ಸೆರೆಯಾಯ್ತು ಕ್ಷುದ್ರಗ್ರಹ ಅಪ್ಪಳಿಸುವ ವಿಡಿಯೋ..!
ಇದೇ ಮೊದಲ ಬಾರಿಗೆ ಕ್ಷುದ್ರಗ್ರಹವೊಂದು ಭೂಮಿಗೆ ಬಂದು ಅಪ್ಪಳಿಸುವ ದೃಶ್ಯವನ್ನು ನಾಸಾ ಸೆರೆ ಹಿಡಿದಿದೆ. 2018 LA ಎಂಬ ಬುಲ್ಡೋಜರ್ ಗಾತ್ರದ ಕ್ಷುದ್ರಹ್ರಹ ದ.ಆಫ್ರಿಕಾ ಸಮೀಪ ಭೂಮಿಗೆ ಅಪ್ಪಳಿಸುತ್ತಿರುವ ದೃಶ್ಯವನ್ನು ಸೆರೆ ಹಿಡಿಯಲಾಗಿದೆ.
ಬೆಂಗಳೂರು(ಜೂ.5): ಇದೇ ಮೊದಲ ಬಾರಿಗೆ ಕ್ಷುದ್ರಗ್ರಹವೊಂದು ಭೂಮಿಗೆ ಬಂದು ಅಪ್ಪಳಿಸುವ ದೃಶ್ಯವನ್ನು ನಾಸಾ ಸೆರೆ ಹಿಡಿದಿದೆ. 2018 LA ಎಂಬ ಬುಲ್ಡೋಜರ್ ಗಾತ್ರದ ಕ್ಷುದ್ರಹ್ರಹ ದ.ಆಫ್ರಿಕಾ ಸಮೀಪ ಭೂಮಿಗೆ ಅಪ್ಪಳಿಸುತ್ತಿರುವ ದೃಶ್ಯವನ್ನು ಸೆರೆ ಹಿಡಿಯಲಾಗಿದೆ.
ಈ ಕುರಿತು ಮಾಹಿತಿ ಬಿಡುಗಡೆ ಮಾಡಿರುವ ನಾಸಾ, 6 ಅಡಿ ಉದ್ದದ ಬುಲ್ಡೋಜರ್ ಗಾತ್ರದ ಕ್ಷುದ್ರಗ್ರಹ ಅತ್ಯಂತ ವೇಗವಾಗಿ ಭೂಮಿಗೆ ಅಪ್ಪಳಿಸಿತು ಎಂದು ಹೇಳಿದೆ. ಆದರೆ ಈ ಅಪ್ಪಳಿಸುವಿಕೆಯಿಂದ ಭುಮಿಗೆ ಯಾವುದೇ ಹಾನಿ ಆಗಿಲ್ಲ ಎಂದೂ ನಾಸಾ ಸ್ಪಷ್ಟಪಡಿಸಿದೆ. ಅರಿಝೋನಾ ವಿಶ್ವವಿದ್ಯಾಲಯದ ಟಕ್ಸನ್ ನ ಕ್ಯಾಟಲಿನಾ ಸ್ಕೈ ಸಮೀಕ್ಷೆ ಮೂಲಕ ಈ ಕ್ಷುದ್ರಗ್ರಹದ ಚಲನೆಯನ್ನು ಕಂಡುಹಿಡಿಯಲಾಗಿತ್ತು.
ಈ ಕುರಿತು ಮಾಹಿತಿ ನೀಡಿರುವ ನಾಸಾದ ಪ್ಲಾನೆಟರಿ ಡಿಫೆನ್ಸ್ ಅಧಿಕಾರಿ ಲಿಂಡ್ಲಿ ಜಾನ್ಸನ್, ಯಾವುದೇ ಮುನ್ಸೂಚನೆ ಅಥವಾ ಎಚ್ಚರಿಕೆ ನೀಡಬಹುದಾಗಿದ್ದ ಅಪಾಯವನ್ನೇನು ಈ ಕ್ಷುದ್ರಗ್ರಹ ಹೊತ್ತು ತಂದಿರಲಿಲ್ಲ ಎಂದು ಹೇಳಿದ್ದಾರೆ. ಇದು ಸಾಮಾನ್ಯ ವಿದ್ಯಮಾನವಾಗಿದ್ದು, ನಿರ್ದಿಷ್ಟ ಕ್ಷುದ್ರಗ್ರಹವೊಂದು ಭೂಮಿಗೆ ಅಪ್ಪಳಿಸುವ ಮಾಹಿತಿ ಮೊದಲೇ ಗೊತ್ತಾಗಿದ್ದು ಇದೇ ಮೊದಲು ಎಂದು ಜಾನ್ಸನ್ ಸ್ಪಷ್ಟಪಡಿಸಿದ್ದಾರೆ.