ಇನ್ನು 19 ದಿನಗಳಲ್ಲಿ ಹಸೆಮಣೆ ಏರಬೇಕಾದ ಯೋಧ ಮಸಣಕ್ಕೆ
ಪುಲ್ವಾಮದಲ್ಲಿ ಭೀಕರ ಉಗ್ರರ ದಾಳಿ ನಡೆದು 44 ಯೋಧರು ಹುತಾತ್ಮರಾದ ಬೆನ್ನಲ್ಲೇ ಜಮ್ಮು ಕಾಶ್ಮೀರದ ಗಡಿಯಲ್ಲಿ ಐಇಡಿ ಸ್ಫೋಟವಾಗಿ ಹುತಾತ್ಮರಾದ ಮೇಜರ್ ಪಾರ್ಥಿವ ಶರೀರಕ್ಕೆ ಸ್ವಗ್ರಾಮದಲ್ಲಿ ಸಾವಿರಾರು ಜನರ ಸಮ್ಮುಖದಲ್ಲಿ ಅಂತಿಮ ನಮನ ಸಲ್ಲಿಸಲಾಗಿದೆ.
ಡೆಹ್ರಾಡೂನ್ : ಪುಲ್ವಾಮದಲ್ಲಿ ಭೀಕರ ಉಗ್ರರ ದಾಳಿ ನಡೆದು 44 ಯೋಧರು ಹುತಾತ್ಮರಾದ ಬೆನ್ನಲ್ಲೇ, ಜಮ್ಮು ಕಾಶ್ಮೀರದ ನೌಶೆರಾದಲ್ಲಿ ನಡೆದ ದಾಳಿಯಲ್ಲಿ ಐಇಡಿ ಸ್ಫೋಟವಾಗಿ ಹುತಾತ್ಮರಾದ ಮೇಜರ್ ಚಿತ್ರೇಶ್ ಸಿಂಗ್ ಬಿಸ್ತ್ ಪಾರ್ಥಿವ ಶರೀರ ಸ್ವಗ್ರಾಮಕ್ಕೆ ಆಗಮಿಸಿದೆ.
ಸಾವಿರಾರು ಜನರ ಸಮ್ಮುಖದಲ್ಲಿ ಮೇಜರ್ ಬಿಸ್ತ್ ಅವರಿಗೆ ಅಂತಿಮ ನಮನ ಸಲ್ಲಿಸಲಾಗಿದೆ. ಈ ಘಟನೆಗೆ ಕೋಟ್ಯಂತರ ಜನರು ಕಂಬನಿ ಮಿಡಿದಿದ್ದಾರೆ.
31 ವರ್ಷದ ಮೇಜರ್ ಬಿಸ್ತ್ ಅವರಿಗೆ ಮಾರ್ಚ್ 7ರಂದು ವಿವಾಹ ನಿಶ್ಚಯವಾಗಿತ್ತು. ಮದುಮಗನಾಗಿ ಮನೆಗೆ ಆಗಮಿಸಬೇಕಿದ್ದ ಮಗ ಪಾರ್ಥಿವ ಶರೀರ ರೂಪದಲ್ಲಿ ಆಗಮಿಸಿದ್ದಾರೆ.
ಫೆ. 14 ರ ರಾತ್ರಿ ನೌಶೆರಾ ಪ್ರದೇಶದಲ್ಲಿ ಉಗ್ರರು ಇರಿಸಿದ್ದ ಐಇಡಿ ಸ್ಫೋಟದಲ್ಲಿ ಮೇಜರ್ ಬಿಸ್ತ್ ಹುತಾತ್ಮರಾಗಿದ್ದರು. ಐಇಡಿ ನಿಷ್ಕ್ರೀಯಗೊಳಿಸುವ ವೇಳೆ ಸ್ಫೋಟಗೊಂಡು ಈ ದುರಂತ ಸಂಭವಿಸಿತ್ತು.
ಇನ್ನು ಅವರ ವಿವಾಹಕ್ಕೆ 19 ದಿನಗಳಷ್ಟೇ ಬಾಕಿ ಉಳಿದ ಸಂದರ್ಭದಲ್ಲಿ ಜೈಶ್ ಸಂಘಟನೆಯ ಉಗ್ರರ ಪಾತಕಿ ಕೃತ್ಯಕ್ಕೆ ಬಲಿಯಾಗಿದ್ದರು.
Uttarakhand: Mortal remains of Major Chitresh Singh Bisht being taken for last rites from his residence in Dehradun. He lost his life on 16 Feb while defusing IED planted by terrorists across LoC in Rajouri, J&K. Uttarakhand CM Trivendra Singh Rawat also present. pic.twitter.com/b2u2Prr3yq
— ANI (@ANI) February 18, 2019