Asianet Suvarna News Asianet Suvarna News

ಜಡೇಜಾ ಬದಲಿಗೆ ಅಕ್ಷರ್'ಗೆ ಬುಲಾವ್

23 ವರ್ಷದ ಅಕ್ಷರ್ ಪಟೇಲ್ ಈಗಾಗಲೇ 30 ಏಕದಿನ ಹಾಗೂ 7 ಟಿ20 ಅಂತರಾಷ್ಟ್ರೀಯ ಪಂದ್ಯಗಳಲ್ಲಿ ಭಾರತ ತಂಡವನ್ನು ಪ್ರತಿನಿಧಿಸಿದ್ದಾರೆ.

Axar Patel replaces Ravindra Jadeja may play India vs Sri Lanka Pallekele Test

ಕೊಲಂಬೊ(ಆ.09): ಲಂಕಾ ವಿರುದ್ಧದ ಮೂರನೇ ಟೆಸ್ಟ್ ಪಂದ್ಯಕ್ಕೆ ರವೀಂದ್ರ ಜಡೇಜಾ ಅಮಾನತು ಆಗಿರುವುದರಿಂದ ಅವರ ಸ್ಥಾನಕ್ಕೆ ಎಡಗೈ ಸ್ಪಿನ್ನರ್ ಅಕ್ಷರ್ ಪಟೇಲ್ ಆಯ್ಕೆಯಾಗಿದ್ದಾರೆ.

ಇದೇ 12ರಿಂದ ಪಲ್ಲೆಕೆಲೆಯಲ್ಲಿ ಆರಂಭವಾಗಲಿರುವ ಮೂರನೇ ಹಾಗೂ ಸರಣಿಯ ಕೊನೆಯ ಟೆಸ್ಟ್ ಪಂದ್ಯಕ್ಕೆ ಟೀಂ ಇಂಡಿಯಾದಲ್ಲಿ ಅಕ್ಷರ್ ಪಟೇಲ್ ಸ್ಥಾನ ಪಡೆದಿದ್ದಾರೆ.

ಕಳೆದೆರಡು ವರ್ಷಗಳಲ್ಲಿ ಜಡೇಜಾ ಎರಡು ಬಾರಿ ಐಸಿಸಿ ನಿಯಮ ಉಲ್ಲಂಘಿಸಿದ್ದರಿಂದ ಜಡೇಜಾ ಅವರನ್ನು ಐಸಿಸಿ ಒಂದು ಪಂದ್ಯದ ಮಟ್ಟಿಗೆ ಅಮಾನತು ಮಾಡಿದೆ. ಭಾರತ ತಂಡದಲ್ಲಿ ಜಡೇಜಾ ಬದಲಿಗೆ ಅಕ್ಷರ್ ಪಟೇಲ್ ಅವರಿಗೆ ಆಯ್ಕೆ ಸಮಿತಿ ಅವಕಾಶ ಕಲ್ಪಿಸಿದೆ ಎಂದು ಬಿಸಿಸಿಐ ಕಾರ್ಯದರ್ಶಿ ಅಮಿತಾಬ್ ಚೌಧರಿ ತಿಳಿಸಿದ್ದಾರೆ.

23 ವರ್ಷದ ಅಕ್ಷರ್ ಪಟೇಲ್ ಈಗಾಗಲೇ 30 ಏಕದಿನ ಹಾಗೂ 7 ಟಿ20 ಅಂತರಾಷ್ಟ್ರೀಯ ಪಂದ್ಯಗಳಲ್ಲಿ ಭಾರತ ತಂಡವನ್ನು ಪ್ರತಿನಿಧಿಸಿದ್ದಾರೆ. ಒಂದು ವೇಳೆ ಟೀಂ ಇಂಡಿಯಾದ ಆಡುವ ಹನ್ನೊಂದರ ಬಳಗದಲ್ಲಿ ಸ್ಥಾನ ಸಿಕ್ಕರೆ, ಪಲ್ಲೆಕೆಲೆ ಟೆಸ್ಟ್ ಪಂದ್ಯವು ಅಕ್ಷರ್ ಪಾಲಿಗೆ ಪಾದಾರ್ಪಣೆ ಪಂದ್ಯವಾಗಲಿದೆ.

Follow Us:
Download App:
  • android
  • ios