Asianet Suvarna News Asianet Suvarna News

ಆ್ಯಷಸ್‌ 2ನೇ ಕದನ: ಆರ್ಚರ್ ದಾಳಿಗೆ ಆಸೀಸ್ ಧೂಳಿಪಟ..!

ಜೋಫ್ರಾ ಆರ್ಚರ್ ಮಾರಕ ದಾಳಿಗೆ ತತ್ತರಿಸಿದ ಆಸ್ಟ್ರೇಲಿಯಾ ಕೇವಲ 179 ರನ್‌ಗಳಿಗೆ ಸರ್ವಪತನ ಕಂಡಿದೆ. ಆಸೀಸ್ ಮೂವರನ್ನು ಹೊರತುಪಡಿಸಿ ಉಳಿದ್ಯಾವ ಕ್ರಿಕೆಟಿಗರು ಎರಡಂಕಿ ಮೊತ್ತ ತಲುಪಲಿಲ್ಲ. ಈ ಕುರಿತಾದ ವರದಿ ಇಲ್ಲಿದೆ ನೋಡಿ...

Ashes 2019 Jofra Archer takes 6 wickets as England bowl Australia out for 179
Author
Leeds, First Published Aug 23, 2019, 1:15 PM IST

ಲೀಡ್ಸ್‌[ಆ.23]: ಇಂಗ್ಲೆಂಡ್‌ ವೇಗಿ ಜೋಫ್ರಾ ಆರ್ಚರ್‌ ಮಾರಕ ಬೌಲಿಂಗ್‌ ದಾಳಿಗೆ ಬೆದ​ರಿದ ಆಸ್ಪ್ರೇ​ಲಿಯಾ, ಆ್ಯಷಸ್‌ ಸರ​ಣಿಯ 3ನೇ ಟೆಸ್ಟ್‌ನ ಮೊದಲ ಇನ್ನಿಂಗ್ಸ್‌ನಲ್ಲಿ 179 ರನ್‌ಗಳಿಗೆ ಆಲೌಟ್‌ ಆಗಿದೆ. 

ಆ್ಯಷಸ್ ಕದನ: ಲಾರ್ಡ್ಸ್ ಟೆಸ್ಟ್ ಡ್ರಾನಲ್ಲಿ ಅಂತ್ಯ

ಆರಂಭಿಕ ಬ್ಯಾಟ್ಸ್’ಮನ್ ಡೇವಿಡ್‌ ವಾರ್ನರ್‌ (61) ಹಾಗೂ ಮಾರ್ನಸ್‌ ಲಬು​ಶೇನ್‌ (74) ಹೋರಾಟದ ಹೊರ​ತಾ​ಗಿಯೂ ಆಸೀಸ್‌ ಸ್ಪರ್ಧಾ​ತ್ಮಕ ಮೊತ್ತ ಕಲೆಹಾಕು​ವಲ್ಲಿ ವಿಫ​ಲ​ವಾ​ಯಿತು. ಸ್ಟೀವ್ ಸ್ಮಿತ್ ಅನುಪಸ್ಥಿತಿಯಲ್ಲಿ ಕಣಕ್ಕಿಳಿದಿರುವ ಮಾರ್ನಸ್‌ ಲಬು​ಶೇನ್‌ ಆಂಗ್ಲ ವೇಗಿಗಳನ್ನು ಸಮರ್ಥವಾಗಿ ಯಶಸ್ವಿಯಾದರು. ಆದರೆ ವಾರ್ನರ್ ಹೊರತುಪಡಿಸಿ ಉಳಿದ್ಯಾವ ಬ್ಯಾಟ್ಸ್’ಮನ್’ಗಳಿಂದ ನಿರೀಕ್ಷಿತ ಸಾಥ್ ದೊರೆಯಲಿಲ್ಲ. ತಂಡದ 8 ಬ್ಯಾಟ್ಸ್‌ಮನ್‌ಗಳು ಎರ​ಡಂಕಿ ಮೊತ್ತ ತಲು​ಪ​ಲಿಲ್ಲ. ಲಾರ್ಡ್ಸ್ ಟೆಸ್ಟ್ ಕ್ರಿಕೆಟ್’ನಲ್ಲಿ ಕಣಕ್ಕಿಳಿಯುವ ಮೂಲಕ ಟೆಸ್ಟ್ ಕ್ರಿಕೆಟ್’ಗೆ ಪದಾರ್ಪಣೆ ಮಾಡಿರುವ ಆರ್ಚರ್, ಆಸೀಸ್ ವೇಗಿಗಳನ್ನು ಇನ್ನಿಲ್ಲದಂತೆ ಕಾಡಿದರು. ಆರಂಭಿಕರಾದ ವಾರ್ನರ್, ಹ್ಯಾರಿಸ್ ಸೇರಿದಂತೆ ಪ್ರಮುಖ ಬ್ಯಾಟ್ಸ್’ಮನ್’ಗಳನ್ನು ಪೆವಿಲಿಯನ್’ಗಟ್ಟುವಲ್ಲಿ ಯಶಸ್ವಿಯಾದರು.  

ಇಂಗ್ಲೆಂಡ್ ಕ್ರಿಕೆಟ್ ತಂಡಕ್ಕೆ ಕ್ರೀಡಾಸ್ಫೂರ್ತಿಗಿಂತ ಪ್ರತಿಷ್ಠೆಯೇ ಹೆಚ್ಚಾಯ್ತಾ..?

ಮಳೆಯಿಂದಾಗಿ ತಡವಾಗಿ ಆರಂಭಗೊಂಡ ಪಂದ್ಯ​ದಲ್ಲಿ ಟಾಸ್‌ ಗೆದ್ದು ಮೊದಲು ಫೀಲ್ಡಿಂಗ್‌ ಮಾಡುವ ಇಂಗ್ಲೆಂಡ್‌ ನಿರ್ಧಾ​ರ ಕೈಹಿ​ಡಿ​ಯಿತು. ಇಂಗ್ಲೆಂಡ್ ಪರ ಆರ್ಚರ್‌ 45 ರನ್‌ಗೆ 6 ವಿಕೆಟ್‌ ಪಡೆದರೆ, ಅನುಭವಿ ವೇಗಿ ಸ್ಟುವರ್ಟ್ ಬ್ರಾಡ್ 2 ಹಾಗೂ ಬೆನ್ ಸ್ಟೋಕ್ಸ್ ಮತ್ತು ಕ್ರಿಸ್ ವೋಕ್ಸ್ ತಲಾ ಒಂದೊಂದು ವಿಕೆಟ್ ಪಡೆದರು.

ಆ್ಯಷಸ್ ಸರಣಿಯ ಮೊದಲ ಪಂದ್ಯವನ್ನು ಆಸ್ಟ್ರೇಲಿಯಾ ಜಯಿಸುವುದರೊಂದಿಗೆ ಸರಣಿಯಲ್ಲಿ 1-0 ಮುನ್ನಡೆ ಸಾಧಿಸಿದೆ. ಎರಡನೇ ಪಂದ್ಯ ಡ್ರಾನಲ್ಲಿ ಅಂತ್ಯವಾಗಿತ್ತು. ಹೀಗಾಗಿ ಮೂರನೇ ಪಂದ್ಯ ಸಾಕಷ್ಟು ರೋಚಕತೆ ಹುಟ್ಟುಹಾಕಿದೆ.

ಸ್ಕೋರ್‌:

ಆಸ್ಪ್ರೇ​ಲಿಯಾ ಮೊದಲ ಇನ್ನಿಂಗ್ಸ್‌ 179/10
ಮಾರ್ನಸ್‌ ಲಬು​ಶೇನ್‌: 74
ಆರ್ಚರ್: 45/6
 

Follow Us:
Download App:
  • android
  • ios