ಆ್ಯಷಸ್ ಟ್ರೋಫಿ: ಆಸೀಸ್'ಗೆ ತಿರುಗೇಟು ನೀಡಿದ ಆಂಗ್ಲರು
ಕಳಪೆಯಾಟದಿಂದ ಕಂಗೆಟ್ಟಿದ್ದ ಕುಕ್ ಕೊನೆಗೂ ಫಾರ್ಮ್'ಗೆ ಮರಳಲು ಯಶಸ್ವಿಯಾಗಿದ್ದಾರೆ. ಮೊದಲ ಇನ್ನಿಂಗ್ಸ್ನಲ್ಲಿ ಇಂಗ್ಲೆಂಡ್ ಇನ್ನೂ 135 ರನ್'ಗಳ ಹಿನ್ನಡೆಯಲ್ಲಿದೆ.
ಮೆಲ್ಬರ್ನ್(ಡಿ.27): ಈಗಾಗಲೇ 3-0 ಅಂತರದಲ್ಲಿ ಆ್ಯಷಸ್ ಟ್ರೋಫಿ ಕೈಚೆಲ್ಲಿರುವ ಇಂಗ್ಲೆಂಡ್ ನಾಲ್ಕನೇ ಟೆಸ್ಟ್'ನಲ್ಲಿ ತಿರುಗೇಟು ನೀಡುವಲ್ಲಿ ಯಶಸ್ವಿಯಾಗಿದೆ.
ಅಲಿಸ್ಟೈರ್ ಕುಕ್(104*) ಬಾರಿಸಿದ ಆಕರ್ಷಕ ಶತಕದ ನೆರವಿನಿಂದ ಆಸ್ಟ್ರೇಲಿಯಾಗೆ ತಿರುಗೇಟು ನೀಡಿದೆ. ಮೊದಲ ದಿನದ್ಯಂತಕ್ಕೆ 3 ವಿಕೆಟ್ ನಷ್ಟಕ್ಕೆ 244 ರನ್ ಗಳಿಸಿದ್ದ ಆಸ್ಟ್ರೇಲಿಯಾ, ಎರಡನೇ ದಿನ 83 ರನ್ ಕೂಡಿ ಹಾಕುವಷ್ಟರಲ್ಲಿ ಉಳಿದ 7 ವಿಕೆಟ್ ಕಳೆದುಕೊಂಡಿತು. ಸ್ಟುವರ್ಟ್ ಬ್ರಾಡ್ ಮಾರಕ ದಾಳಿಗೆ ತತ್ತರಿಸಿದ ಆಸೀಸ್ ದಿಢೀರ್ ಕುಸಿತ ಕಂಡಿತು.
ಇನ್ನು ಆರಂಭಿಕ ಆಘಾತದ ಬಳಿಕ ಇಂಗ್ಲೆಂಡ್'ಗೆ ಕುಕ್ (104*) ಹಾಗೂ ನಾಯಕ ಜೋ ರೂಟ್ (49*) ಆಸರೆಯಾಗಿದ್ದಾರೆ. ಕಳಪೆಯಾಟದಿಂದ ಕಂಗೆಟ್ಟಿದ್ದ ಕುಕ್ ಕೊನೆಗೂ ಫಾರ್ಮ್'ಗೆ ಮರಳಲು ಯಶಸ್ವಿಯಾಗಿದ್ದಾರೆ. ಮೊದಲ ಇನ್ನಿಂಗ್ಸ್ನಲ್ಲಿ ಇಂಗ್ಲೆಂಡ್ ಇನ್ನೂ 135 ರನ್'ಗಳ ಹಿನ್ನಡೆಯಲ್ಲಿದೆ.
ಸಂಕ್ಷಿಪ್ತ ಸ್ಕೋರ್: ಆಸ್ಟ್ರೇಲಿಯಾ 327/10 (ಡೇವಿಡ್ ವಾರ್ನರ್: 103 , ಬ್ರಾಡ್ 51/4)
ಇಂಗ್ಲೆಂಡ್ 192/2 (ಕುಕ್ 104*, ಲಯನ್ 44/1)