ಯುಎಸ್ ಓಪನ್: ಸ್ಪೇನ್‌ನ 18 ವರ್ಷದ ಕಾರ್ಲೊಸ್ ಔಟ್‌
* ಯುಎಸ್ ಓಪನ್ ಟೆನಿಸ್ ಟೂರ್ನಿಯಲ್ಲಿ ಕಾರ್ಲೊಸ್ ಆಲ್ಕರಾಜ್‌ಗೆ ಶಾಕ್
* 18ನೇ ವರ್ಷದ ಸ್ಪೇನ್‌ ಆಟಗಾರನಿಗೆ ನಿರಾಸೆ
* ಗಾಯದ ಸಮಸ್ಯೆಯಿಂದಾಗಿ ಸ್ಪರ್ಧೆಯಿಂದ ಹೊರಬಿದ್ದ ಕಾರ್ಲೊಸ್
ನ್ಯೂಯಾರ್ಕ್(ಸೆ.09): ಯುಎಸ್ ಓಪನ್ ಟೆನಿಸ್ ಗ್ರ್ಯಾನ್‌ ಸ್ಲಾಂ ರೋಚಕ ಘಟ್ಟತಲುಪಿದ್ದು, ಆಕರ್ಷಕ ಆಟದಿಂದ ಎಲ್ಲರ ಗಮನ ಸೆಳೆದಿದ್ದ ಸ್ಪೇನ್‌ನ 18 ವರ್ಷದ ಕಾರ್ಲೊಸ್ ಆಲ್ಕರಾಜ್‌, ಗಾಯದ ಸಮಸ್ಯೆಯಿಂದಾಗಿ ಟೂರ್ನಿಯಿಂದ ಹೊರಬಿದ್ದಿದ್ದಾರೆ.
ಕೆನಡಾದ ಆಗುರ್‌ ಅಲಿಯಾಸಿಮ್‌ ವಿರುದ್ಧ ಕ್ವಾರ್ಟರ್‌ ಫೈನಲ್‌ ಪಂದ್ಯದಲ್ಲಿ ಕಾರ್ಲೊಸ್ 3-6, 1-3ರಿಂದ ಹಿಂದಿದ್ದರು. ಬಲಗಾಲಿನ ಗಾಯದಿಂದಾಗಿ ಅವರು ಹೊರನಡೆದರು. ಇದೇ ವೇಳೆ ನೆದರ್‌ಲೆಂಡ್ಸ್‌ನ ವ್ಯಾನ್‌ ಡೆ ಜ್ಯಾಂಡ್‌ಸ್ಕಲ್ಪ್‌ ವಿರುದ್ಧ 6-3, 6-0, 4-6, 7-5 ಸೆಟ್‌ಗಳಲ್ಲಿ ಗೆದ್ದ ವಿಶ್ವ ನಂ.2 ರಷ್ಯಾದ ಡ್ಯಾನಿಲ್‌ ಮೆಡ್ವೆಡೆವ್‌ ಸೆಮಿಫೈನಲ್‌ಗೇರಿದ್ದಾರೆ.
ಯುಎಸ್ ಓಪನ್: ಕ್ವಾರ್ಟರ್‌ ಫೈನಲ್‌ಗೆ ಜೋಕೋವಿಚ್‌ ಲಗ್ಗೆ
ಸೆಮೀಸ್‌ಗೆ ಸಬಲೆಂಕಾ, ಫೆರ್ನಾಂಡೆಜ್‌: ಮಹಿಳಾ ಸಿಂಗಲ್ಸ್‌ನಲ್ಲಿ ವಿಶ್ವ ನಂ.2, ಬೆಲಾರುಸ್‌ನ ಆಯ್ರ್ನಾ ಸಬಲೆಂಕಾ, ಕೆನಡಾದ ಆ್ಯನಿ ಫೆರ್ನಾಂಡೆಜ್‌ ಸೆಮಿಫೈನಲ್‌ ಪ್ರವೇಶಿಸಿದ್ದಾರೆ. ಕ್ವಾರ್ಟರ್‌ ಫೈನಲ್‌ನಲ್ಲಿ ಸಬಲೆಂಕಾ, ಚೆಕ್‌ ಗಣರಾಜ್ಯದ ಬಾರ್ಬೊರಾ ಕ್ರೇಜಿಕೋವಾ ವಿರುದ್ಧ ಗೆದ್ದರೆ, ಫೆರ್ನಾಂಡೆಜ್‌, ಉಕ್ರೇನ್‌ನ ಎಲೆನಾ ಸ್ವಿಟೋಲಿನಾ ವಿರುದ್ಧ ಜಯಗಳಿಸಿದರು.
