ರಾಮಲಿಂಗಾ ರೆಡ್ಡಿ ಗೃಹ ಇಲಾಖೆಯ ಅಧಿಕಾರ ವಹಿಸಿಕೊಂಡ ಬಳಿಕ ಬೆಂಗಳೂರು ಪೊಲೀಸರ ಸಭೆ ಕರೆದು ಖಡಕ್ ಸೂಚನೆಯನ್ನು ನೀಡಿದ್ದರು. 20 ಅಂಶಗಳ ಸೂಚನೆಯನ್ನು ಕಡ್ಡಾಯ ಪಾಲನೆ ಮಾಡುವಂತೆ ತಿಳಿಸಿದ್ದರು. ಆದರೆ ಸೂಚನೆ ಮೀರಿ ಕಾನೂನು ಸುವ್ಯವಸ್ಥೆಯ ಕಾಪಾಡಬೇಕಾದವನೊಬ್ಬ ಹಾದಿ ತಪ್ಪಿದ ಪರಿಣಾಮ ಅಡ್ಡದಾರಿ ಹಿಡಿದು ಬಿಡುಗಾಸಿಗೆ ಕೈಚಾಚಿ ಅಮಾನತ್ತುಗೊಂಡಿದ್ದಾನೆ.
ಬೆಂಗಳೂರು (ಅ.05): ರಾಮಲಿಂಗಾ ರೆಡ್ಡಿ ಗೃಹ ಇಲಾಖೆಯ ಅಧಿಕಾರ ವಹಿಸಿಕೊಂಡ ಬಳಿಕ ಬೆಂಗಳೂರು ಪೊಲೀಸರ ಸಭೆ ಕರೆದು ಖಡಕ್ ಸೂಚನೆಯನ್ನು ನೀಡಿದ್ದರು. 20 ಅಂಶಗಳ ಸೂಚನೆಯನ್ನು ಕಡ್ಡಾಯ ಪಾಲನೆ ಮಾಡುವಂತೆ ತಿಳಿಸಿದ್ದರು. ಆದರೆ ಸೂಚನೆ ಮೀರಿ ಕಾನೂನು ಸುವ್ಯವಸ್ಥೆಯ ಕಾಪಾಡಬೇಕಾದವನೊಬ್ಬ ಹಾದಿ ತಪ್ಪಿದ ಪರಿಣಾಮ ಅಡ್ಡದಾರಿ ಹಿಡಿದು ಬಿಡುಗಾಸಿಗೆ ಕೈಚಾಚಿ ಅಮಾನತ್ತುಗೊಂಡಿದ್ದಾನೆ.
ಗೃಹ ಸಚಿವರಾಗಿ ಅಧಿಕಾರ ಸ್ವೀಕರಿಸಿಕೊಂಡ ಕೂಡಲೇ ಬೆಂಗಳೂರಿನ ಪೊಲೀಸ್ ಅಧಿಕಾರಿಗಳ ತುರ್ತು ಸಭೆ ಕರೆದಿದ್ದ ರಾಮಲಿಂಗಾರೆಡ್ಡಿ, ಕೆಲವು ಸೂಚನೆಗಳನ್ನ ನೀಡಿದ್ದರು. ಅದರಂತೆ ಕಾನೂನು ಸುವ್ಯವಸ್ಥೆಯನ್ನು ಕಾಪಾಡುತ್ತೇವೆಂದು ಕಾಕಿ ತೊಟ್ಟವರು 20 ಅಂಶಗಳ ನಿಯಮವನ್ನು ಕಡ್ಡಾಯವಾಗಿ ಪಾಲಿಸುವಂತೆ ಸೂಚಿಸಿದ್ದರು. ಅಲ್ಲದೆ, ನಿಯಮ ಮೀರಿ ನಡೆದವರ ವಿರುದ್ದ ನಿರ್ದಾಕ್ಷಿಣ್ಯವಾಗಿ ಕ್ರಮಕೈಗೊಳ್ಳುವಂತೆ ಸೂಚಿಸಿದ್ದರು. ಅದರ ಪರಿಣಾಮವಾಗಿ ಭ್ರಷ್ಟಾಚಾರದಲ್ಲಿ ತೊಡಿಗದ್ದ ಪೊಲೀಸ್ ಇನ್ಸ್ಪೆಕ್ಟರ್'ನೊಬ್ಬ ಈಗ ಅಮಾನತ್ತಾಗಿದ್ದಾನೆ.
ತಿಲಕ ನಗರ ಠಾಣೆಯ ಇನ್ಸ್ಪೆಕ್ಟರ್ ತನ್ವೀರ್ ಅಮಾನತ್ತಾದ ಅಧಿಕಾರಿ. ತಿಲಕನಗರ ಠಾಣಾ ವ್ಯಾಪ್ತಿಯ ಮೀನಾಕ್ಷಿ ಬಾರ್ ತಡರಾತ್ರಿವರೆಗೂ ತೆರದಿದ್ದನ್ನು ಪ್ರಶ್ನಿಸಿದ್ದ ಇನ್ಸ್ಪೆಕ್ಟರ್ ತನ್ವಿರ್ ಬಾರ್ನ ಮಾಲೀಕನನ್ನು ಠಾಣೆಗೆ ಕರೆಸಿದ್ದ. ಬಳಿಕ ತಡರಾತ್ರಿವರೆಗೂ ಬಾರ್ ನಡೆಸಿದರ ವಿರುದ್ಧ ಕ್ರಮಕೈಗೊಳ್ಳುವುದರ ಬದಲು ಎರಡು ಲಕ್ಷ ಹಣದ ಬೇಡಿಕೆಯನ್ನಿಟ್ಟಿದ್ದ. ಅಲ್ಲದೆ, ತಡರಾತ್ರಿಯವರೆಗೂ ಬಾರ್ ನಡೆಸಲು ಪರ್ಮಿಷನ್ ನೀಡೊದಾಗಿ ಹೇಳಿದ್ದ. ಆದರೆ ಈತನ ಮಾತನ್ನ ಕೇಳದ ಬಾರ್ ಮಾಲೀಕ ಆಗ್ನೇಯ ವಿಭಾಗದ ಡಿಸಿಪಿ ಬೋರಲಿಂಗಯ್ಯಗೆ ದೂರು ನೀಡಿದ್ದ. ಹೀಗಾಗಿ ವೈನ್ ಶಾಪ್ವೊಂದರ ವಿಷಯ ಸಂಬಂಧ ಪ್ರಕರಣ ದಾಖಲು ಮಾಡಿಕೊಂಡಿರಲಿಲ್ಲ. ಹಾಗೂ ಹಣಕ್ಕೆ ಬೇಡಿಕೆ ಇಟ್ಟ ಆರೋಪದಡಿ ಕರ್ತವ್ಯ ಲೋಪವಾಗಿದೆ ಎಂಬ ಬಗ್ಗೆ ಕೂಲಂಕುಶ ವರದಿ ತಯಾರಿಸಿದ ಡಿಸಿಪಿ ಬೊರಲಿಂಗಯ್ಯ ನೀಡಿದ ವರದಿ ಆಧರಿಸಿ ಬೆಂಗಳೂರು ನಗರ ಪೊಲೀಸ್ ಆಯುಕ್ತ ಟಿ. ಸುನಿಲ್ ಕುಮಾರ್ ಹಣದ ಬೇಡಿಕೆಯನ್ನಿಟ್ಟಿದ್ದ ಇನ್ಸ್ಪೆಕ್ಟರ್ ತನ್ವಿರ್ ಹಾಗೂ ಆತನಿಗೆ ಸಹಕರಿಸಿದ ಮುಖ್ಯಪೇದೆ ರಾಘವೇಂದ್ರ ಇಬ್ಬರನ್ನು ಅಮಾನತ್ತು ಆದೇಶ ಹೊರಡಿಸಿದ್ದಾರೆ.
