ಇಸ್ಲಾಮಾಬಾದ್‌ (ಜ.13): ಮಿನರಲ್‌ ವಾಟರ್‌ ಹಾಗೂ ತಂಪು ಪಾನೀಯ ಮಾರಾಟ ಕಂಪನಿಗಳು ಭೂಮಿಯಿಂದ ತೆಗೆಯುವ ಪ್ರತಿ ಲೀಟರ್‌ ನೀರಿನ ಮೇಲೆ 1 ರು. ತೆರಿಗೆ ಕಟ್ಟಬೇಕು ಎಂದು ಪಾಕಿಸ್ತಾನ ಸುಪ್ರೀಂಕೋರ್ಟ್‌ ಶನಿವಾರ ಆದೇಶ ಹೊರಡಿಸಿದೆ.

ನೀರು ಮಾರಾಟ ಕಂಪನಿಗಳು ಉಚಿತವಾಗಿ ಭೂಮಿಯಿಂದ ನೀರು ತೆಗೆದು ಮಾರಾಟ ಮಾಡುತ್ತಿರುವ ಸಂಬಂಧ ಕೋರ್ಟ್‌ ಸ್ವಯಂ ಪ್ರೇರಿತವಾಗಿ ವಿಚಾರಣೆ ನಡೆಸಿತು.

ನೀರಿನಿಂದ ಬಂದ ಆದಾಯವನ್ನು ಡಯಾಮೀರ್‌- ಭಾಷಾ ಮತ್ತು ಮೊಹಮ್ಮದ್‌ ಡ್ಯಾಮ್‌ಗಳ ನಿರ್ಮಾಣಕ್ಕೆ ಬಳಸಿಕೊಳ್ಳಬೇಕು. ಇದಕ್ಕಾಗಿ ರಾಜಧಾನಿ ಹಾಗೂ ಜಿಲ್ಲಾಡಳಿತಗಳಲ್ಲಿ ಪ್ರತ್ಯೇಕ ಖಾತೆಗಳನ್ನು ತೆರೆಯಬೇಕು ಎಂದು ಕೋರ್ಟ್‌ ಹೇಳಿದೆ.