ಪಾಕ್‌ ಶೆಲ್‌ ದಾಳಿಗೆ ಗಾಯಗೊಂಡಿದ್ದ 10 ದಿನದ ಮಗು ಸಾವು!
ಕಾಶ್ಮೀರದಲ್ಲಿ ಪಾಕ್‌ ಶೆಲ್‌ ದಾಳಿಗೆ ಗಾಯಗೊಂಡಿದ್ದ 10 ದಿನದ ಮಗು ಸಾವು| ಕಾಶ್ಮೀರದ ಪೂಂಚ್‌ ಜಿಲ್ಲೆಯ ಶಹಾಪುರ ಸೆಕ್ಟರ್‌ನಲ್ಲಿ ಘಟನೆ
ಜಮ್ಮು[ಜು.30]: ಜಮ್ಮು-ಕಾಶ್ಮೀರದ ಗಡಿರೇಖೆಗುಂಟ ಪಾಕಿಸ್ತಾನದ ಸೇನೆ ನಡೆಸುತ್ತಿರುವ ಅಪ್ರಚೋದಿತ ಗುಂಡಿನ ದಾಳಿ, ಮಾರ್ಟರ್‌ ಹಾಗೂ ಶೆಲ್‌ ದಾಳಿಗೆ 10 ದಿನಗಳ ಹಸುಗೂಸೊಂದು ಸೋಮವಾರ ಬಲಿಯಾದ ಹೃದಯ ವಿದ್ರಾವಕ ಘಟನೆ ನಡೆದಿದೆ.
ಕಾಶ್ಮೀರದ ಪೂಂಚ್‌ ಜಿಲ್ಲೆಯ ಶಹಾಪುರ ಸೆಕ್ಟರ್‌ನಲ್ಲಿ ಈ ಘಟನೆ ಭಾನುವಾರ ತಡರಾತ್ರಿ ನಡೆದಿದೆ. ಪಾಕ್‌ ಕಡೆಯಿಂದ ನಡೆದ ತೀವ್ರತರವಾದ ಶೆಲ್‌ ದಾಳಿಯಿಂದ ಮಗು, ಅದರ ತಾಯಿ ಫಾತಿಮಾ ಜಾನ್‌ (35) ಹಾಗೂ ಇನ್ನೋರ್ವ ನಾಗರೀಕ ಮೊಹಮ್ಮದ್‌ ಆರೀಫ್‌ (40) ಗಾಯಗೊಂಡಿದ್ದರು.
ಕೂಡಲೇ ಪೂಂಚ್‌ ಜಿಲ್ಲಾಸ್ಪತ್ರೆಗೆ ಮಗುವನ್ನು ದಾಖಲಿಸಲಾಯಿತಾದರೂ ಚಿಕಿತ್ಸೆ ಫಲಿಸದೇ ಮಗು ಸಾವನ್ನಪ್ಪಿದೆ.
Last Updated Jul 30, 2019, 8:40 AM IST
