ರೇವಣ್ಣ ಇದೇನಣ್ಣಾ? ಮುಂದುವರೆದಿದೆ ಸೂಪರ್ ಸಿಎಂ ದರ್ಬಾರ್!
ಮೈತ್ರಿ ಸರ್ಕಾರದಲ್ಲಿ ರೇವಣ್ಣ ದರ್ಬಾರ್ | ಯಾರ ಮಾತಿಗೂ ಬಗ್ಗುತ್ತಿಲ್ಲ ರೇವಣ್ಣ | PWD ಇಲಾಖಾ ಅಧಿಕಾರಿಗಳ ಏಕಾಏಕಿ ಎತ್ತಂಗಡಿ |
ಬೆಂಗಳೂರು (ಅ. 01): ಮೈತ್ರಿ ಸರ್ಕಾರದಲ್ಲಿ ಮತ್ತೆ ಸೂಪರ್ ಸಿಎಂ ರೇವಣ್ಣ ದರ್ಬಾರ್ ಶುರುವಾಗಿದೆ. ಯಾರು ಏನೇ ಹೇಳಿದ್ರೂ ಎಚ್.ಡಿ.ರೇವಣ್ಣ ಖದರ್ ನಿಲ್ಲುತ್ತಿಲ್ಲ.
ಪಿಡಬ್ಲೂಡಿ ಇಲಾಖೆಯಲ್ಲಿ ಕಿರಿಯ ಇಂಜಿನಿಯರ್ ಸೇರಿ 700 ಅಧಿಕಾರಿಗಳನ್ನು ವರ್ಗಾವಣೆ ಮಾಡಲಾಗಿದೆ. ಪ್ರಥಮ ದರ್ಜೆ, ದ್ವಿತೀಯ ದರ್ಜೆ ಸಹಾಯಕರು, ಡಿ ಗ್ರೂಪ್ ನೌಕರರನ್ನು ಏಕಾಏಕಿ ವರ್ಗಾವಣೆ ಮಾಡಲಾಗಿದೆ. ಜೂನ್-ಜುಲೈನಲ್ಲಿ ನಡೆಯಬೇಕಿದ್ದ ಸಾಮೂಹಿಕ ವರ್ಗಾವಣೆ ಈಗಲೇ ಆಗಿದ್ಯಾಕೆ ಎಂಬ ಪ್ರಶ್ನೆ ಎದ್ದಿದೆ.
"
ರಾತ್ರೋ ರಾತ್ರಿ ಲೋಕೋಪಯೋಗಿ ಇಲಾಖೆಯಲ್ಲಿ ಅಧಿಕಾರಿಗಳ ಎತ್ತಂಗಡಿ ಮಾಡಲಾಗಿದೆ. ದಿಢೀರ್ ವರ್ಗಾವಣೆಗೆ ಇಂಜಿನಿಯರ್ಗಳು ಹಾಗೂ ಸಿಬ್ಬಂದಿ ಗಲಿಬಿಲಿಗೊಂಡಿದ್ದಾರೆ. ಸಚಿವ ರೇವಣ್ಣ ಕ್ರಮಕ್ಕೆ ಸಮ್ಮಿಶ್ರ ಸರ್ಕಾರದಲ್ಲಿ ಮತ್ತೆ ಗೊಂದಲ ಸೃಷ್ಟಿ ಸಾಧ್ಯತೆ ಇದೆ.