ಜೀವ ವಿಮೆಯನ್ನು ನೀವು ನಿರಂತರವಾಗಿ ನವೀಕರಿಸದಿದ್ದರೆ ಏನಾಗಬಹುದು ಗೊತ್ತೆ ?

2015-16ರ ಅಂಕಿಅಂಶಗಳ ಪ್ರಕಾರ ಜೀವವಿಮಾ ಸಂಸ್ಥೆಗಳು ಹೊಸ ಗ್ರಾಹಕರಲ್ಲಿ ವಿಮೆಯ 13ನೇ ತಿಂಗಳಲ್ಲಿ ಕೇವಲ ಶೇ.61 ರಷ್ಟು ಮಂದಿಯನ್ನು ಮಾತ್ರ ಉಳಿಸಿಕೊಂಡಿರುತ್ತದೆ. 61ನೇ ತಿಂಗಳಾಗುವಷ್ಟರಲ್ಲಿ ಇದು ಸರಿಸುಮಾರು ಶೇ.33ಕ್ಕೆ ಕುಸಿದಿರುತ್ತದೆ. ಇದು ವಿಮಾ ಸಂಸ್ಥೆಗಳಿಗೂ ಹಾಗೂ ಗ್ರಾಹಕರು ಇಬ್ಬರಿಗೂ ಆತಂಕ ಪಡುವ ವಿಚಾರವಾಗಿದೆ.

ನಿರಂತರತೆಯ ಅನುಪಾತ ಪ್ರತಿ ವರ್ಷ ನವೀಕರಿಸಿದ ವಿಮೆ ಪಾಲಿಸಿಗಳ ಶೇಕಡಾವಾರು ಸೂಚಕವಾಗಿದೆ. ವಿಮೆ ಮಾಡಿಸಿದ ನಂತರ ಪ್ರತಿ ವರ್ಷಾಂತ್ಯದೊಳಗೆ ಈ ಸಂಖ್ಯೆಯನ್ನು ಎಣಿಕೆ ಮಾಡಲಾಗುತ್ತದೆ. ಮಾರಾಟದಲ್ಲಿ ತಪ್ಪು, ನೀತಿ ನವೀಕರಣದಲ್ಲಿ ತೊಂದರೆ, ಗ್ರಾಹಕ ಗುರಿಯಲ್ಲಿ ತಪ್ಪು, ಸ್ಥೂಲ ಆರ್ಥಿಕ ಅಂಶಗಳು ಮತ್ತು ಹಣಕಾಸಿನ ಜಾಗೃತಿ ಕೊರತೆ ಮುಂತಾದ ಹಲವಾರು ಕಾರಣಗಳಿಂದ ನಿರಂತರತೆಯ ಅನುಪಾತ ಕಡಿಮೆಯಾಗಿದೆ.

ತೊಂದರೆಗಳು: ವಿವಿಧ ಜೀವ ವಿಮೆಗಳು ಸಾಮಾನ್ಯವಾಗಿ ದೀರ್ಘಕಾಲದ ಬದ್ಧತೆಗಳನ್ನು ಹೊಂದಿರುತ್ತವೆ. ಇವುಗಳನ್ನು ನಿಮ್ಮ ಕುಟುಂಬದ ಭವಿಷ್ಯದ ನಿಧಿಯ ಅವಶ್ಯಕತೆಗಳಿಗೆ ಅನುಗುಣವಾಗಿ ಖರೀದಿಸಲಾಗುತ್ತದೆ. ನೀವು ಯಾವಾಗ ನಿಗದಿತವಾಗಿ ಪ್ರೀಮಿಯಂ'ಅನ್ನು ಪಾವತಿಸುವುದಲ್ಲಿವೂ ನಿಗದಿಪಡಿಸಿದ ಮೊತ್ತವನ್ನು ಕಳೆದುಕೊಳ್ಳುವುದರ ಜೊತೆ ನಿಮ್ಮನ್ನು ಅವಲಂಬಿತರಿಗೂ ತೊಂದರೆಗೆ ದೂಡುತ್ತದೆ.

ಅನುಕೂಲಗಳು: ನೀವು ನಿಗದಿತವಾಗಿ ಪ್ರೀಮಿಯಂ ಅನ್ನು ಪಾವತಿಸಿದರೆ ನೀವು ವಿಮೆಯ ಪೂರ್ಣ ಕವರೇಜ್ ಪಡೆಯುತ್ತೀರಿ ಇಲ್ಲವೆ ನಿಮ್ಮ ವಿಮೆಯ ಸಂಪೂರ್ಣ ಹೂಡಿಕೆ ಪ್ರಯೋಜನಗಳನ್ನು ಪಡೆಯಲು ಅನುಕೂಲವಾಗುತ್ತದೆ.

ವೆಚ್ಚಗಳು: ನೀವು ವಿಮಾ ಯೋಜನೆಗೆ ಹೂಡಿಕೆ ಮಾಡಿದರೆ ನಿಗದಿಪಡಿಸಿದ ಸಮಯ ನೀವು ಹಣವನ್ನು ಪಾವತಿಸಬೇಕು. ಆದರೆ ನೀವು ಈಗಾಗಲೇ ವಿಮೆ ಪಾವತಿಸುತ್ತಿದ್ದು, ತದ ನಂತರದಲ್ಲಿ ಮತ್ತೊಂದನ್ನು ಖರೀದಿಸಿದರೆ ವಯಸ್ಸಿನ ಅಂತರದ ಕಾರಣದಿಂದ ಪ್ರೀಮಿಯಂ ಅನ್ನು ಹೆಚ್ಚು ತಿಂಗಳುಗಳ ಕಾಲ ಪಾವತಿಸಬೇಕಿರುವುದು ಅಗತ್ಯವಿರುತ್ತದೆ.

ನಿಮ್ಮ ಯೋಚನೆಗಳು:  ಹೊಸ ವಿಮೆಗಳಿಗಾಗಿ ಹಳೆಯ ವಿಮೆಗಳ ಬಗ್ಗೆ ತಿರಸ್ಕಾರ ಭಾವನೆ ನಿಮಗೆ ಮೂಡಿದರೆ ನೀವು ವಿಮೆಯ ಅಗತ್ಯತೆಗಳನ್ನು ಸರಿಯಾಗಿ ಲೆಕ್ಕ ಮಾಡಿಲ್ಲ ಎಂದು ಹೇಳಬಹುದು. ಇದು ನಿಮ್ಮ ಇತರ ಆರ್ಥಿಕ ನಿರ್ಧಾರದ ಮೇಲೆ ಪ್ರತಿಕೂಲ ಪರಿಣಾಮ ಬೀರುತ್ತದೆ.

ತೆರಿಗೆ ಅನುಕೂಲಗಳನ್ನು ಕಳೆದುಕೊಳ್ಳುತ್ತೀರಿ: ನೀವು ಪ್ರಾರಂಭದಿಂದ ನಿರಂತರವಾಗಿ ಜೀವ ವಿಮೆಯನ್ನು ಪಾವತಿಸದಿದ್ದರೆ ಸೆಕ್ಷನ್ 80 ಸಿ ಅಡಿಯಲ್ಲಿ ಬರುವ ಆದಾಯ ತೆರಿಗೆಯ ಪ್ರಯೋಜನಗಳನ್ನು ಪಡೆಯಲು ಸಾಧ್ಯವಾಗುವುದಿಲ್ಲ.

ಮನಸ್ಸಿನಲ್ಲಿಟ್ಟುಕೊಳ್ಳಬೇಕಾದ ವಿಷಯ: ನಿಮ್ಮ ಜೀವನದಲ್ಲಿ ಆರ್ಥಿಕವಾಗಿ ಉತ್ತಮ ಸ್ವಾಮ್ಯತೆ ಸಾಧಿಸಬೇಕಾದರೆ  ನಿರಂತರವಾಗಿ ಜೀವವಿಮೆಯ ಪ್ರೀಮಿಯಂ ಪಾವತಿಸಬೇಕು. ವಿಮೆಯನ್ನು ನಿಮ್ಮ ಹಣದ ಯೋಜನೆಗಳು ಮತ್ತು ಅಗತ್ಯಗಳ ಸಂಪೂರ್ಣ ಮೌಲ್ಯಮಾಪನ ಮಾಡಿದ ನಂತರ ಖರೀದಿಸಬೇಕು ಹಾಗೂ ಈ ರೀತಿ ತೊಡಗಿಸಿಕೊಂಡರೆ ಗರಿಷ್ಠ ಲಾಭಗಳೊಂದಿಗೆ ದೀರ್ಘಕಾಲದವರೆಗೂ ನಿಮಗೆ ಅನುಕೂಲ ಕಲ್ಪಿಸಿಕೊಡುತ್ತದೆ.

ಜೀವ ವಿಮೆ ಖರೀದಿಸುವ ಮುನ್ನ ನಿಮ್ಮ ಮನಸ್ಸಿನಲ್ಲಿಟ್ಟುಕೊಳ್ಳಬೇಕಾದ ಕೆಲವು ವಿಷಯಗಳು

ನಿಮ್ಮ ಅಗತ್ಯಗಳನ್ನು ನಿರ್ಣಯಿಸಿ:

ವಿಮಾ ಪಾಲಿಸಿಯಲ್ಲಿ ತೊಡಗಿಸಿಕೊಳ್ಳುವ ಮುನ್ನ  ನಿಮ್ಮ ಕುಟುಂಬದ ದೀರ್ಘಕಾಲದ ಹಣದ ಅಗತ್ಯಗಳ ಬಗ್ಗೆ ಯೋಚಿಸಿ.ನಾವು ಏಕೆ ಜೀವ ವಿಮಾ ಪಾಲಿಸಿಯಲ್ಲಿ ತೊಡಗಿಸಿಕೊಳ್ಳಬೇಕು ನಾವು ಪಾಲಿಸಿಯಲ್ಲಿ ತೊಡಗಿಸಿಕೊಂಡರೆ ಎಷ್ಟು ಹಣ ನಿಮ್ಮ ಅವಲಂಬಿತರಿಗೆ ದೊರಕುತ್ತದೆ ? ದೀರ್ಘವಧಿ ಪಾಲಿಸಿ,  ದೀರ್ಘಾವಧಿ ಯೋಜನೆ ಅಥವಾ ಯುಎಲ್'ಐಪಿ ಖರೀದಿಸಬೇಕೆ ? ಪಾವತಿಸುವ ಅವಧಿಯಲ್ಲಿ ಎಷ್ಟು ಮೊತ್ತವಿರುತ್ತದೆ ? ಹಾಗೂ ಪಾಲಿಸಿ ಬೆಳೆದಂತೆ ನೀವು ಪ್ರೀಮಿಯಂಗಳನ್ನು ಪಾವತಿಸಲು ಸಾಧ್ಯವಿದೆಯೇ? ಎಂಬ ಹಲವು ಪ್ರಶ್ನೆಗಳನ್ನು ನಿಮ್ಮಲ್ಲೆ ಕೇಳಿಕೊಳ್ಳಿ ?

ಒಳ್ಳೆಯ ಕಾರಣಗಳಿಗಾಗಿ ಖರೀದಿಸಿ: ಮೊದಲು ಮತ್ತು ಅತೀ ಮುಖ್ಯವಾಗಿ,ಖರೀದಿಸಿರುವ ಜೀವವಿಮೆ ನಿಮ್ಮ ನಿಧನದ ನಂತರ ನಿಮ್ಮ ಅವಲಂಬಿತರಿಗೆ ಸಂಪೂರ್ಣವಾಗಿ ಅನುಕೂಲವಾಗಬೇಕು. ನಿಮ್ಮ 80ಸಿ ಕೊರತೆ ನೀಗಿಸಲು ಅಥವಾ ನಿರ್ದಿಷ್ಟ ಸಾಲಕ್ಕೆ ಅರ್ಜಿ ಸಲ್ಲಿಸಲು ಬ್ಯಾಂಕಿನ ಮಾನದಂಡಗಳನ್ನು ಪೂರ್ಣಗೊಳಿಸುವುದಕ್ಕಾಗಿ ಮತ್ತು ಸಣ್ಣ ಉದ್ದೇಶಗಳನ್ನು ಪೂರೈಸಿದ ನಂತರ ಪಾಲಿಸಿಯನ್ನು ನಿಲ್ಲಿಸುವುದಕ್ಕಾಗಿ ವಿಮೆಗಳನ್ನು ಖರೀದಿಸಬೇಡಿ. ಷರತ್ತುಗಳ ಮನನ ಮಾಡಿಕೊಳ್ಳುವ ಮೂಲಕ ವಿಮೆ ಪಾಲಿಸಿಯ ದೀರ್ಘಕಾಲಿಕ ಲಾಭಗಳನ್ನು ತಿಳಿದುಕೊಳ್ಳಿ.

ಎಲ್ಲಿಂದ ನೀವು ಖರೀದಿಸಬೇಕು ?

ವಿಮೆ ಉದ್ಯಮದಲ್ಲಿ ತಪ್ಪಾಗಿ ಮಾರಾಟವಾಗುವುದು ಒಂದು ಸಮಸ್ಯೆಯಾಗಿದೆ. ನಿಮ್ಮ ಅನನ್ಯ ಜೀವನದ ಅವಶ್ಯಕತೆಗಳಿಗೆ ಸೂಕ್ತವಾದ ಜೀವನ ನೀತಿಯನ್ನು ಅಳವಡಿಸಿಕೊಳ್ಳುವುದಕ್ಕಾಗಿ ಖರೀದಿಸುತ್ತೀರಿ ಎಂದು ನೀವು ಖಾತ್ರಿಪಡಿಸಿಕೊಳ್ಳಬೇಕು. ಸಾಮಾನ್ಯವಾಗಿ, ಸಂಬಂಧಿಕರು ಅಥವಾ ಸ್ನೇಹಿತ ಮನವೊಲಿಸಿದ ನಂತರ ಏಜೆಂಟರಿಂದ ಗ್ರಾಹಕರು ತಪ್ಪು ವಿಮೆಯನ್ನು ಖರೀದಿಸುತ್ತಾರೆ. ನಿಮ್ಮ ಅಗತ್ಯತೆಗಳನ್ನು ಪೂರೈಸುವ ವಿಶಿಷ್ಟ ವಿಮೆಗಳನ್ನು ಕೊಂಡುಕೊಳ್ಳುವ ಅರಿವನ್ನು ನೀವು ಬೆಳೆಸಿಕೊಳ್ಳಬೇಕು. ಇದಾದ ನಂತರ ನೀವು ಆನ್'ಲೈನ್ ಮೂಲಕ ಎಲ್ಲ ರೀತಿಯ ವಿಮೆಗಳನ್ನು ಪರಿಶೀಲಿಸಿ ನಿಮ್ಮ ಅಗತ್ಯಗಳನ್ನು ಪೂರೈಸುವ ಉತ್ತಮವಾದವುಗಳನ್ನು ಖರೀದಿಸಬೇಕು.ನಿಮಗೆ ಅವಲಂಬಿತರಿದ್ದರೆ, ದತ್ತಿ ಯೋಜನೆ, ಹಣ ವಾಪಸ್ ಬರುವ ಅಥವಾ ಯು'ಎಲ್'ಐಪಿ'ಗಳ ರೀತಿಯ ದೀರ್ಘಕಾಲಿಕ ವಿಮೆಗಳನ್ನು ಖರೀದಿಸಬೇಕು.

ವಿಮೆಗೆ ಹೂಡಿಕೆ ಮಾಡುವಾಗ ಗೊಂದಲಕ್ಕೊಳಗಾಗಬೇಡಿ

ವಿಮೆಯೂ ಭಾರತದಲ್ಲಿ ಹೂಡಿಕೆಯೊಂದಿಗೆ ಸಾಂಪ್ರದಾಯಿಕ ಸಂಪರ್ಕವನ್ನು ಹೊಂದಿದೆ. ಪ್ರತಿಫಲ ಕೊಡುವ ವಿಮೆಯೂ ಅನೇಕ ಹೂಡಿಕೆದಾರರನ್ನು ಆಕರ್ಷಿಸುತ್ತದೆ. ಆದಾಗ್ಯೂ, ಕಡಿಮೆ ಹೂಡಿಕೆಯೊಂದಿಗೆ ಹೆಚ್ಚು ಕಂತುಗಳನ್ನು ಪಾವತಿಸಿ ಉತ್ತಮ ಜೀವವಿಮೆಯನ್ನು ಒಳಗೊಂಡಿರುವುದರಿಂದ ಪಾಲಿಸಿದಾರರಿಗೆ ಅನುಕೂಲವಾಗುತ್ತದೆ. ಈಗ ಪಾಲಿಸಿದಾರರು ಹೆಚ್ಚು ಬುದ್ಧಿವಂತರಾಗಿದ್ದು, ತಮ್ಮ ಜೀವಿತದ ಅವಧಿಯೊಳಗೆ ಹೆಚ್ಚು ಲಾಭ ತರುವ ವಿಮೆಗೆ ಹೂಡಿಕೆ ಮಾಡುತ್ತಾರೆ. ತಾತ್ತ್ವಿಕವಾಗಿ, ಹೂಡಿಕೆ ಮತ್ತು ವಿಮಾಯನ್ನು ಕಡ್ಡಾಯವಾಗಿ ಬೇರ್ಪಡಿಸಬೇಕು.ಅವಲಂಬಿತರಿದ್ದರೆ ದೀರ್ಘಕಾಲೀನ ವಿಮೆಯನ್ನು ಖರೀದಿಸಬೇಕು. ಅದಲ್ಲದೆ, ಸಾರ್ವಜನಿಕ ಭವಿಷ್ಯ ನಿಧಿ ರೀತಿಯ ಸಣ್ಣ ಉಳಿತಾಯಗಳ ಯೋಜನೆಗಳು ಹಾಗೂ ಮ್ಯುಚ್ಯುವೆಲ್ ನಿಧಿಗಳ ರೀತಿಯ ದೋಷರಹಿತ ನೀತಿಯ ಹೂಡಿಕೆ ಯೋಜನೆಗಳು ವಿಮಾ ಉತ್ಪನ್ನಗಳ ರೀತಿಯೇ ಹೆಚ್ಚಿನ ದೀರ್ಘಕಾಲದ ಆದಾಯವನ್ನು ಮರಳಿಸುತ್ತವೆ.

ಹೆಚ್ಚಿನದಷ್ಟು ವಿಮಾ  ಪಡೆಯಬಹುದು:  ನಿಮ್ಮ ನಿಮ್ಮ ಕುಟುಂಬಕ್ಕಾಗಿ ಸಾಕಷ್ಟು ಕವರೇಜ್ ಹೊಂದಿರುವ ವಿಮೆಯನ್ನು ಖರೀದಿಸಿ. ತಾತ್ವಿಕವಾಗಿ, ವಿಮಾ ಮೊತ್ತವು ನಿಮ್ಮ ಪ್ರಸ್ತುತ ವಾರ್ಷಿಕ ವೇತನದ 10 ರಿಂದ 20 ಪಟ್ಟು ಇರಬೇಕು. ಅಲ್ಲದೆ ಪ್ರೀಮಿಯಂ ಮೊತ್ತವನ್ನು ಕಡಿಮೆಗೊಳಿಸದೆ ನಿಮ್ಮ ಅನನ್ಯ ಅನುಕೂಲತೆಗಳಿಗೆ ಅನುಗುಣವಾಗಿ ಉತ್ತಮ ಕವರೇಜ್ ಹೊಂದಿರುವ ವಿಮೆಯನ್ನು ಖಚಿತಪಡಿಸಿಕೊಂಡು ಪಾಲಿಸಿ ಮಾಡಿಸಿ.

ನಿಮ್ಮ ವಿಮಾ ಅಗತ್ಯತೆಗಳನ್ನು ಪಡೆಯಲು ಪರಿಣಿತರ ಸಲಹೆಯನ್ನು ಪಡೆಯಿರಿ. ನಿಮಗೆ ಅನುಮಾನ ಉಂಟಾದರೆ ಆನ್'ಲೈನ್'ನಲ್ಲಿ ಪರಿಶೀಲಿಸಿ ನಿಮ್ಮ ಆಯ್ಕೆಗಳು ಯಾವುದೆಂಬುದನ್ನು ತೀರ್ಮಾನಿಸಿಕೊಳ್ಳಿ.

ಲೇಖಕರು: ಆದಿಲ್ ಶೆಟ್ಟಿ, ಸಿಇಒ, ಬ್ಯಾಂಕ್ ಬಜಾರ್.ಕಾಂ.