4 ನಿಮಿಷ ಬಾಹ್ಯಾಕಾಶ ಪ್ರಯಾಣ ಮಾಡಬೇಕಾ? ಜಸ್ಟ್‌ 1.28 ಕೋಟಿ ಕೊಟ್ರೆ ಸಾಕು!
Follow Us
Synopsis
ಬ್ಲೂ ಆರಿಜಿನ್ ತನ್ನ ನ್ಯೂ ಶೆಪರ್ಡ್ ಕಾರ್ಯಾಚರಣೆಯನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿ, ಆರು ಸಿಬ್ಬಂದಿಗಳನ್ನು ಕಾರ್ಮನ್ ಲೈನ್‌ಗೆ ಕರೆದೊಯ್ದಿತು. ಈ ಆರು ಜನರು ಭೂಮಿ ಮತ್ತು ಬಾಹ್ಯಾಕಾಶದ ನಡುವಿನ ರೇಖೆಯಲ್ಲಿ ತಮ್ಮ ಜೀವನವನ್ನೇ ಬದಲಾಯಿಸುವಂಥ ನೋಟಗಳನ್ನು ಕಂಡಿದ್ದಾರೆ ಎಂದು ಹೇಳಿದ್ದಾರೆ.
ನ್ಯೂಯಾರ್ಕ್ (ಏ.16):ಬ್ಲೂ ಆರಿಜಿನ್ ತನ್ನ ಇತ್ತೀಚಿನ ನ್ಯೂ ಶೆಪರ್ಡ್ ಕಾರ್ಯಾಚರಣೆಯನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿತು, ಆರು ಸಿಬ್ಬಂದಿಗಳನ್ನು ಕಾರ್ಮನ್ ಲೈನ್‌ಗೆ ಕರೆದೊಯ್ದು ಅಲ್ಲಿ ನಾಲ್ಕು ನಿಮಿಷ ಕಳೆದು ಅವರನ್ನು ಭೂಮಿಗೆ ವಾಪಾಸ್ ಕರೆತರಲಾಯಿತು. ಬಾಹ್ಯಾಕಾಶ ಹಾಗೂ ಭೂಮಿನ ನಡುವೆ ಇರುವ ಲೈನ್‌ನಲ್ಲಿ ತಮ್ಮ ಜೀವನವನ್ನೇ ಬದಲಾಯಿಸುವಂಥ ನೋಟಗಳನ್ನು ಅನುಭವಿಸಿದ್ದಾಗಿ ಈ 6 ಸಿಬ್ಬಂದಿಗಳು ಹೇಳಿದ್ದಾರೆ.
ಆರು ಜನರಲ್ಲಿ ಕೇಟಿ ಪೆರ್ರಿ, ಐಶಾ ಬೋವ್, ಗೇಲ್ ಕಿಂಗ್, ಅಮಂಡಾ ನ್ಗುಯೆನ್, ಕೆರಿಯಾನ್ನೆ ಫ್ಲಿನ್ ಮತ್ತು ಲಾರೆನ್ ಸ್ಯಾಂಚೆಜ್ ಸೇರಿದ್ದಾರೆ. ಪಶ್ಚಿಮ ಟೆಕ್ಸಾಸ್‌ನಿಂದ ಬೆಳಿಗ್ಗೆ 9.31 ಕ್ಕೆ ಬಾಹ್ಯಾಕಾಶ ನೌಕೆ ಉಡಾವಣೆಯಾಯಿತು ಮತ್ತು ಭೂಮಿಯಿಂದ ಸರಿಸುಮಾರು 60 ಮೈಲುಗಳಷ್ಟು ಎತ್ತರದಲ್ಲಿ ಪ್ರಯಾಣಿಸಿತು. ಇದರಿದಾಗಿ ಸಿಬ್ಬಂದಿ ಸುರಕ್ಷಿತವಾಗಿ ಭೂಮಿಗೆ ವಾಪಸಗುವ ಮೊದಲ ಕೆಲ ಕಾಲದವರೆಗೆ ಗುರುಕವಾಕರ್ಷಣೆ ಇಲ್ಲದೇ ಇರುವ ಅನುಭವನ್ನು ಮಾಡಲು ಅವಕಾಶ ಮಾಡಿಕೊಟ್ಟಿತು.
ಆರು ಸಿಬ್ಬದಿಗೆ ಅವಕಾಶ ಕಲ್ಪಿಸಲು ವಿನ್ಯಾಸಗೊಳಿಸಲಾದ ಕ್ಯಾಪ್ಸುಲ್‌ನಲ್ಲಿ ಇವರು ಪ್ರಯಾಣ ಮಾಡಿದ್ದರು. 2021 ರಲ್ಲಿ ಪ್ರಾರಂಭವಾದಾಗಿನಿಂದ, ನ್ಯೂ ಶೆಪರ್ಡ್ ಕಾರ್ಯಕ್ರಮವು ಕಾರ್ಮನ್ ರೇಖೆಯ ಆಚೆಗೆ ಒಟ್ಟು 58 ಜನರನ್ನು ಸಾಗಿಸಿದೆ, ಇದರಲ್ಲಿ ಇತ್ತೀಚಿನ ಸಿಬ್ಬಂದಿಯೂ ಸೇರಿದ್ದಾರೆ.
ಬಾಹ್ಯಾಕಾಶ ಪ್ರವಾಸವನ್ನು ಬುಕ್ ಮಾಡೋದು ಹೇಗೆ: ಈ ಮಿಷನ್‌ನ ಫೋಟೋಗಳು ಮತ್ತು ವೀಡಿಯೊಗಳು ಸಾಮಾಜಿಕ ಮಾಧ್ಯಮದಲ್ಲಿ ತ್ವರಿತವಾಗಿ ವೈರಲ್ ಆದವು, ಭವಿಷ್ಯದ ಪ್ರವಾಸಗಿಗೆ ಸಾರ್ವಜನಿಕರು ಹೇಗೆ ಸೀಟು ಬುಕ್ ಮಾಡಬಹುದು ಎಂಬುದರ ಕುರಿತು ವ್ಯಾಪಕ ಆಸಕ್ತಿಯನ್ನು ಹುಟ್ಟುಹಾಕಿತು. ಬ್ಲೂ ಒರಿಜಿನ್‌ನ ವೆಬ್‌ಸೈಟ್ ಪ್ರಕಾರ, 18 ವರ್ಷಕ್ಕಿಂತ ಮೇಲ್ಪಟ್ಟ ಯಾರು ಬೇಕಾದರ ಅರ್ಜಿ ಸಲ್ಲಿಸಲು ಅರ್ಹರು. ಬುಕಿಂಗ್ ಪ್ರಕ್ರಿಯೆಯನ್ನು ಪ್ರಾರಂಭಿಸಲು, ಆಸಕ್ತ ವ್ಯಕ್ತಿಗಳು ಇಮೇಲ್, ಫೋನ್ ಸಂಖ್ಯೆ ಮತ್ತು ವಿಳಾಸ ಸೇರಿದಂತೆ ವೈಯಕ್ತಿಕ ಮಾಹಿತಿಯನ್ನು 500 ಪದಗಳ ವೈಯಕ್ತಿಕ ಹೇಳಿಕೆಯೊಂದಿಗೆ ಸಲ್ಲಿಸಬೇಕು.
ಆದರೆ, ಫಾರ್ಮ್ ಅನ್ನು ಪೂರ್ಣಗೊಳಿಸುವುದರಿಂದ ಭವಿಷ್ಯದ ಕಾರ್ಯಾಚರಣೆಯಲ್ಲಿ ಸ್ಥಾನವನ್ನು ಖಾತರಿಪಡಿಸುವುದಿಲ್ಲ ಎಂದು ಹೇಳುವ ಹಕ್ಕು ನಿರಾಕರಣೆಯನ್ನು ಒಳಗೊಂಡಿದೆ.
ಎಷ್ಟಾಗುತ್ತೆ ಖರ್ಚು: ಬ್ಲೂ ಒರಿಜಿನ್‌ನ ವೆಬ್‌ಸೈಟ್ ಟಿಕೆಟ್‌ನ ಬೆಲೆಯನ್ನು ಸ್ಪಷ್ಟವಾಗಿ ಪಟ್ಟಿ ಮಾಡದಿದ್ದರೂ, ಆರ್ಡರ್ ಪ್ರಕ್ರಿಯೆಯನ್ನು ಪ್ರಾರಂಭಿಸಲು ಕಂಪನಿಯು ಸಂಪೂರ್ಣವಾಗಿ ಮರುಪಾವತಿಸಬಹುದಾದ $150,000 (₹1,28,34,000) ಠೇವಣಿ ಸಂಗ್ರಹಿಸುತ್ತದೆ ಎಂದು ಹೇಳಿದೆ.
2021 ರಲ್ಲಿ, ಡಚ್‌ನ ಆಲಿವರ್ ಡೇಮೆನ್, ಬ್ಲೂ ಒರಿಜಿನ್‌ನ ಮೊದಲ ಸಿಬ್ಬಂದಿ ವಿಮಾನದಲ್ಲಿ ಹರಾಜಿನಲ್ಲಿ $28 ಮಿಲಿಯನ್‌ಗೆ ಸೀಟನ್ನು ಖರೀದಿಸಿದರು ಎಂದು ದಿ ನ್ಯೂಯಾರ್ಕ್ ಟೈಮ್ಸ್ ವರದಿ ಮಾಡಿದೆ. 2022 ರಲ್ಲಿ, ಯೂಟ್ಯೂಬ್ ಪ್ರಭಾವಿ ಕೋಬಿ ಕಾಟನ್, ನ್ಯೂ ಶೆಪರ್ಡ್ ಮಿಷನ್‌ಗೆ ಸೇರಲು $1.25 ಮಿಲಿಯನ್ ಪಾವತಿಸಿದ್ದಾರೆ ಎಂದು ಸುದ್ದಿವಾಹಿನಿ ಕ್ವಾರ್ಟ್ಜ್ ವರದಿ ಮಾಡಿದೆ.
ಬಾಹ್ಯಾಕಾಶ ಪ್ರಯಾಣ ಮಾಡಿ ಯಶಸ್ವಿಯಾಗಿ ಭೂಮಿಗೆ ಮರಳಿದ ಪಾಪ್‌ ಸ್ಟಾರ್‌ ಕೇಟಿ ಪೆರ್ರಿ!
ಪ್ರಸ್ತುತ ಕಾರ್ಯಾಚರಣೆಯ ಕುರಿತು ಬ್ಲೂ ಒರಿಜಿನ್ ವಕ್ತಾರ ಬಿಲ್ ಕಿರ್ಕೋಸ್ ಸಿಎನ್‌ಎನ್‌ಗೆ ಮಾಹಿತಿ ನೀಡಿದ್ದು, ಕೆಲವು ಪ್ರಯಾಣಿಕರು ಉಚಿತವಾಗಿ ಹಾರಾಟ ನಡೆಸಿದರೆ, ಇತರರು ಟಿಕೆಟ್‌ ಪಡೆದು ಪ್ರಯಾಣ ಮಾಡಿದ್ದಾರೆ. ಆದರೆ, ಯಾವ ಪ್ರಯಾಣಿಕರು ಪಾವತಿಸಿದ್ದಾರೆ ಎಂಬುದನ್ನು ಬಹಿರಂಗಪಡಿಸಲು ಕಂಪನಿ ನಿರಾಕರಿಸಿತು.
ಬಾಹ್ಯಾಕಾಶಕ್ಕೆ ನೆಗೆದ 6 ಮಹಿಳೆಯರ ತಂಡ: ಇತಿಹಾಸದಲ್ಲಿ ಇದೇ ಮೊದಲು!
