ಮಹಾರಾಷ್ಟ್ರದ ನಾಗ್ಪುರದ ವೆನಾ ಡ್ಯಾಂ ನಲ್ಲಿ ಬೋಟ್ ಮುಳುಗಿ ಎಂಟು ಮಂದಿ ದಾರುಣವಾಗಿ ಸಾವನ್ನಪ್ಪಿದ್ದಾರೆ.
ನಾಗ್ಪುರ(ಜು.10): ಮಹಾರಾಷ್ಟ್ರದ ನಾಗ್ಪುರದ ವೆನಾ ಡ್ಯಾಂ ನಲ್ಲಿ ಬೋಟ್ ಮುಳುಗಿ ಎಂಟು ಮಂದಿ ದಾರುಣವಾಗಿ ಸಾವನ್ನಪ್ಪಿದ್ದಾರೆ.
ನಾಗ್ಪುರದಿಂದ 25 ಕಿ.ಮೀ ದೂರದ ಅಮರಾವತಿ ರಸ್ತೆ ಬಳಿಯ ವೆನಾ ಡ್ಯಾಂಗೆ ವಿಹಾರಕ್ಕೆಂದು 11 ಯುವಕರ ತಂಡ ಬಂದಿತ್ತು. ಈ ವೇಳೆ ಯುವಕರು ಬೋಟ್'ನಲ್ಲಿ ಪ್ರಯಾಣಿಸುತ್ತಿದ್ದಾಗ ಬೋಟ್ ಮುಳುಗಿದೆ. ಇದರಲ್ಲಿ ಎಂಟು ಮಂದಿ ನೀರು ಪಾಲಾಗಿದ್ದು ಮೂವರು ಈಜು ದಡ ಸೇರಿ ಜೀವ ಉಳಿಸಿಕೊಂಡಿದ್ದಾರೆ.
ಮುಳುಗಿದವರಲ್ಲಿ ಓರ್ವನ ಶವ ಸಿಕ್ಕಿದ್ದು ಶೋಧ ಕಾರ್ಯ ಮುಂದುವರೆದಿದೆ. ಈ ಯುವಕರು ಬೋಟ್ನಲ್ಲಿ ಪ್ರಯಾಣಿಸುತ್ತಿದ್ದ ದೃಶ್ಯವನ್ನು ಸೆಲ್ಫಿ ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣಕ್ಕೆ ಅಪ್ ಲೋಡ್ ಮಾಡಿದ್ದರು. ಇದಾದ ನಂತರ ಬೋಟ್ ಮುಳುಗಡೆಗೊಂಡಿದೆ.
