10 ರೂಪಾಯಿಗೆ ಆಫರ್| ಮಾಲ್ಗೆ ಮಹಿಳೆಯರ ದಾಳಿ| ಕಾಲ್ತುಳಿತ, ಹಲವರಿಗೆ ಗಾಯ!
ಹೈದ್ರಾಬಾದ್[ಫೆ.18]: ಕೇವಲ 10 ರು. ಗೆ ಸೀರೆ ಮಾರಾಟ ಮಾಡುವುದಾಗಿ ಘೋಷಣೆ ಮಾಡಿದ ಮಾಲ್ ಒಂದರ ಮುಂದೆ ಮಹಿಳೆಯರು ಮತ್ತು ಯುವತಿಯರ ಸೇರಿ ಅವರನ್ನು ನಿಯಂತ್ರಿಸಲಾಗದೇ ಪೊಲೀಸರ ಮೊರೆ ಹೋದ ಪ್ರಸಂಗ ನಡೆದಿದೆ.
ಸಮಗ್ರ ಸುದ್ದಿ ಮೂಲವನ್ನಾಗಿ asianet suvarna news ಅನ್ನು ಆಯ್ಕೆ ಮಾಡಿಕೊಳ್ಳಿ
ಇಲ್ಲಿನ ಸಿದ್ದಿಪೇಟೆಯ ಸಿಎಂಆರ್ ಶಾಪಿಂಗ್ ಮಾಲ್ನಲ್ಲಿ ಕೇವಲ 10 ರು.ಗೆ ಸೀರೆ ಮಾರಾಟದ ಆಫರ್ ಪ್ರಕಟಿಸಿತ್ತು. ಈ ಸುದ್ದಿ ಸುತ್ತುಮುತ್ತಲ ಪ್ರದೇಶದಲ್ಲಿ ಹಬ್ಬಿ, ಭಾನುವಾರ ಬೆಳಗ್ಗೆ ಏಕಾಏಕಿ ಸಾವಿರಾರು ಜನ ಮಾಲ್ನೊಳಗೆ ನುಗ್ಗಿದ್ದಾರೆ. ಈ ವೇಳೆ ಕಾಲ್ತುಳಿತ ಸಂಭವಿಸಿ ಹಲವರು ಗಾಯಗೊಂಡಿದ್ದಾರೆ.
ಇನ್ನು ಇದೇ ಸಂದರ್ಭವನ್ನು ಬಳಸಿಕೊಂಡು ಕಳ್ಳರು ಭರ್ಜರಿಯಾಗಿ ಪಿಕ್ಪಾಕೆಟ್ ಕೂಡಾ ನಡೆಸಿದ್ದಾರೆ. ಹೀಗಾಗಿ ಸೀರೆ ಕೊಳ್ಳಲು ಬಂದವರು, ಚಿನ್ನದ ಸರ, ನಗದು, ಎಟಿಎಂ ಕಾರ್ಡ್ ಸೇರಿದಂತೆ ಹಲವು ಬೆಲೆಬಾಳುವ ವಸ್ತುಗಳನ್ನು ಕಳೆದುಕೊಂಡಿದ್ದಾರಂತೆ.
