ಪಿಬಿಎಲ್: ಬೆಂಗಳೂರು-ಹೈದರಾಬಾದ್ ಫೈನಲ್ ಕದನ
ಪುರುಷರ ಡಬಲ್ಸ್'ನ ಟ್ರಂಪ್ ಪಂದ್ಯದಲ್ಲಿ ಬೆಂಗಳೂರು ತಂಡ ಕೆ.ಎಸ್. ರಾಂಗ್ ಮತ್ತು ಎಂ. ಬೋಯಿ ಜೋಡಿ 15-13, 15-12 ಗೇಮ್'ಗಳಿಂದ ಅಹಮದಾಬಾದ್'ನ ರೇಜಿನಾಲ್ಡ್ ಮತ್ತು ಕೆ. ನಂದಗೋಪಾಲ್ ಜೋಡಿ ಎದುರು ಗೆಲುವು ಸಾಧಿಸಿತು.
ಹೈದರಾಬಾದ್(ಜ.14): ಪುರುಷರ ಸಿಂಗಲ್ಸ್ ಮತ್ತು ಮಿಶ್ರ ಡಬಲ್ಸ್ ವಿಭಾಗದಲ್ಲಿ ಜಯ ಸಾಧಿಸಿದ ಬೆಂಗಳೂರು ಬ್ಲಾಸ್ಟರ್ಸ್, 3ನೇ ಆವೃತ್ತಿಯ ಪ್ರಿಮೀಯರ್ ಬ್ಯಾಡ್ಮಿಂಟನ್ ಲೀಗ್'ನ ಸೆಮೀಸ್'ನಲ್ಲಿ 4-3 ಅಂಕಗಳಿಂದ ಅಹಮದಾಬಾದ್ ಸ್ಮ್ಯಾಶ್ ಮಾಸ್ಟರ್ಸ್ ಎದುರು ಗೆಲುವು ಪಡೆದಿದೆ. ಈ ಮೂಲಕ ಇಂದು ನಡೆಯಲಿರುವ ಫೈನಲ್ ಪಂದ್ಯದಲ್ಲಿ ಬೆಂಗಳೂರು ತಂಡ, ಹೈದರಾಬಾದ್ ಎದುರು ಸೆಣಸಲಿದೆ.
ಶನಿವಾರ ನಡೆದ 2ನೇ ಸೆಮಿಫೈನಲ್'ನ ಪುರುಷರ ಸಿಂಗಲ್ಸ್'ನ ಮೊದಲ ಪಂದ್ಯದಲ್ಲಿ ಬೆಂಗಳೂರು ತಂಡದ ಸಿ.ಡಬ್ಲ್ಯೂ. ಫೆಂಗ್ 2-15, 15-14, 10-15 ಗೇಮ್'ಗಳಿಂದ ಅಹಮದಾಬಾದ್'ನ ಸೌರಭ್ ವರ್ಮಾ ಎದುರು ಪರಾಭವ ಹೊಂದಿದರು. ಪುರುಷರ ಡಬಲ್ಸ್'ನ ಟ್ರಂಪ್ ಪಂದ್ಯದಲ್ಲಿ ಬೆಂಗಳೂರು ತಂಡ ಕೆ.ಎಸ್. ರಾಂಗ್ ಮತ್ತು ಎಂ. ಬೋಯಿ ಜೋಡಿ 15-13, 15-12 ಗೇಮ್'ಗಳಿಂದ ಅಹಮದಾಬಾದ್'ನ ರೇಜಿನಾಲ್ಡ್ ಮತ್ತು ಕೆ. ನಂದಗೋಪಾಲ್ ಜೋಡಿ ಎದುರು ಗೆಲುವು ಸಾಧಿಸಿತು. ಮಹಿಳಾ ಸಿಂಗಲ್ಸ್'ನಲ್ಲಿ ಬೆಂಗಳೂರಿನ ಗಿಲ್ಮೋರ್ 15-8, 13-15, 8-15 ಗೇಮ್'ಗಳಿಂದ ಅಹಮದಾಬಾದ್'ನ ಟಿ.ಟಿ. ಯಿಂಗ್ ಎದುರು ಸೋಲು ಕಂಡರು.
ಪುರುಷರ ಸಿಂಗಲ್ಸ್'ನ ಮತ್ತೊಂದು ಪಂದ್ಯದಲ್ಲಿ ಬೆಂಗಳೂರಿನ ವಿಕ್ಟರ್ ಅಕ್ಸೆಲ್ಸನ್ ಪ್ರಣಯ್ ಎದುರು, ಮಿಶ್ರ ಡಬಲ್ಸ್'ನಲ್ಲಿ ಬೆಂಗಳೂರಿನ ರಾಂಗ್ ಮತ್ತು ಎನ್.ಎಸ್. ರೆಡ್ಡಿ ಜೋಡಿ ಗೆಲುವು ಪಡೆಯಿತು.