ಲೇಡಿಸ್ ಹಾಸ್ಟೆಲ್'ಗೆ ನೈಟ್ ರೋಮಿಯೋ ಕಾಟ; ಸ್ಪೈಡರ್ ಮ್ಯಾನ್ ರೀತಿ ಕಟ್ಟದ ಹಾರಿದ ಭೂಪ..!
ಸ್ಪೈಡರ್ ಮ್ಯಾನ್ ರೀತಿ 40 ಅಡಿ ಕಟ್ಟಡ ಏರಿದ್ದಾನೆ. ಅಲ್ಲದೇ ಸಿನಿಮಾ ಸ್ಟೈಲ್'ನಲ್ಲಿ ವಾಟರ್ ಪೈಪ್ ಮೂಲಕ ಎರಡನೇ ಮಹಡಿಯೇರಿದ ಯುವಕ, ಚಾಲಾಕಿತನದಿಂದ ಇಳಿದು ಹೋಗಿದ್ದಾನೆ.
ಹಾಸನ(ಡಿ.07): ನಗರದ ಪ್ರತಿಷ್ಠಿತ ಪಶು ವೈದ್ಯಕೀಯ ಕಾಲೇಜಿನ ಲೇಡಿಸ್ ಹಾಸ್ಟೆಲ್'ನಲ್ಲಿ ಪೋಲಿ ಹುಡುಗನ ಹುಚ್ಚಾಟ ಮಿತಿಮೀರಿದೆ.
ಆ ಯುವಕ, ಸ್ಪೈಡರ್ ಮ್ಯಾನ್ ರೀತಿ 40 ಅಡಿ ಕಟ್ಟಡ ಏರಿದ್ದಾನೆ. ಅಲ್ಲದೇ ಸಿನಿಮಾ ಸ್ಟೈಲ್'ನಲ್ಲಿ ವಾಟರ್ ಪೈಪ್ ಮೂಲಕ ಎರಡನೇ ಮಹಡಿಯೇರಿದ ಯುವಕ, ಚಾಲಾಕಿತನದಿಂದ ಇಳಿದು ಹೋಗಿದ್ದಾನೆ.
ಈ ನೈಟ್ ರೋಮಿಯೋನ ಕಾಟದಿಂದ ಹಾಸ್ಟೆಲ್ ವಿದ್ಯಾರ್ಥಿನಿಯರಲ್ಲಿ ಆತಂಕ ಹೆಚ್ಚಾಗಿದ್ದು, ಹಾಸ್ಟೆಲ್'ನಲ್ಲಿ ಆತನ ಓಡಾಟದ ದೃಶ್ಯಗಳು ಸಿಸಿಟಿವಿಯಲ್ಲಿ ಸೆರೆಯಾಗಿವೆ. ಯಾವುದೇ ವಸ್ತುಗಳು ಕಳವಾಗಿಲ್ಲ. ಆದರೆ ಇದು ಕಾಮುಕನ ಪುಂಡಾಟವೋ..? ಇಲ್ಲಾ ಸೈಕೋನ ಹುಚ್ಚಾಟವೋ..ಎಂಬ ಹಲವು ಪ್ರಶ್ನೆಗಳಿಗೆ ಮಾತ್ರ ಇನ್ನೂ ಉತ್ತರ ಸಿಕ್ಕಿಲ್ಲ.