ಕೊಪ್ಪಳದ ಶೌಚಾಲಯ ಸಮಸ್ಯೆ ಫೇಸ್ಬುಕ್'ನಲ್ಲಿ ಲೈವ್
ಫೇಸ್ಬುಕ್, ವಾಟ್ಸಪ್ ಅಂದ್ರೆ ಸಾಕು ಇತ್ತೀಚಿನ ದಿನಗಳಲ್ಲಿ ಅವೆಲ್ಲ ಟೈಂ ಪಾಸ್'ಗಾಗಿ ಅಂತ ಅಂದುಕೊಳ್ಳುತ್ತೇವೆ. ಆದರೆ ಇಲ್ಲೊಬ್ಬ ಮಹಿಳೆ ಮೊಬೈಲ್'ನಲ್ಲಿ ಫೇಸ್ ಬುಕ್ ಲೈವ್ ಮೂಲಕ ಶೌಚಾಲಯದ ಸಮಸ್ಯೆ ಬಗೆಹರಿಸಲು ಮುಂದಾಗಿದ್ದಾಳೆ. ಅರೇ ಇದೇನಿದು ಅಂತೀರಾ? ಹಾಗಾದ್ರೆ ಈ ರಿಪೋರ್ಟ್ ನೋಡಿ.
ಕೊಪ್ಪಳ(ಜೂ.29): ಫೇಸ್ಬುಕ್, ವಾಟ್ಸಪ್ ಅಂದ್ರೆ ಸಾಕು ಇತ್ತೀಚಿನ ದಿನಗಳಲ್ಲಿ ಅವೆಲ್ಲ ಟೈಂ ಪಾಸ್'ಗಾಗಿ ಅಂತ ಅಂದುಕೊಳ್ಳುತ್ತೇವೆ. ಆದರೆ ಇಲ್ಲೊಬ್ಬ ಮಹಿಳೆ ಮೊಬೈಲ್'ನಲ್ಲಿ ಫೇಸ್ ಬುಕ್ ಲೈವ್ ಮೂಲಕ ಶೌಚಾಲಯದ ಸಮಸ್ಯೆ ಬಗೆಹರಿಸಲು ಮುಂದಾಗಿದ್ದಾಳೆ. ಅರೇ ಇದೇನಿದು ಅಂತೀರಾ? ಹಾಗಾದ್ರೆ ಈ ರಿಪೋರ್ಟ್ ನೋಡಿ.
ಕೊಪ್ಪಳ ತಾಲೂಕಿನ ಭಾಗ್ಯನಗರ ಪಟ್ಟಣದ ಬಾಬುಜಗಜೀವನರಾಂ ಕಾಲೋನಿ ಫೇಸ್ಬುಕ್ ಲೈವ್ ಒಂದಕ್ಕೆ ಸಾಕ್ಷಿಯಾಯಿತು. ಈ ವಾರ್ಡಿನಲ್ಲಿರೋ ಮನೆಗಳಲ್ಲಿ ಶೌಚಾಲಯಗಳು ಇಲ್ಲ. ಇದ್ದರೂ ಅವು ಬಳಕೆಗೆ ಯೋಗ್ಯವಲ್ಲ. ಹೀಗಾಗಿ ಬಹುತೇಕರು ಬಯಲಿನಲ್ಲಿಯೇ ಶೌಚಾಲಯಕ್ಕೆ ಹೋಗುತ್ತಾರೆ. ಇದರಿಂದ ಮಹಿಳೆಯರು, ಯುವತಿಯರಿಗೆ ಕಾಮುಕರು ಕಾಟ ಹೆಚ್ಚಾಗ್ತಿದೆ. ಇದನ್ನು ಗಮನಿಸಿದ ಸ್ಥಳೀಯ ತ್ರಿಶಾಲ್ ಎಂಬುವವರು, ಐರಿನ್ ಅನ್ನೋವರಿಗೆ ಸಮಸ್ಯೆ ವಿವರಿಸಿದ್ದಾರೆ. ಈ ಹಿನ್ನಲೆಯಲ್ಲಿ ಭಾಗ್ಯನಗರಕ್ಕೆ ಬಂದ ಐರಿನ್ ಶೌಚಾಲಯದ ಸಮಸ್ಯೆ ಅರಿತು ಫೇಸ್ಬುಕ್ ಲೈವ್ ಮಾಡಿದರು. ಈ ವೇಳೆಯಲ್ಲಿ ಸಾಕಷ್ಟು ದಾನಿಗಳು ಸಮಸ್ಯೆಗೆ ಸ್ಪಂದಿಸುವುದಾಗಿ ಭರವಸೆ ನೀಡಿದ್ದಾರೆ .
ಇನ್ನು ಐರಿನ್ ಹುಬ್ಬಳ್ಳಿಯಲ್ಲಿ ಹ್ಯಾಪಿ ಹೋಮ್ ಚಿಲ್ಡ್ರನ್ ಆಶ್ರಮವೊಂದನ್ನು ನಡೆಸುತ್ತಿದ್ದಾರೆ. ಈ ಹಿಂದೆ ಇಂತಹ ಸಮಸ್ಯೆಗಳ ಬಗ್ಗೆ ಸಾಕಷ್ಟು ಬಾರಿ ಫೇಸ್ಬುಕ್ ಲೈವ್ ನಡೆಸಿದ್ದಾರಂತೆ. ಆಗ ಸಾಕಷ್ಟು ಜನರು ಸಹಾಯಕ್ಕೆ ಬಂದು ಸಮಸ್ಯೆಗಳನ್ನು ಬಗೆಹರಿಸಿದ್ದಾರೆ. ಈಗ ಅದೇ ಉದ್ದೇಶ ಇಟ್ಟುಕೊಂಡ ಐರಿನ್, ಶೌಚಾಲಯದ ಸಮಸ್ಯೆ ಕುರಿತು ಫೇಸ್ಬುಕ್ ಲೈವ್ ನಡೆಸಿದ್ರು. ಈ ವೇಳೆಯಲ್ಲಿ ಅವರು ಸ್ಥಳಿಯರೊಂದಿಗೆ ಸಮಸ್ಯೆ ಕುರಿತು ಚರ್ಚೆ ನಡೆಸಿ ಫೇಸ್ ಬುಕ್ ಲೈವ್ನಲ್ಲಿ ಸ್ಥಳಿಯರನ್ನು ಮಾತನಾಡಿಸಿದರು.
ಐರಿನ್ ಫೇಸ್ಬುಕ್ ಲೈವ್ ನಡೆಸಿದ ವೇಳೆ ಸ್ಥಳೀಯ ಮಹಿಳೆಯರು ಸಹ ಅವರಿಗೆ ಸಾಥ್ ನೀಡಿದ್ರು.. ಇನ್ನು ಬಾಬುಜಗಜೀವನರಾಂ ಕಾಲೋನಿಯಲ್ಲಿ ಶೌಚಾಲಯಗಳು ಇದ್ದರೂ ಸಹ ಅವು ಹಾಳಾಗಿ ಹೋಗಿವೆ. ಈ ಬಗ್ಗೆ ಐರಿನ್ ನಡೆಸಿದ ಫೇಸ್ಬುಕ್ ಲೈವ್ಗೆ ಸ್ಥಳೀಯರು ಕೂಡ ಶ್ಲಾಘಿಸಿದ್ರು.. ಸಾಕಷ್ಟು ಜನ ದಾನಿಗಳು ಕೂಡ ಸಹಾಯ ಮಾಡಲು ಮುಂದಾದ್ರು. ಇನ್ನಾದ್ರು ಅಧಿಕಾರಿಗಳು ಎಚ್ಚೆತ್ತು ಈ ಸಮಸ್ಯೆಗೆ ಸೂಕ್ತ ಪರಿಹಾರಿ ನೀಡ್ತಾರಾ ಕಾದು ನೋಡಬೇಕಿದೆ.