ನವದೆಹಲಿ (ಮಾ. 09): ಬಿಜೆಪಿ ವಕ್ತಾರ ಸಂಬೀತ್ ಪಾತ್ರಾ ‘ಚೌಕಿದಾರ್ ಹೀ ಚೋರ್ ಹೈ’ ಎಂದು ಬರೆದ ಸ್ಟಿಕ್ಕರ್‌ಅನ್ನು ಗೋಡೆಗೆ ಅಂಟಿಸುತ್ತಿರುವ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಲಲಿತ್ ಕುಮಾರ್ ಚೌಹಾಣ್ ಎನ್ನುವವರು ತಮ್ಮ ಫೇಸ್‌ಬುಕ್‌ನಲ್ಲಿ ಈ ಫೋಟೋ ಹಾಕಿ, ‘ತಂದೆಯೇ ಕಳ್ಳ ಅಂತ ಈಗ ಮಗ ಸಹ ಒಪ್ಪಿಕೊಂಡಿದ್ದಾನೆ’ ಎಂದು ಬರೆದಿದ್ದಾರೆ.  ಆದರೆ ಬೂಮ್ ಸುದ್ದಿಸಂಸ್ಥೆ ರಿವರ್ಸ್ ಇಮೇಜ್‌ನಲ್ಲಿ ಪರಿಶೀಲಿಸಿದಾಗ ಇದರ ಮೂಲ ಚಿತ್ರ ಪತ್ತೆಯಾಗಿದೆ.

2019 ಫೆ. 13 ಕ್ಕೆ 2 ಫೋಟೋವನ್ನು ಟ್ವೀಟ್ ಮಾಡಲಾಗಿದ್ದು, ಅದರಲ್ಲಿ ಒಂದು ರಾಷ್ಟ್ರಧ್ವಜ ಹಿಡಿದಿರುವುದು, ಇನ್ನೊಂದು ‘ಮೇರಾ ಪರಿವಾರ್ ಭಾಜಪ ಪರಿವಾರ್’ ಅಭಿಯಾನದ ಭಾಗವಾಗಿ ತಮ್ಮ ಮನೆಯ ಹೊರಭಾಗದಲ್ಲಿ ಪ್ರಧಾನಿ ಮೋದಿ ಚಿತ್ರ ಅಂಟಿಸುತ್ತಿರುವುದು. ಎರಡನೇ ಚಿತ್ರವನ್ನು ಎಡಿಟ್ ಮಾಡಿ ಈ ರೀತಿ ಸುಳ್ಳು ಸುದ್ದಿ ಹಬ್ಬಿಸಲಾಗಿದೆ.

- ವೈರಲ್ ಚೆಕ್