ಚಲಿಸುತ್ತಿರುವ ರೈಲಿನಲ್ಲಿ ಯುವತಿಯ ಸ್ಟಂಟ್! ಕ್ಯಾಮೆರಾದಲ್ಲಿ ಸೆರೆ

First Published 3, Sep 2018, 3:32 PM IST
Woman Doing Stunt in Moving Train Caught in Camera
Highlights
  • ಫುಟ್ ಬೋರ್ಡಿನಲ್ಲಿ ನಿಂತು ಮಹಿಳೆಯ ದುಸ್ಸಾಹಸ!
  • ಎಲ್ಲಾ ಮಾಡಿ ರೈಲು ನಿಲ್ಲುವ ಮುಂಚೆಯೇ ಕೆಳಗೆ ಜಿಗಿದಳು!

ಮುಂಬೈ: ಚಲಿಸುತ್ತಿರುವ ರೈಲಿನಲ್ಲಿ ಯುವಕರು ಸ್ಟಂಟ್ ಮಾಡುವ ವಿಡಿಯೋ ಇತ್ತೀಚೆಗೆ ವೈರಲ್ ಆಗಿತ್ತು. ಇದೀಗ ಮಹಿಳೆಯೊಬ್ಬಳು ಇದೇ ರೀತಿ ಸ್ಟಂಟ್ ಮಾಡೋ ದೃಶ್ಯ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.

ಮುಂಬೈಯ ರೇ ರೋಡ್ ಸ್ಟೇಷನ್‌ನಿಂದ ಕಾಟನ್ ಗ್ರೀನ್ ಸ್ಟೇಷನ್ ನಡುವೆ ಈ ಮಹಿಳೆ ಫುಟ್ ಬೋರ್ಡಿನಲ್ಲಿ ನಿಂತು ಹಳಿ ಬದಿಯ ಕಂಬಗಳನ್ನು ಸ್ಪರ್ಶಿಸುವ ಸಾಹಸ ಮಾಡಿದ್ದಾಳೆ.  ಅದು ಕೂಡಾ ರಾತ್ರಿ ಸಮಯದಲ್ಲಿ!

ಕೊನೆಗೆ ರೈಲು ಕಾಟನ್ ಗ್ರೀನ್ ನಿಲ್ದಾಣದಲ್ಲಿ ನಿಲ್ಲುವ ಮುಂಚೆಯೇ ಆಕೆ ಕೆಳಗೆ ಜಿಗಿದಿರುವುದು ಕ್ಯಾಮೆರಾದಲ್ಲಿ ಸೆರೆಯಾಗಿದೆ.

ಈ ಘಟನೆ ಶುಕ್ರವಾರ ನಡೆದಿದ್ದು, ರೈಲ್ವೇ ಪೊಲೀಸರು ಆ ಖತರ್ನಾಕ್ ಮಹಿಳೆಯ ಗುರುತನ್ನು ಇನ್ನೂ ಖಚಿತಪಡಿಸಿಲ್ಲ.

ಆಕೆ ಯಾರೆಂಬುವುದನ್ನು ಪತ್ತೆಹಚ್ಚಲು ನಾವು ರೇ ರೋಡ್ ಮತ್ತು ಕಾಟನ್ ಗ್ರೀನ್ ನಿಲ್ದಾಣಗಳ ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸುತ್ತಿದ್ದೇವೆ, ಎಂದು ರೈಲ್ವೇ ಪೊಲೀಸರು ತಿಳಿಸಿದ್ದಾರೆ.

loader