಕ ಅಂತರಾಷ್ಟ್ರೀಯ ಕ್ರಿಕೆಟ್'ನಿಂದ ದೂರ ಉಳಿಯುವ ಮನಸ್ಸು ಮಾಡಿರುವುದಾಗಿ ಹೇಳಿದ್ದಾರೆ.
ಕಳೆದ 8 ವರ್ಷಗಳಿಂದ ಆಫ್ರಿಕಾ ಏಕದಿನ ಕ್ರಿಕೆಟ್ ತಂಡದಲ್ಲಿ ಆಡುತ್ತಿದ್ದೇನೆ, ಬಿಡುವಿಲ್ಲದ ಕ್ರಿಕೆಟ್ ಆಟದಿಂದಾಗಿ ಕುಟುಂಬದ ಜತೆ ಕಾಲ ಕಳೆಯುವುದು ಸಾಧ್ಯವಾಗುತ್ತಿಲ್ಲ. ಹೀಗಾಗಿ ವಿದಾಯದ ಬಳಿಕ ವೈಯಕ್ತಿಕ ಜೀವನಕ್ಕೆ ಹೆಚ್ಚಿನ ಸಮಯವನ್ನು ಮೀಸಲಿಡುವುದಾಗಿ ಡುಪ್ಲೇಸಿಸ್ ಹೇಳಿದ್ದಾರೆ.
ಫಾಫ್ ಡು ಪ್ಲೇಸಿಸ್ 40 ಟೆಸ್ಟ್'ಗಳಿಂದ 2426 ರನ್, 107 ಏಕದಿನ ಪಂದ್ಯಗಳಿಂದ 3943 ರನ್ ಮತ್ತು 36 ಟಿ20 ಪಂದ್ಯಗಳಿಂದ 1129 ರನ್'ಗಳಿಸಿದ್ದಾರೆ.