ಇನ್ನು ವೀಸಾ ಇಲ್ಲದೆಯೇ ಈ ದೇಶಕ್ಕೆ ಹೋಗಬಹುದು
ವೀಸಾ ಇಲ್ಲದೆಯೇ ಈ ದೇಶಕ್ಕೆ ಹೋಗಬಹುದು
ದೋಹಾ(ಆ.09): ರಾಜತಾಂತ್ರಿಕ ಬಿಕ್ಕಟ್ಟುಗಳ ಪರಿಣಾಮ ತನ್ನ ಸುತ್ತಮುತ್ತಲ ರಾಷ್ಟ್ರಗಳಿಂದ ಪ್ರತ್ಯೇಕವಾಗಿರುವ ಕತಾರ್, ವೀಸಾ ಇಲ್ಲದ ಹೊರತಾಗಿಯೂ ಭಾರತ ಸೇರಿದಂತೆ ಇತರ 80 ರಾಷ್ಟ್ರಗಳ ಪ್ರಜೆಗಳಿಗೆ ದೇಶ ಪ್ರವೇಶ ನೀಡುವ ಬಗ್ಗೆ ಘೋಷಣೆ ಮಾಡಿದೆ.
ವೀಸಾ ಇಲ್ಲದೆ, ವಿದೇಶಿಗರ ಪ್ರವೇಶಕ್ಕೆ ಅನುಮತಿ ನೀಡಿದ ಕತಾರ್ ಈ ಪ್ರಾಂತ್ಯದಲ್ಲೇ ಅತಿ ಹೆಚ್ಚು ಮುಕ್ತ ರಾಷ್ಟ್ರವಾಗಲಿದೆ ಎಂದು ಅಲ್ಲಿನ ಪ್ರವಾಸೋದ್ಯಮ ಸಚಿವಾಲಯದ ಅಧಿಕಾರಿಯೊಬ್ಬರು ಹೇಳಿದ್ದಾರೆ. ಆದರೆ, ವೀಸಾ ಇಲ್ಲದೆ ಕತಾರ್ ಪ್ರವೇಶಿಸಬಹುದಾದ 80ರಾಷ್ಟ್ರಗಳು ಯಾವುವು ಎಂಬುದರ ಬಗ್ಗೆ ಕತಾರ್ ಸ್ಪಷ್ಟನೆ ನೀಡಿಲ್ಲ. ಆದರೆ, 2022ರಲ್ಲಿ ಇಲ್ಲಿ ಆಯೋಜನೆಯಾಗಲಿರುವ ಫುಟ್‌ಬಾಲ್ ಪಂದ್ಯ ವೀಕ್ಷಕರಿಗೆ ಈ ನೂತನ ವೀಸಾ ಇಲ್ಲದ ಪ್ರಯಾಣ ಭಾರಿ ಅನುಕೂಲವಾಗಲಿದೆ ಎಂದು ಹೇಳಲಾಗಿದೆ.
Last Updated Apr 11, 2018, 12:52 PM IST
