ಆ್ಯಷಸ್ ಟೆಸ್ಟ್: ಸ್ಟೀವ್ ಸ್ಮಿತ್ ದಾಖಲೆಯ ದ್ವಿಶತಕ; ಆಸೀಸ್‌ ಬೃಹತ್ ಮೊತ್ತ!
ಆ್ಯಷಸ್ ಟೆಸ್ಟ್ ಸರಣಿಯಲ್ಲಿ ಆಸಿಸ್ ಬೃಹತ್ ಮೊತ್ತ ಕಲೆಹಾಕಿದೆ. ಸ್ಟೀವ್ ಸ್ಮಿತ್ ದ್ವಿಶತಕ ಸಿಡಿಸೋ ಮೂಲಕ ಇಂಗ್ಲೆಂಡ್ ಲೆಕ್ಕಾಚಾರ ಉಲ್ಟಾ ಮಾಡಿದ್ದಾರೆ.
ಮ್ಯಾಂಚೆಸ್ಟರ್‌(ಸೆ.06): ಆಸ್ಪ್ರೇಲಿಯಾದ ಮಾಜಿ ನಾಯಕ ಸ್ಟೀವ್ ಸ್ಮಿತ್, ಇಂಗ್ಲೆಂಡ್ ವಿರುದ್ಧದ ಆ್ಯಷಸ್ ಸರಣಿಯ 4ನೇ ಟೆಸ್ಟ್‌ನಲ್ಲಿ ಭರ್ಜರಿ ದ್ವಿಶತಕ ಬಾರಿಸಿದ್ದಾರೆ. ಆಸೀಸ್‌ ಮೊದಲ ಇನ್ನಿಂಗ್ಸ್‌ನಲ್ಲಿ ಬೃಹತ್ ಮೊತ್ತ ಕಲೆಹಾಕಿದ್ದು, ಪಂದ್ಯದ ಮೇಲೆ ಹಿಡಿತ ಸಾಧಿಸಿದೆ.
ಇದನ್ನೂ ಓದಿ: ಕೇವಲ 12 ಮ್ಯಾಚ್: 85ರಿಂದ 3ನೇ ರ‍್ಯಾಂಕ್, ಇದು ಬುಮ್ರಾ ಝಲಕ್..!
ಸ್ಮಿತ್ ವೃತ್ತಿಬದುಕಿನಲ್ಲಿ ಇದು 3ನೇ ದ್ವಿಶತಕವಾಗಿದ್ದು, ಮೂರೂ ದ್ವಿಶತಕಗಳು ಇಂಗ್ಲೆಂಡ್ ವಿರುದ್ಧವೇ ದಾಖಲಾಗಿರುವುದು ವಿಶೇಷ. 3 ವಿಕೆಟ್‌ ನಷ್ಟಕ್ಕೆ 170 ರನ್‌ಗಳಿಂದ 2ನೇ ದಿನದಾಟಕ್ಕಿಳಿದ ಆಸೀಸ್‌ಗೆ ಸ್ಮಿತ್ ಆಸರೆಯಾದರು. 310 ಎಸೆತಗಳಲ್ಲಿ 22 ಬೌಂಡರಿ ಹಾಗೂ 2 ಸಿಕ್ಸರ್‌ಗಳೊಂದಿಗೆ ಸ್ಮಿತ್ ದ್ವಿಶತಕ ಪೂರೈಸಿದರು. 116 ಓವರ್‌ಗಳಲ್ಲಿ ಆಸ್ಪ್ರೇಲಿಯಾ 7 ವಿಕೆಟ್‌ಗೆ 415 ರನ್‌ ಗಳಿಸಿತು. ನಾಯಕ ಟಿಮ್‌ ಪೈನ್‌ 6ನೇ ವಿಕೆಟ್‌ಗೆ ಸ್ಮಿತ್ ಜತೆಗೂಡಿ 135 ರನ್‌ ಜೊತೆಯಾಟವಾಡಿದರು.
ಸ್ಕೋರ್‌: ಆಸ್ಪ್ರೇಲಿಯಾ 116 ಓವರ್‌ಗಳಲ್ಲಿ 415/7 (ಸ್ಮಿತ್ 205*, ಪೈನ್‌ 58)
