ಭಾರತೀಯರನ್ನು ನಿಂದಿಸಿದ ಪಾಕ್ ನಟ ಹೊರಕ್ಕೆ
 )
Followಮುಂಬೈ(ಸೆ.25): ಭಾರತೀಯರ ವಿರುದ್ಧ ಆಕ್ಷೇಪಾರ್ಹ ಟ್ವೀಟ್ ಮಾಡಿದ್ದುದಕ್ಕಾಗಿ ಪಾಕ್ ಮೂಲದ ನಟ ಮಾರ್ಕ್ ಅನ್ವರ್‌ರನ್ನು ಬ್ರಿಟನ್‌ನ ಜನಪ್ರಿಯ ಟಿವಿ ಕಾರ್ಯಕ್ರಮವೊಂದರಿಂದ ಕೈಬಿಡಲಾಗಿದೆ. ಜಗತ್ತಿನ ಅತಿ ದೀರ್ಘಕಾಲೀನ ಟಿವಿ ದಾರಾವಾಹಿ ‘ಕರೋನೇಶನ್ ಸ್ಟ್ರೀಟ್’ನಲ್ಲಿ ಮಾರ್ಕ್ ಅನ್ವರ್ 2014ರಿಂದ ನಟಿಸುತ್ತಿದ್ದರು. ತನ್ನ ಟ್ವಿಟ್ಟರ್ ಖಾತೆಯಲ್ಲಿ ಅನ್ವರ್ ಪ್ರಕಟಿಸಿದ್ದ ಸಂದೇಶದ ಬಗ್ಗೆ ‘ಸಂಡೇ ಮಿರರ್’ ಸುದ್ದಿ ಪತ್ರಿಕೆ ಪ್ರಕಟಿಸಿತ್ತು. ಮಾರ್ಕ್ ಅನ್ವರ್ ಟ್ವಿಟ್ಟರ್‌ನಲ್ಲಿ ಸಂಪೂರ್ಣ ಅಸ್ವೀಕಾರಾರ್ಹವಾದ, ಜನಾಂಗೀಯ ನಿಂದನೆ ಹೇಳಿಕೆ ನೋಡಿ, ತೀವ್ರ ಆಘಾತಕ್ಕೊಳಗಾದೆವು. ನಾವು ಅನ್ವರ್ ಜೊತೆ ಮಾತನಾಡಿದ್ದೇವೆ. ಹೀಗಾಗಿ ತಕ್ಷಣದಿಂದಲೇ ಅವರು ’ಕೊರೊನೇಶನ್ ಸ್ಟ್ರೀಟ್’ಗೆ ಮರಳುವುದಿಲ್ಲ ಎಂದು ಐಟಿವಿ ವಕ್ತಾರ ತಿಳಿಸಿದ್ದಾರೆ.
