ಲಂಡನ್(ಏ.11): ವಿಕಿಲೀಕ್ಸ್ ಮೂಲಕ ವಿಶ್ವದ ಹಲವು ಸರ್ಕಾರಗಳ ಮತ್ತು ರಾಜಕೀಯ ನಾಯಕರ ನಿದ್ದೆಗೆಡೆಸಿದ್ದ ಜೂಲಿಯನ್ ಅಸ್ಸಾಂಜೆ ಅವರನ್ನು ಬಂಧಿಸುವಲ್ಲಿ ಬ್ರಿಟಿಷ್ ಪೊಲೀಸರು ಯಶಸ್ವಿಯಾಗಿದ್ದಾರೆ.

ಲಂಡನ್‌ನಲ್ಲಿರುವ ಈಕ್ವೆಡಾರ್ ರಾಯಭಾರ ಕಚೇರಿಯಲ್ಲಿ ಆಶ್ರಯ ಪಡೆದಿದ್ದ ಜೂಲಿಯನ್ ಅಸ್ಸಾಂಜೆ ಅವರಿಗೆ ಈಕ್ವೆಡಾರ್ ಆಶ್ರಯ ಮುಂದುವರೆಸಲು ನಿರಾಕರಿಸಿದ ಮರುಕ್ಷಣವೇ ಅವರನ್ನು ಬ್ರಿಟಿಷ್ ಪೊಲೀಸರು ಬಂಧಿಸಿದ್ದಾರೆ.

ವಿಕಿಲೀಕ್ಸ್ ಮೂಲಕ ಅಮೆರಿಕ ಸರ್ಕಾರದ ರಹಸ್ಯ ಮಾಹಿತಿಗಳನ್ನು ಮತ್ತು ವಿಶ್ವದ ಹಲವು ರಾಜಕಾರಣಿಗಳ ರಹಸ್ಯ ಸಂದರ್ಶನದ ಮೂಲಕ ಹಲವು ಆಘಾತಕಾರಿ ಸತ್ಯಗಳನ್ನು ಅಸ್ಸಾಂಜೆ ಹೊರಹಾಕಿದ್ದರು.

2012ರಿಂದ ಈಕ್ವೆಡಾರ್ ರಾಯಭಾರ ಕಚೇರಿಯಲ್ಲಿ ಆಶ್ರಯ ಪಡೆದಿದ್ದ ಜೂಲಿಯನ್ ಅಸ್ಸಾಂಜೆ ಅವರನ್ನು ಬಂಧಿಸಲು ಅಮೆರಿಕ ಸತತ ಪ್ರಯತ್ನ ನಡೆಸುತ್ತಲೇ ಇತ್ತು.