ಮೈಸೂರು ಅರಮನೆಯಲ್ಲಿ ಮತ್ತೊಂದು ಅರಸು ಕುಡಿ ಆಗಮನ! ಅಲಮೇಲಮ್ಮನ ಶಾಪಕ್ಕೆ ಕೊನೆ !
ಮೈಸೂರು ದಸರಾ ಸಂದರ್ಭದಲ್ಲಿ ರಾಣಿ ತ್ರಿಶಿಕಾ ಕುಮಾರಿ ಅವರು 2ನೇ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ಈ ರಾಜಮನೆತನಕ್ಕೆ ಅಂಟಿದ ಅಲಮೇಲಮ್ಮನ ಶಾಪಕ್ಕೆ ಸಿಗುತ್ತಾ ಮುಕ್ತಿ?
 )
ಮೈಸೂರಿನಲ್ಲಿ ನಾಡಹಬ್ಬ ದಸರಾ ಹಬ್ಬದ ಸಂಭ್ರಮದಲ್ಲಿಯೇ ಯದುವೀರ್-ತ್ರಿಶಿಕಾ ದೇವಿಗೆ ಮತ್ತೊಂದು ಗಂಡು ಮಗುವಿನ ಜನನವಾಗಿದೆ. ಅರಮನೆಯಲ್ಲಿ ವೈಭವದ ಪೂಜೆಯೊಂದಿಗೆ ನವರಾತ್ರಿ ಹಬ್ಬ ಶುರುವಾಗಿತ್ತು. ಪೀಠಸ್ಥ ಮಹಾರಾಜ, ಈಗಿನ ಮೈಸೂರು-ಕೊಡಗು ಸಂಸದ ಯದುವೀರ ಶ್ರೀಕಂಠದತ್ತ ಒಡೆಯರ್‌ ವೈಭವದ ಖಾಸಗಿ ದರ್ಬಾರ್‌ ನಡೆಸಿಕೊಟ್ಟಿದ್ದರು. ರಾಜಮಾತೆ ಪ್ರಮೋದಾದೇವಿ ಒಡೆಯರ್‌, ಯುವರಾಜ್ ಆದ್ಯವೀರ್‌ ಎಲ್ಲರೂ ಈ ಸಂಭ್ರಮದಲ್ಲಿ ಪಾಲ್ಗೊಂಡಿದ್ದರು.
3 ಷೇರುಗಳಿಂದ 101 ಕೋಟಿ ಒಡೆಯನಾದ ಉತ್ತರ ಕನ್ನಡದ ಹಿರಿಯ ವ್ಯಕ್ತಿ!
ಮೊದಲ ದಿನದ ದಸರಾದಲ್ಲಿಯೇ ಗಮನ ಸೆಳೆದ ವಿಷಯ ಅಂದ್ರೆ ರಾಣಿ ತ್ರಿಶಿಕಾ ಕುಮಾರಿ. ಎಲ್ಲ ಅಲಂಕಾರ ಮಾಡಿಕೊಂಡಿದ್ದ ತ್ರಿಶಿಕಾ ಕುಮಾರಿ, ಹೊಟ್ಟೆಯನ್ನು ಮಾತ್ರ ಕವರ್‌ ಮಾಡಿಕೊಂಡಿದ್ದರು. ಸ್ವಲ್ಪ ಗಮನಿಸಿದರೆ, ತ್ರಿಶಿಕಾ ಕುಮಾರಿ ಮತ್ತೆ ಗರ್ಭಿಣಿಯಾಗಿದ್ದಾರೆ ಎಂದು ಎಂಥವರೂ ಹೇಳಬಹುದಾಗಿತ್ತು. ಅವರ ನಡೆ ನುಡಿಯಲ್ಲಿ ಅವರು ತಮ್ಮ ಹೊಟ್ಟೆಯ ಭಾಗವನ್ನು ಪ್ರೊಟೆಕ್ಟ್‌ ಮಾಡಿಕೊಳ್ಳುತ್ತಿರುವುದು ಸ್ಪಷ್ಟವಾಗಿ ಗೊತ್ತಾಗುತ್ತಿತ್ತು. ಆದರೆ, ಈ ಬಗ್ಗೆ ಅರಮನೆ ಮೂಲಗಳು ಯಾವುದೇ ಸುಳಿವನ್ನೂ ನೀಡಿರಲಿಲ್ಲ. ನೋಡಿದರೆ ಆಯುಧ ಪೂಜೆ ದಿನವೇ ಗಂಡು ಮಗುವಿಗೆ ಜನ್ಮ ನೀಡಿದ್ದರೂ. ಆದರೆ, ಕಂಕಣ ಕಟ್ಟಿದ ಫಲವಾಗಿ, ಯಾವುದೇ ವಿಘ್ನಗಳು ಇಲ್ಲದೇ ದಸರಾ ಪದ್ಧತಿಗಳು ಸಾಂಗವಾಗಿ ನೆರವೇರಿದವು.
ಇದು ಬೆಂಗಳೂರಿನ 'ಬಿಲಿಯನೇರ್‌ ಸ್ಟ್ರೀಟ್‌', 67.5 ಕೋಟಿಗೆ ಸೇಲ್‌ ಆಗಿದೆ ಇಲ್ಲಿನ ಒಂದು ಸೈಟ್‌!
ಅದೆಲ್ಲ ಸರಿ. ಇನ್ನೊಂದು ಮಗು ಮಾಡಿಕೊಳ್ಳಬೇಕು ಎಂಬ ಉತ್ಸಾಹ ಯದುವೀರ್ ದಂಪತಿಗೆ ಬಂದುದು ಕುತೂಹಲಕರ. ಯಾಕೆಂದರೆ ಅರಮನೆಯ ಹಿಂದಿನ ಹಿಸ್ಟರಿ ತೆಗೆದು ನೋಡಿದರೆ, ಎಲ್ಲ ಒಂದೊಂದೇ ಮಕ್ಕಳು. ಎರಡು ಮಕ್ಕಳು ಇರುವುದು ಅತ್ಯಪರೂಪ. ಯದುವೀರರಿಗೆ ಈಗಾಗಲೇ ಮುಂದಿನ ಅರಸು ಕುಡಿ ಆದ್ಯವೀರನ ರೂಪದಲ್ಲಿ ಬಂದಾಗಿದೆ. ಇನ್ನೊಂದು ಮಗು ಹೆಣ್ಣಾಗಿದ್ದರೆ ಚೆನ್ನಾಗಿರುತ್ತಿತ್ತು. ಆದರೆ, ಗಂಡಾಗಿದ್ದು ಮೈಸೂರು ಅರಮನೆಯ ಇತಿಹಾಸದಲ್ಲಿಯೇ ವಿಶೇಷ.
ಕೇರಳ, ಗಾಂಧಿ ಕುಟುಂಬದ ಲಾಬಿಗೆ ಮಣಿದ ಡಿಕೆಶಿ; ಬಂಡಿಪುರ ನೈಟ್‌ ಟ್ರಾವೆಲ್‌ ಬ್ಯಾನ್‌ ವಾಪಾಸ್‌?
ಅದಿರಲಿ, ಈಗ ಮೈಸೂರು ಅರಮನೆಯ ಇತಿಹಾಸ ಬಲ್ಲವರಿಗೆ ಇನ್ನೊಂದು ವಿಚಾರ ಕೊರೆಯುತ್ತದೆ. ಅದೇನೆಂದರೆ, ಅಲಮೇಲಮ್ಮನ ಶಾಪಕ್ಕೆ ಹಾಗಾದರೆ ಮುಕ್ತಿ ಸಿಕ್ಕಿತಾ? ಅನ್ನುವುದು. ʼʼಮೈಸೂರು ಅರಸರಿಗೆ ಮಕ್ಕಳಾಗದಿರಲಿ" ಅನ್ನುವುದು ಶಾಪದ ನುಡಿ. ಅದು ಇಲ್ಲಿಯವರೆಗೂ ಸುಳ್ಳಾದುದೇ ಇಲ್ಲ. ಅದಕ್ಕಾಗಿಯೇ ಇಲ್ಲಿ ಸಂತಾನವಿಲ್ಲದ ತಲೆಮಾರಿನಲ್ಲಿ ದತ್ತು ತೆಗೆದುಕೊಳ್ಳಲಾಗುತ್ತದೆ. ಆದರೆ ಅರಮನೆಯಲ್ಲಿಯೇ ಜನಿಸಿದ ಮಕ್ಕಳಿಗೆ ಮಕ್ಕಳಾಗುವುದಿಲ್ಲ. ಅಂದರೆ, ಈ ಹಿಂದಿನ ಶ್ರೀಕಂಠದತ್ತ ಅರಸಿಂಹರಾಜ ಒಡೆಯರ್‌ ಅವರು ಸ್ವತಃ ಅರಮನೆಯಲ್ಲೇ ಜನಿಸಿದ ಕುಡಿ. ಅವರಿಗೆ ಮಕ್ಕಳಾಗಲಿಲ್ಲ. ಅದಕ್ಕಾಗಿಯೇ ಯದುವೀರರನ್ನು ದತ್ತು ತೆಗೆದುಕೊಳ್ಳಲಾಗಿತ್ತು. ದತ್ತು ಮಕ್ಕಳಿಗೆ ಮಕ್ಕಳಾಗದಿರಲಿ ಎಂದೇನೂ ಅಲಮೇಲಮ್ಮನ ಶಾಪ ಇಲ್ಲ. ಹೀಗಾಗಿ ಯದುವೀರರಿಗೆ ಮಕ್ಕಳಾಗಲು ಯಾವ ಅಭ್ಯಂತರವೂ ಇಲ್ಲ.
ಅಲಮೇಲಮ್ಮನ ಶಾಪದ ಪ್ರಭಾವ ಎನ್ನುವಂತೆ ಅಂದಿನಿಂದ ಇಂದಿನ ತನಕವೂ ತಲಕಾಡು ಮರಳು ತುಂಬಿದ ಪ್ರದೇಶವಾಗಿದೆ. ಹಾಗೆಯೇ ಇದರ ಸಮೀಪದ ಮಾಲಂಗಿ ಕೂಡ ಮಡುವಾಗಿ ಭಯಂಕರ ಪ್ರಪಾತವಾಗಿದೆ. ಅಷ್ಟೇ ಅಲ್ಲ ಆ ಕಾಲದಿಂದಲೂ ಮೈಸೂರು ಅರಸರಿಗೆ ಮಕ್ಕಳಾಗದೆ ಅವರು ದತ್ತು ಪಡೆದವರಿಗೆ ಮಾತ್ರ ಸಂತಾನ ಪ್ರಾಪ್ತವಾಗುವುದು ನಡೆದುಕೊಂಡು ಬರುತ್ತಿದೆ. ಈ ಘಟನೆ ನಡೆದ ಬಳಿಕ ಮಹಾರಾಜರು ಅಲಮೇಲಮ್ಮನ ಶಾಪ ನಿವಾರಣೆಗಾಗಿ ಅಲಮೇಲಮ್ಮನ ಚಿನ್ನದ ವಿಗ್ರಹವೊಂದನ್ನು ಮಾಡಿಸಿ ಅವರ ಕಾಲದಿಂದಲೇ ನವರಾತ್ರಿ ಹಬ್ಬದಲ್ಲಿ ಅದಕ್ಕೆ ವಿಶೇಷ ಪೂಜೆ ಸಲ್ಲಿಸುವ ಸಂಪ್ರದಾಯ ಜಾರಿಗೆ ತಂದರು ಎನ್ನಲಾಗಿದ್ದು, ಅಲ್ಲಿಂದ ಇಲ್ಲಿವರೆಗೂ ನಿರಂತರವಾಗಿ ಪೂಜೆ ನಡೆದುಕೊಂಡು ಬಂದಿದೆ.
ಆದರೆ ಅರಮನೆಯಲ್ಲಿ ಘಟಿಸುತ್ತಿರುವ ಘಟನೆಗಳನ್ನು ನೋಡಿದರೆ, ಈ ಶಾಪವೂ ಸುಳ್ಳಾಗುವ ಕಾಲ ಬಂದಿತೇನೋ ಅನಿಸುತ್ತದೆ. ಯಾಕೆಂದರೆ ಇಬ್ಬಿಬ್ಬರು ಮಕ್ಕಳನ್ನು ಯಾವ ರಾಜರೂ ಇದುವರೆಗೆ ಹೊಂದಿಲ್ಲ. ಮುಂದಿನ ತಲೆಮಾರಿನಲ್ಲಿ, ಒಬ್ಬರಲ್ಲಾ ಒಬ್ಬ ಮಕ್ಕಳಿಗೆ ಮಕ್ಕಳು ಆಗುವ ಚಾನ್ಸ್‌ ಇದ್ದೇ ಇರುತ್ತದಲ್ಲವೇ? ಒಂದು ವೇಳೆ ಪಟ್ಟವೇರಿದವರಿಗೆ ಮಗುವಾಗಲಿಲ್ಲ ಎಂದಿಟ್ಟುಕೊಂಡರೂ, ಇನ್ನೊಬ್ಬರಿಗೆ ಆಗಲೇಬೇಕಲ್ಲವೇ? ಇಂಥ ಲೆಕ್ಕಾಚಾರದಿಂದಲೇ ಎರಡನೇ ಮಗು ಜನಿಸಿದೆ- ಎಂಬುದು ಅರಮನೆಗೆ ಆಪ್ತರಾದ ಜ್ಯೋತಿಷಿಗಳೊಬ್ಬರ ಊಹೆ.
