13 ಸಾವಿರ ಕೋಟಿ ರು. ವಂಚಿಸಿದ್ದ ನೀರವ್ ಮೋದಿ| ಬ್ರಿಟನ್ನಲ್ಲಿ ಮಾಸಿಕ 18 ಲಕ್ಷ ರು. ವೇತನದ ಕೆಲಸಕ್ಕಿದ್ದ ನೀಮೋ!
ಲಂಡನ್[ಮಾ.21]: ಪಂಜಾಬ್ ನ್ಯಾಷನಲ್ ಬ್ಯಾಂಕ್ಗೆ 13 ಸಾವಿರ ಕೋಟಿ ರು. ವಂಚನೆ ಮಾಡಿದ ಪ್ರಕರಣದಲ್ಲಿ ಬಂಧಿತನಾಗಿರುವ ವಜ್ರೋದ್ಯಮಿ ನೀರವ್ ಮೋದಿ ತಾನು, ಬ್ರಿಟನ್ನಲ್ಲಿ ಮಾಸಿಕ 20000 ಪೌಂಡ್(18 ಲಕ್ಷ ರು.) ವೇತನಕ್ಕೆ ಕೆಲಸ ಮಾಡುತ್ತಿದ್ದೇನೆ ಎಂದು ಬ್ರಿಟನ್ ಕೋರ್ಟ್ ಬಳಿ ಹೇಳಿಕೊಂಡಿದ್ದಾನೆ.
ಸಮಗ್ರ ಸುದ್ದಿ ಮೂಲವನ್ನಾಗಿ asianet suvarna news ಅನ್ನು ಆಯ್ಕೆ ಮಾಡಿಕೊಳ್ಳಿ
ಅಲ್ಲದೆ, ಈ ಸಂಬಂಧ ತಾನು ಪಾವತಿ ಮಾಡುತ್ತಿರುವ ತೆರಿಗೆ ಸಾಕ್ಷ್ಯಾಧಾರಕ್ಕಾಗಿ 18 ಲಕ್ಷ ರು.ನ ವೇತನ ರಸೀದಿ ಹಾಗೂ ರಾಷ್ಟ್ರೀಯ ವಿಮೆ ಸಂಖ್ಯೆಯನ್ನು ನ್ಯಾಯಾಲಯಕ್ಕೆ ಸಲ್ಲಿಸಿದ್ದಾನೆ.
ನೀಮೋನ 241ಪೇಂಟಿಂಗ್ಸ್, 11 ವಾಹನ ಹರಾಜು: ಇಡಿ
ವಜ್ರೋದ್ಯಮಿ ನೀರವ್ ಮೋದಿಗೆ ಸೇರಿದ್ದ 241 ವರ್ಣಚಿತ್ರಗಳು (ಪೇಂಟಿಂಗ್ಸ್) ಹಾಗೂ 11 ವಾಹನಗಳನ್ನು ಮಾರಾಟ ಮಾಡಲು ಜಾರಿ ನಿರ್ದೇಶನಾಲಯ ನಿರ್ಧರಿಸಿದೆ. ಈ ಕುರಿತ ಇಡಿ ಸಲ್ಲಿಸಿದ್ದ ಮನವಿಯನ್ನು ಮುಂಬೈನ ವಿಶೇಷ ನ್ಯಾಯಾಲಯ ಮಾನ್ಯ ಮಾಡಿದೆ. ಈ ತಿಂಗಳ ಅಂತ್ಯದಲ್ಲಿ ಇವುಗಳ ಹರಾಜು ನಡೆಸುವ ಸಾಧ್ಯತೆ ಇದೆ. ಈ ಪೇಟಿಂಗ್ಗಳ ಮೌಲ್ಯ ಸುಮಾರು 57 ಕೋಟಿ ರು. ಎಂದು ಅಂದಾಜಿಸಲಾಗಿದೆ.
